გავაცოცხლებ ინფორმაციას თუ ვინმეს გამოადგება, დამავიწყდა წინაზე რომ დამეწერა.
მოკლედ, გავფრინდით ბარსელონაში, იქ ვიყიდე მანქანა და იქიდან წამოვედი. ბავშვებს ძალიან უნდოდათ დისნეილენდში პარიზში, შესაბამისად გზის დაგრძელება მომიწია.
მარშრუტი იყო ესეთი:
ბარსელონა - პარიზი - ჟენევა - მილანი - ვენეცია - სლოვენია - უნგრეთი - რუმინეთი - ბულგარეთი - თურქეთი - საქართველო.
რატომ წავედი შორი გზით და არა სერბეთზე უფრო მოკლეთი ვენეციიდან? პასუხი მარტივია, სამწუხაროდ ესპანეთში მანქანა არ გამიფორმეს ჩემს სახელზე, უნდა მქონოდა ადგილობრივი პირადობის მოწმობა, ისე იქ მანქანა არ ფორმდება, მიუხედავად იმისა რომ ექსპორტზე გამყავდა. მომიწია მინდობილობის გაკეთება, რომელიც საბოლოოდ არსად არ დამჭირდა და არავის უთხოვია. ხოდა რადგან სერბეთი ევროკავშირი არ არის და კორუფცია იქ ყვავის საზღვარზე, მოვერიდე სერბეთში გაუფორმებელი მანქანით შესვლას.
ვიყიდე 2010 კორსა 1,3 დიზელი, რომელიც ჩემდა გასაკვირად აღმოჩნდა ძალიან ეკონომიური.
მთლიანი ევროტური გაიწელა 20 დღე, რადგან სხვადასხვა ქალაქებში ვრჩებოდით და არ მეჩქარებოდა.
მთელი გზა ისე გავიარე თურქეთამდე, რომ მანქანის ამბავი არავის უკითხავს რომ ჩემს სახელზე არ იყო. აი თურქეთი კი არ მატარებდა, მაგრამ 1 საათიანი ლაპარაკის და ტვინის ტყვნის შედეგად, 350 ევრო ქრთამი მომთხოვეს და ისე გამომიშვეს, 3 დღიანი საბუთი მომცეს რომ სარფი გადამეკვეთა. სხვა გზა არ მქონდა, უნდა გადამეხადა.
ვისაც ხარჯები აინტერესებს ზოგადად დავწერ:
მანქანის დაზღვევა ესპანეთშივე ვიყიდე გრინ კარტა - 30 ევრო 1 თვიანი
4 ადამიანზე ღამის თევა კარგ სასტუმროში 80-110 ევრო ერთი ღამე, ქალაქს გააჩნია რა. უფრო იაფადაც შეიძლება სურვილის შემთხვევში ნახვა.
საწვავის ხარჯი, 100 კილომეტრზე 4 ლიტრზე არ ადიოდა წვა, 3,5-3,8 ეგრე წვავდა დიზელს.
ფასიანი ავტობანებით სარგებლობა ჯამში დაჯდა 120 ევრომდე. ყველაზე ძვირი იტალია იყო.
რეალურად დამღლელი არ იყო, რადგან დღის განმავლობაში დიდი მანძილების გავლა არ მიწევდა და პახოდუ იქაურ გზებზე ისე არ იღლები როგორც აქ. ყველაზე დიდი მონაკვეთი რაც ვიარე იყო ბარსელონადან პარიზამდე. დილის 6 საათზე გავედი და საღამოს 7 საათზე პარიზში ვიყავი, 2-ჯერ დავისვენე.
ეხლა რომ ვიხსენებ, ძალიან მაგარი მოგზაურობა და თავგადასავალი იყო, სულ სხვა თვალით დანახული ევროპა. ბავშვებსაც ძალიან მაგრად ახსოვთ.
ხოდა რადგან ეგ გამოცდილება უკვე მაქვს, ეხლა კიდევ ერთ ტურში მივდივარ. ევროპის ჩემპიონატის ბილეთები რომ ვიყიდე, 4 კაცის ფრენა ისეთი ფასი ჯდებოდა, კიდევ ერთი ტური მოვხოდე.
თბილისი - სტამბული - სალონიკი - იგუმენიცა (პორტი საბერძ.) - ბარი (იტალია) - რომი. რომიდან დორტმუნდში ფრენის ბილეთები ვიყიდე 18 ევროდ კაცზე
მანქანას რომში დავტოვებ და მერე რომ დავბრუნდები რომში, უკან წამოვალ ჩრდილოეთით უკვე. სლოვენია - ხორვატია - სერბეთი - ბულგარეთი - თურქეთი -საქართველო.
ამ ყველაფერზე გათვალისწინებული მაქვს 20 დღე.
რომ ჩამოვალ დავწერ დეტალურად ყველაფერს.
P.S. მწვანე დაზღვევა საქართველოში რომ ვიყიდო 1 თვიანი 404 ლარი ჯდება, რაც ძალიან ძვირია, მაგრამ რეალურად სხვა ალტერნატივა არ არის.
This post has been edited by karlo-fan on 29 May 2024, 22:28 
ბარსელონაში წასვლა მანქანით, ვიღებ რჩევებს :)
