აბა ცხელ ცხელი ვიდეო
http://www.flickr.com/photos/28568192@N06/...in/photostream/ * * *
ბოლო ერთ კვირაში ქართული ავიაბაზარი გაიზარდა
"მაღალფასიანი კომპანიები კლიენტებს არ დაკარგავენ"
commersant.ge
რა შეცვალა ქართულ ავიაბაზარზე ორი ახალი კომპანიის - თურქული „პეგასუსისა“ და პოლონური „ლოტის“ შემოსვლამ? კომპანიების წარმომადგენლები აცხადებენ, რომ ქართული ავიაბაზარი გაიზარდა, რაც იმას ნიშნავს, რომ თვითმფრინავით მგზავრობის უფლებას საკუთარ თავს სულ უფრო მეტი მგზავრი აძლევს.
„პეგასუსი“ ერთი კვირაა დაფრინავს და მის რეისებზე თითქმის ყველა ბილეთი იყიდება. ფრენების დაწყებიდან პირველი დღეების მაჩვენებელი, კომპანიის წარმომადგენლობის განცხადებით, ყველა იმ ბაზრის მონაცემზე უკეთესია, სადაც კომპანია საქმიანობს.
„პეგასუსის“ წარმომადგენლობის ხელმძღვანელის პაატა კვიჟინაძის თქმით, ამ ეტაპზე რთულია იმის თქმა, „წაართვეს“ თუ არა მათ კლიენტურა სხვა კომპანიებს, უპირველეს ყოვლისა კი Turkish Airlines-ს. თუმცა აცხადებენ, რომ უკვე შესამჩნევია ბაზრის გაზრდა.
„ჩვენი მგზავრები ბევრი ის ადამიანი გახდა, რომლებიც მანამდე ტრანსპორტის სხვა საშუალებით სარგებლობდა. ამიტომ უკვე შეიძლება იმის თქმა, რომ ბაზარი გაიზარდა. რაც შეეხება „თურქეთის ავიახაზებს,“ შესაძლოა, მისი მგზავრების გარკვეული ნაწილი ჩვენთან გადმოვიდეს, თუმცა ჩვენი შემოსვლის უპირველესი შედეგი მაინც ავიაბაზრის გაზრდა იქნება და მომხმარებლის სრულიად ახალი სეგმენტი გვეყოლება,“ - აცხადებს კვიჟინაძე.
მისი თქმით, ბაზარზე უკვე არის იმის ნიშნები, რომ, ბაზრის გაზრდის გარდა, გარკვეული კორექტივები ფასებშიც შევა. მაგალითად, კვიჟინაძის თქმით, გარკვეული აქციები უკვე დაიწყო „თურქეთის ავიახაზებმა.“
თავად Turkish Airlines-ში ამ საკითხზე არანაირ კომენტარს არ აკეთებენ და მედიას არც ბოლო კვირების გაყიდვის მონაცემებს აწვდიან. ავიაკომპანიის რამდენიმე მომხმარებლის ინფორმაციით კი 20 ოქტომბრამდე კომპანია მართლაც ყიდის ბილეთებს შეღავათიან ფასად - კერძოდ, 750-ლარიანი ბილეთები 631 ლარად იყიდება.
“ლოტის” წარმომადგენლობის ხელმძღვანელი გიორგი ლიპარტიანი ასევე აცხადებს, რომ „პეგასუსი“ ავიაბაზარზე ახალ მომხმარებელს მოიყვანს, რომელიც მანამდე სხვა ტრანსპორტით სარგებლობდა, თუმცა მისივე შეფასებით, ბაზარზე ჯერჯერობით არაა იმდენად მაღალი კონკურენცია, რომ ფასები მნიშვნელოვნად შემცირდეს. იგი ასევე ამბობს, რომ საეჭვოა, მსგავსმა კომპანიებმა ბაზრის ტრადიციულ მოთამაშეებს კლიენტურა წაართვან, რადგან ძვირადღირებულ ბილეთებს თავისი მყიდველი ყავს.
„არ მგონია, რომ „თურქეთის ავიახაზები“ კლიენტურას დაკარგავს. ამის მიზეზი, მაგალითად, ისიცაა, რომ „პეგასუსი“ საბიჰა გოგჩენის აეროპორტში ჯდება, რომელიც სტამბულის ცენტრისგან უფრო შორსაა, ვიდრე „ათათურქი,“ რომლითაც „თურქეთის ავიახაზები“ სარგებლობს. განსხვავებულია სერვისი, ბილეთების დაბრუნების და სხვა პირობები. იგივე „ლუფთჰანსას“ კლიენტები არასდროს გადავლენ უფრო იაფფასიან კომპანიებში, რადგან ეს ის სეგმენტია, რომელიც მზადაა მაღალი ხარისხის მომსახურებაში დიდი ფასი გადაიხადოს. გარდა ამისა, ასეთი კომპანიები მომხმარებელს კორპორატიულ მომსახურებას სთავაზობენ,“ - აცხადებს ლიპარტიანი.
· 
თბილისის საერთაშორისო აეროპორტი
