ვეთანხმები xanga-ს. ეს ომის დაწყების მიზეზის პოვნის ერთ-ერთი რეალური ვარიანტია, პრინციპში ყველაზე რეალური.
თუ, რა თქმა უნდა, ორმა ჯუჯამ სომხეთის პროვოცირება არ მოახდინეს. ისინი ცდილობდნენ ერევნის პროვოცირებას, მაგრამ ჩვენს დაუძინებელ მეზობლებს იმაზე ჭკვიანი მთავრობა აღმოაჩნდათ, ვიდრე მეგონა.
სააკაშვილის ვიზიტით ერევანში, ფაქტობრივად, გადაწყდა,(თუ რა თქმა უნდა, ერევანში არ გაგიჟდებიან), რომ სომხეთი ყულფში თავს არ გაყოფს.
თან დააკვირდით - მიშა სომხებმა დემონსტრაციულად დააჯილდოვეს ღირსების ორდენით, რამაც ორ ჯუჯას ფაღარათი დამართა.
ამიტომ რუსებს რჩებათ ორი ვარიანტი. ან ჩვენ გამოგვიწვიონ და ასე ვთქვათ ჩვენ დაგვარტყმევინონ(თუმცა, კიდევ ერთხელ ვიმეორებ, ომს ის არ იწყებს, ვინც პირველი ურტყამს), ან გააკეთონ ის, რაც xanga-მ თქვა.
ჩვენი პროვოკაციაზე წამოგება არარეალურად მეჩვენება. ასე რომ, ორ ჯუჯას ერთი ვარიანტი რჩება.
ეს სტატიაც საინტერესოა, ჩემი აზრით.
რუსებმა თამარაშენისა და ქურთას ნანგრევები “დანგრეულ ცხინვალად” გაასაღეს
ივლისი 03,2009
მოსკოვში გამართული პრესკონფერენციისას რუსეთის გენერალური პროკურატურის საგამოძიებო კომიტეტის ხელმძღვანელმა ალექსანდრ ბისტრიკინმა წარადგინა ფოტო-მასალა, რომელზეც, რუსული მხარის მტკიცებით, დანგრეული ცხინვალია ასახული.
ეს კი, ბისტრიკინის მტკიცებით, ადასტურებს, რომ საქართველოს შეიარაღებულმა ძალებმა 2008 წლის აგვისტოში შეგნებულად დაანგრიეს ცხინვალის სამოქალაქო ობიექტები და “ოსი ხალხის” გენოციდი განახოციელეს.
“მედიანიუსის” ინფორმაციით, რეალურად ამ ფოტო-მასალაზე თამარაშენის, კეხვის და ქურთას ნანგრევებია ასახული და ამას რუსები “დანგრეულ ცხინვალად” ასაღებენ.
როგორც “მედიანიუსს” სარწმუნო წყარომ აცნობა, ზემოხსენებული ფოტო-მასალა შიდა და საგარეო პროპაგანდას ემსახურება. რუსულმა მხარემ ეს ფოტო-მასალა წარადგინა 3 ივლისს და ბისტრიკინმა განაცხადა, რომ ეს მასალა საქართველო-რუსეთის ომის მიზეზების შემსწავლელი ევროკავშირის კომისიას გადაეგზავნება, რომელსაც ჰაიდი ტალიავინი ხელმძღვანელობს. ეს კი, უცნაურია. კერძოდ, საქართველო-რუსეთის ომიდან 11 თვე გავიდა, მაგრამ რუსებმა ფოტო-მასალა წარადგინეს მაინცდამაინც მაშინ, როდესაც ტალიავინის კომისიის დასკვნის გამოქვეყნებამდე დარჩა 28 დღე.
რუსული პროპაგანდის გათვლა მარტივია. ამ ფოტო-მასალას ტალიავინის კომისია მტკიცებულებებად ვერ მიიღებს, რადგან კომისიის წევრები თავად იყვნენ ცხინვალში და დანგრეულ ქართულ სოფლებში, შეაგროვეს ფოტო-მასალა და შესანიშნავად მოეხსენებათ, თუ რომელმა მხარემ გაანადგურა მთელი დასახლებული პუნქტები.. სამაგიეროდ, 31 ივლისის შემდეგ, რუსული პროპაგანდა დაიწყებს იმის მტკიცებას, რომ ტალიავინის კომისია სუბიექტურია და არ მიიღო რუსული მხარის მტკიცებულებები. შემდეგ კი, ქურთას, თამარაშენისა და კეხვის ნაგრევებს ცხინვალად გაასაღებენ არა მხოლოდ რუსული გამოცემები, არამედ “გაზპრომის” მიერ კონტროლირებადი უცხოური მედიასაშუალებები.
რუსეთის მიერ გავრცელებულ ფოტო-მასალაში ცხინვალიცაა აღნიშნული. მაგალითად, რუსებმა ქართული არმიის მიერ დანგრეულ “სამოქალაქო ობიექტებად” გაასაღეს ქალაქის ე.წ. ებრაული კვარტალი, რომელიც 1990 წლის მიწისძვრის დროს დაინგრა და მის აღდგენაზე არც სეპარატისტებს უზრუნიათ და არც მათ პატრონ რუსებს.
2008 წლის აგვისტოს ომის შემდეგ, ცხინვალში უამრავი უცხოელი ჟურნალისტი იმყოფებოდა, რომელთაც “მიწასთან გასწორებულ ქალაქს” ვერ მიაგნეს, საყოფაცხოვრებო პირობები ქალაქში კი, არც ომამდე იყო და არც ომის შემდეგ.
რეალურად, “მედიანიუსის” ინფორმაციით, 2008 წლის აგვისტოში ქართული არმიის ცხინვალზე შეტევისას დაზიანდნენ მხოლოდ ე.წ. მთავრობის, ე.წ. პარლამენტის, ე.წ. თავდაცვის სამინისტროს და ე.წ. უნივერსიტეტის შენობები. ამ შენობებიდან ქართველ ჯარისკაცებს ნაღმტყორცნებიდან ესროდნენ და საცეცხლე წერტილების ჩახშობა აუცილებელი იყო.
ქართულმა მხარემ ტალიავინის კომისიას გადასცა სრულყოფილი დოკუმენტური მასალა, რომ ქალაქში ძირითადი ნგრევა გამოიწვია რუსული ავიაციის მიერ განხორციელებულმა დარტყმებმა. მაგრამ ამ დარტყმების შემდეგადაც, ცხინვალი არ იქცა “ქალაქად რომელიც აღარ არსებობს”, როგორც ამას რუსული პროპაგანდა 11 თვის განმავლობაში ამტკიცებდა.
http://www.medianews.ge/geo/news/46133.html 
· 
ოკუპირებული ტერიტორიები, მოსალოდნელი საფრთხეები-7, დღევანდელი მდგომარეობა, მომავალი ნაბიჯები
