tornikeeeeeერთ რეისზე თუა სავარაუდოდ ერთხელ უნდა გადაიხადო. თუმცა 100%ით ვერ დაგიდასტურებ. დაურეკე ჯობს.
გადაფუთვის სერვისი დაემატაო უსამ.
ავტომატურად იყო დაყენებული პროფილში რო გადაიფუთოს ამანათები და თუ ვინმეს არ გსურთ გააუქმეთ. კიდეკაი დავინახე
3. ამანათების ზომაში შემცირების სერვისი (გადაფუთვა)
3.1 ტრანსპორტირების ღირებულების გამოანგარიშების საერთაშორისო წესის დაბრუნებასთან ერთად, რომელიც ითვალისწინებს ღირებულების გადახდას მოცულობით და რეალურ წონებს შორის მაქსიმალურით, კომპანია მომხმარებლებს სთავაზობს - გადაფუთვის ნებაყოფლობით მომსახურებას.
მომხმარებელს შეუძლია აღნიშნული მომსახურების გააქტიურება, ამანათის ამერიკის საწყობში მისვლამდე, ცალკეულ ამანათზე, მომხმარებლის გვერდიდან გადაფუთვის მოსანიშნის ჩართვით. მომსახურების გააქტიურება შესაძლებელია ასევე ავტომატურად, ყველა მისაღებ ამანათზე. ამისათვის მომხმარებელმა უნდა გააქტიუროს გადაფუთვის ავტომატური მოსანიშნი მომხმარებლის გვერდიდან, განყოფილებაში - პარამეტრები -> ავტომატური გადაფუთვა
3.2 მომხმარებლის მიერ, ამანათების ზომაში შემცირების სერვისის გამოყენების შემთხვევაში, ამანათები დაითვლება მიღებული მოცულობით და რეალურ (სასწორის) წონებს შორის მაქსიმუმით, ხელშეკრულების 2.1. პარაგრაფის მიხედვით;
3.3 ამანათების გადაფუთვის მომსახურება არის ფასიანი და მომხმარებელს ექნება წვდომა ინფორმაციაზე, გადაფუთვის მომსახურების ჩართვის შედეგად - რამდენია დანაზოგი.
ამერიკის საწყობში მიღებული მოცულობით 10კგ-მდე წონის ამანათის შემთხვევაში, გადაფუთვის მომსახურება თითოეულ ამანათზე შეადგენს - 2 აშშ დოლარს. მომსახურების ღირებულების გადახდა ხდება ტრანსპორტირების ინვოისთან ერთად.
ხოლო 10კგ-ზე მეტი მოცულობითი წონის ამანათის გადაფუთვის შემთხვევაში, გადაფუთვის მომსახურება თითოეულ ამანათზე შეადგენს - 10 აშშ დოლარს და მომსახურების ღირებულების გადახდა ხდება წინასწარ;
3.4 მომხმარებლის მხრიდან - გადაფუთვის მომსახურების გააქტიურების შემთხვევაში, მომსახურების ღირებულების გადახდა სავალდებულოა იმ შემთხვევაშიც, თუ გადაფუთვა პროდუქტის უსაფრთხოების სპეციფიკური მოთხოვნებიდან გამომდინარე ვერ შესრულდა.
აღნიშნული მომსახურების გააქტიურებისას საკითხში ერთვება სპეციალიზებული საექსპერტო გუნდი, რომელიც საბოლოო საექპედიტორო დასკვნას დებს. შესაბამისად, მომხმარებელი ვალდებულია ნებაყოფნობითი სერვისის ჩართვამდე - მოიძიოს პროდუქტის უსაფრთხოების სპეციფიკური მოთხოვნები - ღირს თუ არა გადაფუთვის სერვისით სარგებლობა აღნიშნული სახეობის პროდუქციაზე, წინააღმდეგ შემთხვევაში, გადაფუთვის მომსახურების ვერ შესრულების შემთხვევაში მომსახურებისთვის გადახდილი თანხა უკან არ დაბრუნდება;
3.5 ზომაში შემცირების მომსახურება გულისხმობს - ამანათის სიცარიელის შეძლებისდაგვარად შემცირებას, საფოსტო ყუთის გადაჭრისა და მოკეცვის ხარჯზე. შემცირებულად ჩაითვლება ყველა ის ამანათი, რომელშიც შესაძლოა ყუთის რომელიმე გვერდზე შიგნიდან დარჩეს 2 სმ-მდე ზომის ცარიელი სივრცე;
3.6 მომხმარებლის მიერ გადაფუთვის მომსახურების გამოყენების შემთხვევაში, მუყაოს ყუთით ამერიკის საწყობში მისული ტანსაცმელი - გადალაგდება პოლიეთილენის პარკში და მისი წონა დაითვლება რეალური (სასწორის) წონის მიხედვით.
