ტფილისის ძველი ფოტოები. X ნაწილი..,,, ამბავი იმისა, თუ როგორი იყო ჩვენი ქალაქი...

ტემპერა

მარაგი შენ რომ გაქვს ისეთი უნდა!!...
გახსენი შენი ჯადოსნური სკივრი, ნუ გენენება, თორე მიიძინა თემამ!

Noriko

კი საღამოსკენ აუცილებლად გავხსნი გუდას..

mamababu

კი ცირკია ნამდვილად!

არის ერთი სურათი რომელიც თუ წაიკითხავთ ავჭალაშია გადაღებული. საინტერესოა რას იტყვით სადაა გადაღებული. ამის გარდა არის ერთი რაღაცა გუმბათი ჩემი აზრით შესაძლოა ეკლესიაც და შორს ვითომ კოშკი. აბა თქვენ იცით გისურვებთ წარმატებებს. შემთხვევით ეს ხიდი მდინარე გლდანულაზე ხომ არ გადადის?


* * *
მეგობრებო მე მინდა, ერთი თამამი განცხადება გავაკეთო! ჩემის აზრიტ მაგ სურათზე ჩანს პეტრე მოციქულის მთის ძირი ხოლო მატარებელი კი მოემართება მდინარე მტკვრისაკენ სადაც გადადის ხიდს. სხვა სიტყვებით რომ ვთქვათ მე ვფიქრობ რომ მტკვარზე გადამავალი ხიდი ადრე იქ არ იდგა სადაც დღეს დგას.

This post has been edited by surprizi on 4 Sep 2010, 17:10

გეთანხმები. მეც ვხედავ სავარაუდოდ ლომაშვილების კოშკს. ხოლო ორთქლმავლის უკან ჩემის აზრით ეხლანდელი ქეთევან წამებულის ეკლესია უნდა ჩანდეს. ხიდი კი ერთი შეხედვით მდინარე გლდანულაზე გადადის. მაგრამ ურმის უკან რა ეკლესია ჩანს? მანდ მგონი წმინდა გიორგი უნდა იდგეს.

დათანხმება მინდა, მაგრამ არ შემიძლია.
ავჭალის ტერიტორიაზე ორი ხიდია: თბილისიდან თუ გავდივართ, ჯერ გვხვდება
ავჭალის ხიდი მდინარე გლდანისხევზე, შედარებით მომცრო (მისგან ასიოდე მეტრში სადგურ ავჭალის ბაქანია), შემდეგ მოდის ბაქანი ზაჰესი და და შემდეგ ხიდი მტკვარზე, რომელსაც 19საუკუნეში დიღმის (ან მუხათგვერდის) ხიდს უწოდებდნენ:




ხიდების ადგილმდებარეობა არ შეცვლილა, თვით ხიდები კი არაერთჯერაა განახლებული.


დღევანდელ ფოტოზე ძალიან დიდი ალბათობით გლდანისხევის ხიდია, ხოლო (4)
ეკლესიის გვერდზე ავჭალის ბაქანის შენობა ჩანს. 3 ციფრით წმ პეტრე მოციქულის
ეკლესიის მიახლოვებითი ადგილია აღნიშნული, 2-თ ლომიშვილების კოშკი, 1-თ კი
იოანე ნათლისმცემელის ეკლესიის ადგილი. თუ ყველაფერი ეს სწორია, მაშინ აუცილებლად
ეჭვქვეშ დგება ბ-ნ სიურპრიზის ვერსია ამ რამოდენიმე ხნის წინ დადებულ ავჭალის ორი ეკლესიის ფოტოზე- ისინიც ხომ ამ რაიონში მოიაზრებიან, ავჭალის(გლდანისხევის) ხიდთან;
ეჭვი სხვადასხვა მოსაზრებების გამო ადრეც მქონდა მაგრამ ბ-ნი სიურპრიზი მცირე ხნით დაგვეკარგა ფორუმიდან და ვერ მოვასწარი მათი გამოთქმა, დღევანდელმა ფოტომ კი საბოლოოდ დაადასტურა ეს ეჭვი.
რაღაც დიდი რაოდენობა გამოდის ეკლესიების ამ პატარა ავჭალისათვის, მოდი დავთვალოთ:
იალნოს მთაზე აქლემაანთ ეკლესია, პეტრე და ჯაჭვის წმ.გიორგი;
იოანე და წმ ქეთევანი ლომიშვილების კოშკთან:
სიურპრიზის სამი უცნობი ეკლესია ორ ფოტოზე:

