ამერიკული სისტემა რუსული რაკეტების წინააღმდეგ უძლურია ეს ინფორმაცია გაავრცელა საიტმა Wikileaks-მა. მის თანახმად, რაკეტსაწინააღმდეგო თავდაცვის (რსთ) სისტემის ელემენტები, რომელთა განლაგება აშშ-ს სურდა პოლონეთში და ჩეხეთში, მაინც ვერ შესძლებდა რუსული სტრატეგიული რაკეტების ჩამოგდებას. როგორც თავად ამერიკელებმა აღიარეს, ჩეხეთში განლაგებული რადარი უბრალოდ ვერ აფიქსირებდა რაკეტის გაშვების საწყის მომენტს. როგორც იმ დეპეშიდან ჩანს, რომელიც ვაშინგტონში გაგზავნა მექსიკაში აშშ-ს საელჩომ, რაკეტსაწინააღმდეგო სისტემის არაეფექტურობაზე 2007 წლის ოქტომბერში განაცხადა ამერიკელმა მაღალჩინოსანმა გენერალმა პატრიკ ორეილიმ, რუსეთის მხარესთან მოლაპარაკებების დროს. ორეილიმ ასევე აღნიშნა, რომ რადარის გაუმჯობესებაც კი ვერ მისცემდა ამერიკას იმის შესაძლებლობას, რომ ჩამოეგდოთ რუსული სტრატეგიული ბალისტიკური რაკეტები. ამის გაკეთება მხოლოდ დიდ ბრიტანეთში განლაგებულ რადარის დახმაებითაა შესაძლებელი, მაგრამ ჩეხეთის ტერიტორია ზედმეტად ახლოსაა რუსეთთან, ამიტომ რადარის ტალღებს არ ძალუძთ რაკეტების სტარტის დაფიქსირება. ჩეხეთში და პოლონეთში რსთ-ს ელემენტების განლაგება ბუშის ადმინისტრაციის იდეა იყო. საპასუხოდ, რუსეთმა განაცხადა, რომ ამ პროგრამის რეალიზება მას საფრთხეს უქმნის და დაიმუქრა, რომ კალინინგრადის ოლქში სარაკეტო კომპლექს „ისკანდერს" განალაგებდა.
მას შემდეგ, რაც ბარაქ ობამამ ბუში შეცვალა თეთრ სახლში, პროგრამა გაიყინა და 2009 წელს ამერიკულმა მხარემ ალტერნატიული პროექტი წარმოადგინა, რომელიც, მისი აზრით, რუსეთისთვის ნაკლებად გამაღიზიანებელი იყო. გასულ წელს რუსეთმა და აშშ-მ ხელი მოაწერეს სტრატეგიული შეტევითი იარაღის შემცირების ხელშეკრულებას, მაგრამ მოსკოვი აცხადებს,რომ გამოვა ხელშეკრულებიდან, თუ დაინახავს, რომ აშშ რუსული რაკეტებისთვის საშიშ ანტისარაკეტო სისტემას ქმნის.
http://www.tribuna.ge/index.php?option=com...d=713&Itemid=75ეს რომელი ტიპის რაკეტაა ? და მაგ რაკეტის შესაძლებობებზე იქნებ დაწეროთ აქ ვინმემ !
This post has been edited by heart on 30 Nov 2011, 21:04
ბირთვული იარაღი., და მათი მიზნამდე მიტანის საშუალებები