აღნიშნული მომსახურება არ გავრცელდება - კომბინირებულ პროდუქციაზე, ისევ და ისევ, პროდუქტის უსაფრთხოების სპეციფიკური მოთხოვნებიდან გამომდინარე, მაგალითად: ტანსაცმელი და ფეხსაცმელი, ტანსაცმელი და კოსმეტიკა და ა.შ. თუმცა კომბინირებული პროდუქციის შემთხვევაში, ამანათები შეძლებისდაგვარად მაინც შემცირდება ზომაში;
3.7 არ ხდება რამდენიმე პროდუქტის ერთად გაერთიანება ერთ ან რამდენიმე პროდუქტის ყუთში. ასევე, არ იხსნება ფეხსაცმლის ქარხნული ყუთ(ებ)ი და არ ხდება ფეხსაცმლის პარკში გადაფუთვა. თუმცა, ფეხსაცმლის ყუთ(ებ)ი გამოიგზავნება პირველადი საფოსტო დიდი ყუთის გარეშე;
3.8 არ ხდება ამანათის ზომაში შემცირება, მასში მოთავსებული საიზოლაციო და უსაფრთხოების მასალის ამოღების ხარჯზე;
3.9 არ ხდება სასაჩუქრე ამანათების შემცირება ან მსხვრევადი პროდუქციის და ელექტრო ტექნიკის ამანათების შემცირება უსაფრთხოების მიზნით;
3.10 მსხვრევადი პროდუქციის შემთხვევაში, მაგალითად: მინის, ფაიფურის, ელექტრო ნაწარმი და სხვა, მომხმარებელი ვალდებულია წინასწარ, ამანათის მიღებამდე შეატყობინოს ელ-ფოსტაზე საექსპედიტორო კომპანიას ტვირთის სახეობის შესახებ. თუ ამას მოითხოვს პროდუქტის სახეობა, ექსპედიტორი კომპანია უფლებამოსილია თავად მოახდინოს ამანათის დამატებითი საიზოლაციო მასალის გამოყენება, რათა იმოქმედოს მომხმარებლის ინტერესების დასაცავად. დამატებითი დამცავი საშუალებების გამოყენების შემთხვევაში, დამცავი შესაფუთი მასალის ღირებულება განისაზღვრება ინდივიდუალურად, მომხმარებელთან წინასწარი შეთანხმებით;
3.11 ყუთის შემცირებისას არ ხდება პროდუქციის დაპრესვა, დაწოლა, დახვევა და ა.შ.;
3.12 გადაფუთვის სერვისის გამოყენების შემთხვევაში, კომპანია პასუხს არ აგებს - გადაფუთვის მომსახურების შედეგად ტრანსპორტირებისას პროდუქციის დაზიანებაზე. თავად მომხმარებელი იღებს პასუხისმგებლობას რამდენად მიზანშეწონილია ამა თუ იმ პროდუქტის სახეობაზე გადაფუთვის მომსახურების ჩართვა. სწორედ, ამიტომ არის გადაფუთვის სერვისის გამოყენება ნებაყოფლობითი;
3.13 მომხმარებელს უფლება აქვს საქართველოში, კომპანიის წარმომადგენელის თანდასწრებით, გადაამოწმოს ამანათის ზომაში შემცირების და გადაფუთვის ხარისხი და მიიღოს შესაბამისი კორექცია ტრანსპორტირების ინვოისში. ოფისიდან გასვლის შემდეგ ან რეგიონში საკურიერო სერვისის მიღებისას - გადაფუთვის შემოწმება და კორექცია არ ხდება.
This post has been edited by jorjevanelle on 24 Nov 2022, 23:15
· 
ამანათების გადაზიდვის მიმოხილვა, განხილვა, პრობლემები, რეკომენდაციები თემა XX