კიდევ დანამდვილებით ვიცი, რომ ავჭალის ერთერთ ბაქანთან, ’შუშის” ქარხნის მახლობლად, გასული საუკუნის ორმოცდაათიან წლებში თავად გურამიშვილების საგვარეულო ეკლესია იდგა, რომელიც ამ ქარხნის საწყობად გამოიყენებოდა.
ეს ცხრა.
არაა გამორიცხული, რომ ეს სწორედ გურამიშვილების ეკლესიაა. სალვადორის ვერსიას რაც შეეხება, ეს ეკლესია სურათზე რკინიგზის ხაზის მარჯვნივ დგას და მარტო ამ მიზეზის გამო არ შეიძლება იყოს წმ. ქეთევან წამებულის ეკლესია.
დაბოლოს, ზევით ნორიკოს მიერ დადებულ ფოტოების შესახებ: პირველ ფოტოზე
ფეთხაინის კიბესთან მდგარი უნიკალური ბანიანი სახლია გამოსახული; ვაკის ფოტო
კი შეგვიძლია დავათარიღოთ ხუთი წლის სიზუსტით 1957 დან ( საზაფხულო კინოს
აგების თარიღი) 1962 წლამდე (ამოყვანილია ვაკის პარკთან მდგარი ამხანაგობის
სახლის პირველი სართული; ეს სახლი ცნობილია შვიდი ებრაელის ისტორიით, რომლებიც ამხანაგობიდან გააძევეს აღნიშნულ წელს ).

diez

ჩემი ჭკუით გავართულე ამოცანა, თუმცა მისი ამოხსნით თავიც არავის მოუკლავს
თქვენთვის გამოცნობა ნამდვილად არ იქნებოდა პრობლემა

ესეც ფოტოს სრული ვერსია, ძალიან მიყვარს ეს სახლი და მისი ძველი ფოტოებიც

Noriko
ვააახხხ გადამრევს ეს ხალხიი რა ფოტოებს ჩითავეეენნ საააღოოლლლ

იცით რა მაინტერესებს ხალხო. ძველ თBილისური აივნები აი მაგალიტად ამ ბოლო ფოტოში მერეა მიშენებული ხო? ანუ რაღაც უკანონო ლოჯიების პონტში აქ ეტყობა რომ სახლს ფასადი აქვს და მაინც მერე აივანი. არის პროექტები სადაც აივანი გათვალისწინებულია. და არის სახლები სადაც ერთი ორი აივანი უაზროდაა გადმოკიდებული მაგალითად ზუბალაშვილებზე. ხვალ დავდებ მაგ ფოტოებს. სასამართლოს მხარეს სახლებზე ფასადები დაზიანებული ჯერ კიდევ მეცხრამეტე საუკუნეში მიშენებული აივნების გამო ხის აივნებს ვგულისხმობ.

This post has been edited by pekineli on 5 Sep 2010, 01:53

ესეც აქვე იყოს ბარემ




* * *
pekineli

რას გულისხმობთ კარგად ვერ გავიგე, სახლის ფასადი შეიძლება იყოს აივნით ან უაივნოდ

ამ სახლს დღემდე შენარჩუნებული აქვს თავისი იერსახე, უბრალოდ ცუდ დღეშია საწყალი,
თავიდან ბანიანი იყო, ფოტო ვერ ვიპოვე, სადღაც მაქვს. უნდა მოვძებნო
მერე ქანობიანი სახურავი გაუკეთეს,გადახურული კიბეც ეხლა მოხსნილი აქვს და რაღაც ჯღანი აქვს მიდგმული

აივნები კი თავიდანვე ასე იყო, ლოჯიების და შუშაბანდების გარეშე. რაც თქვენ მიშენება გგონიათ სხვა სახლია,
ცოტა ქვევით იდგა, პატარა, ეხლა დანგრეულია უკვე, და მის ნაცვლად ბაღია გაშენებული

ხოლო რაც შეეხება სასამართლოს ქუჩაზე "უაზროდ გ ადმოკიდებულ ორ აივანს", ნამდვილად ვერ დაგეთანხმებით,
ჩემი აზრით მშვენიერი აივნები იქნებოდა თავის დროზე, ნამდვილი თბილისური...

