კავკასიის უნივერსიტეტის ტექნოლოგიების სკოლა აცხადებს მიღებას სამაგისტრო პროგრამაზე საინფორმაციო სისტემებში
გსურთ დაწინაურდეთ წამყვან პოზიციაზე საინფორმაციო სისტემების სფეროში? კავკასიის ტექნოლოგიების სკოლის სამაგისტრო პროგრამა საინფორმაციო სისტემებში საუკეთესო არჩევანია ამ მიზნის მისაღწევად.
პროგრამა გამოირჩევა რამდენიმე მნიშვნელოვანი ფაქტორით:
•
თანამედროვე სასწავლო პროგრამა: ძნელია დღეს იპოვოთ საქართველოში სამაგისტრო პროგრამა საინფორმაციო სისტემების სფეროში, რომელიც აგებულია თანამედროვე მოთხოვნების მიხედვით. ჩვენ გთავაზობთ პროგრამას, რომელშიც ასახულია თანამედროვე ორგანიზაციების მოთხოვნები.
•
ტექნიკური და მენეჯერული ცოდნისა და უნარ-ჩვევების კომბინაცია: დღეს, კომპანიებს სჭირდებათ ადამიანები რომლებსაც გააჩნიათ კომპლექსური ცოდნა. განსაკუთრებით დიდია მოთხოვნა ისეთ ადამიანებზე, რომელთაც გააჩნიათ ბიზნესის მართვისა და საინფორმაციო ტექნოლოგიების კომბინირებული ცოდნა. ჩვენი პროგრამა სწორედ ამ მოთხოვნას ითვალისწინებს და სტუდენტს აძლევს ღრმა ტექნიკურ ცოდნასა და ბიზნესის სტრატეგიის კარგი ანალიზის უნარს.
•
მოქნილი სტრუქტურა – გამოსავალი დასაქმებული ადამიანისათვის: თითეული საგანი ისწავლება კვირაში ერთხელ, საღამოს საათებში, რაც საშუალებას აძლევს დასაქმებულ ადამიანებს დაესწრონ ლექციებს სამუშაო საათების შემდეგ. სტუდენტებს შეუძლიათ აირჩიონ სემესტრში მინიმუმ 2 და მაქსიმუმ 5 საგანი. პროგრამის დასრულება შესაძლებელია მინიმუმ 2 და მაქსიმუმ 5 წელიწადში.
•
მისაღები ფასი ხარისხიანი პროგრამისთვის: ერთი კრედიტის ღირებულება შეადგენს 80 ლარს, საგნების უმრავლესობა 6 კრედიტიანია, შესაბამისად საგნების დიდი ნაწილის ღირებულბა შეადგენს 480 ლარს. 2010 წლიდან სტუდენტს საშუალება აქვს მოიპოვოს სახელმწიფო გრანტი საერთო სამაგისტრო პროგრამაში დაგროვილი ქულების საფუძველზე. ამ შემთხვევაში გრანტის რაოდენობა აკლდება სწავლის საფასურს.
•მოქნილი გადახდის სისტემა: სტუდენტი იხდის მხოლოდ მოცემულ სემესტრში დარეგისტრირებული საგნების საფასურს.
პროგრამა ისწავლება ინგლისურ ენაზე და გთავაზობთ არჩევანს სამ სპეციალიზაციას შორის:
-მონაცემთა ბაზები
-კომპიუტერული ქსელები
-კომპიუტერული უსაფრთხოებაპროგრამა მოიცავს 17 საგანს და სპეციალობის პროექტს.
იმ პირებს, რომელთაც სურვილი აქვთ
გაიარონ მხოლოდ კონკრეტული საგნები სამაგისტრო პროგრამიდან, შესაძლებლობა აქვთ ჩააბარონ სასერთიფიკატო პროგრამაზე და ისწავლონ მხოლოდ მათთვის სასურველი მიმართულების საგანი ან საგნები.
პროგრამაზე მიღების წესები:კავკასიის უნივერსიტეტში მაგისტრატურაში ჩაბარების მსურველმა უნდა:
** ჩააბაროს საერთო სამაგისტრო გამოცდა ზოგად უნარებში (საერთო სამაგისტრო გამოცდისთვის რეგისტრაცია მოხდება კავკასიის უნივერსიტეტში).
** გაიაროს ტესტირება კავკასიის ტექნოლოგიების სკოლაში (ტესტირებაზე რეგისტრაციისათვის კონკურსში მონაწილემ უნივერსიტეტში უნდა შეავსოს დამატებითი განაცხადი).
მიღებული ქულების შედეგად კონკურსში გამარჯვებულები ჩაირიცხებიან სამაგისტრო პროგრამაზე.
მაგისტრანტის კანდიდატის საკონკურსო ქულაში საერთო სამაგისტრო გამოცდის კოეფიციენტი არის 40, ხოლო კავკასიის ტექნოლოგიების სკოლის ტესტირების კოეფიციენტი არის 60.
საჭირო საბუთები: საერთო სამაგისტრო გამოცდაზე რეგისტრაციისთვის უნდა წარმოადგინოთ:
** პირადობის მოწმობის ასლი
** ბაკალავრის დიპლომის ასლი ან უმაღლესი სასწავლებლის მიერ გაცემული ცნობა, რომ სწავლობს ბაკალავრიატის დამამთავრებელ კურსზე (უცხო ქვეყნის უმაღლესი საგანმანათლებლო დაწესებულების მიერ გაცემულ დიპლომს თან უნდა ახლდეს აღიარების შესახებ დოკუმენტი)
** ორი ფერადი ფოტოსურათი (3x4) და ფოტოსურათი ელექტრონულ ფორმატში
** საერთო სამაგისტრო გამოცდის საფასურის გადახდის დამადასტურებელი ქვითარი
** ცნობა რაიმე ტიპის ფუნქციონალური დარღვევის შესახებ, თუ პირს აქვს ისეთი ფუნქციონალური დარღვევა, რომელიც საჭიროებს სპეციფიურ საგამოცდო გარემოს
** ნოტარიულად დამოწმებული ქართული თარგმანი, თუ დოკუმენტ(ებ)ი უცხო ენაზეა შედგენილი
** CV.
კავკასიის ტექნოლოგიების სკოლის ტესტირებაზე რეგისტრაციისათვის კონკურსში მონაწილემ უნდა შეავსოს დამატებითი საუნივერსიტეტო განაცხადი.
2010-2011 წლისათვის პროგრამაზე საბუთების მიღება მიმდინარეობს 2010 წლის 8 აპრილიდან 10 მაისის ჩათვლით.
საკონტაქტო პირი:
ნათია სულაბერიძე
ტელ: +995 32 31 32 25 (*172)
+995 32 94 16 91 (*172)
ელფოსტა: nsulaberidze@cu.edu.ge
ვებ-გვერდი:
http://www.cu.edu.ge 
სასწავლო დაწესებულებები / მასწავლებლები, თვითრეკლამა/რეკომენდაცია
