ახალი მიწისქვეშა კომუნიკაციები გიორგიწმინდაში
თბილისზე შემოერთებული ტერიტორიების ინფრასტრუქტურის მოწესრიგების პროგრამა რეგულარულად ხორციელდება. გლდანი-ნაძალადევის რაიონში შემოერთებულ სოფელ გიორგიწმინდაში მიმდინარე მიწისქვეშა კომუნიკაციების მოსაწესრიგებელი სამუ-შაოები თბილისის მერმა გიგი უგულავამ და რაიონის გამგებელმა დაათვალიერეს.
"შემოერთებული ტერიტორიების კეთილ-მოწყობა და მოძველებული ინფრასტუქტურის ახლით შეცვლა ეტაპობრივად მიმდინარეობს. აქაური მოსახლეობა უმძიმეს პირობებში იმყოფება, არ არსებობს საკანალიზაციო სისტემა, პრობლემაა სასმელ წყალთან დაკავშირებით. ჩვენი მთავარი მიზანია ყველა შემოერთებული ტერიტორია ვუზრუნ-ველყოთ საცხოვრებელი პირობებით, ასევე ვგეგმავთ გარე განათების ქსელის დამონტაჯებას და ახალი სამარშუტო ხაზების დანიშვნას, რაც სოფლის მცხოვრებლებს ხელს შეუწყობს თბილისთან მარტივად დაკავშირებაში." - გიგი უგულავა – თბილისის მერი.
სოფელ გიორგიწმინდაში პირველ ეტაპზე სასმელი წყლის მიწისქვეშა გაყვანილობები გაკეთდება, რასაც გზის ასფალტით დაფარვა მოჰყვება.
"წინ ძალიან დიდი სამუშაოა. წყლის მილების პარალელურად მიწისქვეშა კომუნიკაციები მთლიანად განახლდება. გზის ქვეშ გაზის ცენტრალური მილი გაივლის, რაც მოსახლეობას ხელს შეუწყობს უფრო მარტივად მოახდინონ სახლებში ბუნებრივი აირის შეყვანა. სამუშაოების დასრულების შემდეგ სოფლის მთავარი გზა ასფალტით დაიფარება." - ნიკოლოზ ხაჩირიშვილი – გლდანი-ნაძალადევის რაიონის გამგებელი.
"აქამდე მხოლოდ დაპირებები იყო, ახლა კი ვხედავთ რომ, საქმე დაიძრა. სოფელს არაფერი არ ჰქონდა, წლების განმავლობაში უწყლოდ, უგაზოდ და უშუქოდ ვიყავით. სოფელში ანტისანიტარია იყო. მადლობა მთავრობას რომ ყურადღება მოგვაქცია. ვხედავთ, როგორ თავდაუზოგავად მუშაობენ, რაც იმედს გვაძლევს რომ ყველაფერი მოკლე ხანში დასრულდება." - ლალი მუმლაძე.
წყლის და გზის მოსაწესრიგებელი სამუ-შაოები გიორგიწმინდას შემდეგ გლდანი-ნაძალადევის რაიონში ახლადშემოერთებულ ტერიტორიებზე – ზაჰესის აგარაკებსა და მუხიანი 2-ში გაგრძელდება.
© Tbilisi.gov.ge
This post has been edited by Mr.David on 26 Mar 2008, 15:54 
გლდანი ნაძალადევის რაიონი, განხილვა, პრობლემები (ნაწილი 2)