დროთა განმავლობაში, საცხოვრებელი ფართის მომატების მიზნით, ზოგი აივანი შეიმინა და შუშაბანდად იქცა,
ზოგიც ისე გადაკეთდა, რომ ძველი იერ-სახე საერთოდ დაკარგა და დღეს ტრადიციულ უკანონო მიშენებებს დაემსგავსა


* * *

Noriko
მშვენიერი ფოტოებია

Noriko
დიდებულია!
სადღაც უნდა არსებობდეს თბილისის ძველი ცირკის ფოტოც. ახალი რომ აშენდა, ძველიც ფუნქციონირებდა და ერთხანს ორი ცირკი გვქონდა. ძალიან მაინტერესებს, როგორი იყო.

ვინმე ხომ არ იცით ფოტოზე რა სტელაა???დღესდღეობით ბენზოკალონკის ტერიტორიაზეა...

ჯვრის ხიდი

diez
ყველაფერში გეთანხმებით. მხოლოდ ორ რამეს ავღნიშნავ, რაც ჩემის აზრით სწორად ვერ გამიგეთ.

1. ეკლესია ბაქანთან მართლაც შეიძლება იყოს თქვენს მიერ ნახსენები გურამიშვილების. აკი ვთქვი კიდეც რომ არ ვიცითქო, მხოლოდ ვივარაუდე.
2. ქეთევან წამებულის ეკლესიას მე ვხედავ არა ლიანდაგიდან მარჯვნივ ჩვენი მხრიდან თუ ვუყურებთ. არამედ მარცხნივ, ანუ როგორც ტქვენ ამბობთ მარცხნივ უნდა იყოსო. კერძოდ ქეთევან წამებულის გუმბათის მხოლოდ კონუსი ჩანს უშუალოდ ორთქმავლის თავზე. თითქოს ეს კონუსი ორთქმავალს ადევს თავზეო. ანუ აქაც ვთანხმდებით როგორც ცანს უბრალოდ სხვადასხვა 'მცნებებს" ვიყენებთ.

დანარჩენი ყველაფერში გეთანხმებით

Noriko

დამეთანხმები მაგის გამოცნობაში თავი იმას უნდა მოეკლა ვინც არ იცის. თორემ ა ბატონო ვინც იცოდა თქვა და რა ხეირი. უბრალო მკითხველი მაგ ცნობას ყურებში გაატარებს და ამ თემიდან რომ გავა დაავიწყდება კიდეც.
მეტი აქტიურობაა საჭირო "ახლადშემოსწრებულების" მხრიდან, მარა ჩანს არაა ფოტოების "მსმელი" ხალხი.
ვურჩევდი ყველა 9-ვე ტემა კარგად დაატვალიერონ, ფოტოები ამოიწერონ. ამ ხნის განმავლობაში იმდენი ფოტოა დაგროვილი ჩვენი თემის გვერდებზე ერთი მეორის ამოცნობაში რომ დაეხმარებათ. აი ეგ ფოტო რამდენჯერ დებულა ცვენს გვერდებზე. ნუ დაიზარებენ გადახედონ წინა თემებს და ადვილად გამოიცნობენ.

diez
ოოო აი ჩავერთეთ რავარც იქნა მძიმე არტილერია. აქ გთავაზობთ ორივე ძველ სურათს ავჭალისა სადაც მოხაზული მაქვს ჩემთვის მსგავსი ტერიტორიები. მე დარწმუნებული ვარ 100% რომ პირველი ფოტოს შემთხვევაში მე ზუსტად იქ ვიდექი საიდანაც მოხდა ფოტო გადაღება, რადგანაც ორიენტირად მქონდა არა შენობები, არამედ საუკენეების მანძილზე უძრავი ორიენტირები - მთები. მეორე ახალ სურათს რაც შეეხება მანდ ვფიქრობ რომ ადგილზე იქნება გასვლა საჭირო რომ სურატზე ბუნდოვანად ნაჩვენები მთაბარით დავადგინო ადგილმდებარეობა. აბა ნახეთ ეს ორი ფოტო და გამოიტანეთ დასკვნა. მეორე ფოტოზე მე ჯერჯერობით ვერაფერს ვერ ვიტყვი სანამ ადგილზე არ გავალ! თუმცა არ გამოვრიცხავ იმას რომ ეს მეორე სურათიც მიახლოებით იმავე ადგილებიდან იყოს გადაღებულით ჰა ჰა დაშორებული 100 მეტრიდან.


This post has been edited by surprizi on 5 Sep 2010, 21:59

მდინარე გლდანულაზე რკინიგზის ხიდი დღესდღეობით ასე გამოიყურება.

მიმაგრებული სურათი (გადიდებისთვის დაუწკაპუნეთ სურათზე)