თბილისის დაცვა დასავლეთის მიმართულებიდან
”მუხრანის” სექტორის ამოცანაა რაც შეიძლება დიდხანს დააყოვნოს იერიშზე გადმოსული მტერი ხეობაში და მისცეს თბილისის მე-4 ბრიგადას პოზიციების დაკავების და 1-ლ კადირებულ ბრიგადას (მობილიზაციის და პოზიციების დაკავების) და ტერდაცვის 3 ბატალიონს მობილიზაციის ჩატარების დრო.
მიმართულება დაყოფილია რამდენიმე პირობით ზონად:
1). ახალგორიდან სოფელ ქსოვრისამდე. გზა ჭალიდან 30-100 მეტრშია ვერტიკალზე (ანუ ჩასავარდნია და ვერ გადაუხვევ), არ არსებობს ხიდი, გადის მთების ძირში, არსებობს 5-6 ჩასახვევი ჭალისკენ. დაჯგუფება გვერდს ვერ აუვლის სოფელ ქსოვრისს.
ამ ზონაში განლაგებულია 2-3 ქართული სოფელი. შესაძლებელია 24 კაციანი 2 რაზმის შექმნა. რომელიც დანაღმავს შემოვლით და ძირითად გზას და გაატარებს რუსებს, ცეცხლს კი გაუხსნის ზურგის ნაწილებს და ოსებს.
2). სოფელ ქსოვრისიდან სოფელ წეროვნამდე. გზაზე არ არის ხიდი და მთები, მინდორია. საკვანძო პუნქტია სოფელი მუხრანი, რომელსაც გვერდს ვერ აუვლიან.
ბუნებრივი განლაგების გამო სოფელ ქსოვრისში შესაძლებელია მოიერიშეების საკმაო ხნით დაყოვნება, ამ ამოცანას შეასრულებს ცალკეული ასეული, რომელიც დანაღმავს შემოვლით და ძირითად გზებს და თავს დაესხმება კოლონას.
ზოგადად: ტრასამდე იმოქმედებს 300 ოფიცერი და ჯარისკაცი. საჭიროა ამ დანაყოფების აღჭურვა ჰაერსაწინააღმდეგო რაკეტებით.
უშუალოდ ტრასასთან იმუშავებს 4 დივერსიული რაზმი 50-მდე ოფიცერი და ჯარისკაცი. ამათი ძირითადი ამოცანა იქნება ლოჯისტიკის მოშლა, მცირე კოლონების და ცალკეული მანქანების განადგურება.
3). წეროვნის და ნატახტარის ტეკის მიდამოები. ზოგადად მცხეთის მისადგომები და სოფელი საგურამო (არტილერიის პოზიციები). ეს ადგილები წითლადაა აღნიშნული. მანდ უნდა მოეწყოს სანგრები, ბლინდაჟები და საცეცხლე წერტები.
როგორც კი დაიწყება მოწინააღმდეგის შეტევა, მე-4 ბრიგადამ (მინ. 2 ბატალიონმა მაინც) უნდა დაიკავოს ეს ე.წ. მე-3 ზონა. მათ უკან (ან მათთან ერთად) განლაგდებიან, ან სრულ მზადყოფნაში ტყეებში იდგებიან მცხეთის ტერდაცვის ნაწილები, დაახლ. 300 ოფიცერი და ჯარისკაცი. თუ მოწინააღმდეგე შემოვლით მანევრს დაიწყებს, მათ გადაჯგუფებას ხელი უნდა შეუშალონ საგურამო-მისაქციელი-ნატახრატის ტერდაცვის ნაწილებმა (160-მდე ოფიცერი და ჯარისკაცი).
მოწინააღმდეგემ უნდა იგრძნოს რომ ყველა მიმართულებაზე საცეცხლე ზემოქმედების ქვეშაა. საგურამის მხრიდან ამუშავდება მე-4 ბრიგადის არტილერია, ხოლო ამ დაჯგუფებას უნდა იცავდნენ ჰაერსაწინააღმდეგოს თავდაცვის დანაყოფები. საჭიროა ჰაერსაწინააღმდეგო ”ხაფანგების” მოწყობა (სიმაღლეებზე პზრკ-ს გათვლები).
4). ზაგესის ზონა. პარალელურად დასავლეთის მიმართულების გასამაგრებლად დაიძვრება სასწრაფოდ მობილიზებული ”თბილისის 1-ლი კადრირებული ბრიგადა” სრული შემადგენლობით (3.300 ოფიცერი და ჯარისკაცი), რომელიც ზაგესის ზონის წინასწარ მომზადებულ პოზიციებს დაიკავებს (წითლადაა შეფერადებული).
მწვანედ შეფერადებული კვანძები ხიდებია (ან ძალიან მნიშვნელოვანი ადგილები), რომლებიც უნდა დაინაღმოს და აუცილებლობის შემთხვევაში აფეთქდეს (ქსანი-ძეგვის რაიონში ძეგვის სარკინიგზო ხიდიც საკმარისი იქნება). საჭიროების შემთხვევაში ამ მიმართულების ჩასაკეტად მზად უნდა იყოს 100 ჯარისკაცი მაინც. ძეგვის მიმართულებისთვის დიდი ყურადღება არ მიმიქცევია. მანდ საავტომობილი გზა არ არის და არა მგონია მანდედან ფეხით სცადონ შემოსვლა. ნუ, ეგ არ არის ეხლა ძალიან მნიშვნელოვანი.
ამ მიმართულების რეზერვში დადგება თბილისის ტერდაცვის 3 ბატალიონი (1.500-მდე კაცი).
იმედია ეხლა მაინც ჩანს რა სარგებლობა მოაქვს ტერდაცვას …
სულ დასავლეთის მიმართულებაზე მობილიზებული ძალები
1.000-მდე ტერდაცვა თბილისამდე.
1.500-მდე ტერდაცვა თბილისში.
2.400-მდე პროფესიონალი
3.300 - კადრირებული
სულ: 9.000-მდე ოფიცერი და ჯარისკაცი (ლოჯისტიკის და დამხმარე ნაწილების ჩათვლით). კარგი იქნებოდა 1 საარტილერიო პოლკი თუ დაეხმარება ამ დაჯგუფებას. თუნდაც D-30 და Msta-ებზე და 12 გრადი - ესეც კადრირებული რა თქმა უნდა. + 120მმ ნაღმმტყორცნელების ცალკეული დივიზიონი.
ეხლა წარმოიდგინეთ ასეთნაირად მომზადებული მიმართულებები:
ხაშური-ქარელი-გორი-კასპი
ყაზბეგი-დუშეთი
რუსთავი - სამხრეთ თბილისი
ბოლნისი-მარნეული
პ.ს. მე ქართლელი ვარ, ამ რეგიონს უკეთ ვიცნობ, ამიტომ ზუგდიდი და ქუთაისი არ მიხსენებია.
ტერიტორიალური თავდაცვის ძალები, სტრუქტურა-ორგანიზაცია
