ძველი ხელისუფლების ზღაპრებს შევეშვათ (რუსთავ-თბილისის ავტობანი ჯერ კიდევ 2010-2011 წლებში რომ უნდა აშენებულიყო და მერე 01.10.2012-ის წინა დღეებში ბულდოზერით რომ გადაფხიკეს მინდორი და 1-2 კალონკა მოანგრიეს...) და პატარა ისტორია (უკვე ამ ნარმანიასდროინდელი):
ყველა ეს ინფო ამ თემიდანაა ამოკრეფილი და ქრონოლოგიურად დალაგებული
2012 წლის ბოლოს ითქვა, რომ [იანვარში ან თებერვალში ტენდერი თავიდან გამოცხადდება და ალბათ გაზაფხულზე განახლდება მშენებლობა]
29.03.2013 გვითხრეს, რომ [ტენდერი დაახლოებით 3 კვირაში გამოცხადდება, ხოლო გამარჯვებული ორ თვეში უნდა გამოვლინდეს.] (ბმული:
http://usbusiness.financial.ge/news_flash/...3%9D%E1%83%A1_/ )
20.04.2013 სამინისტრომ დააანონსა მიმდინარე წელს დაგეგმილი პროექტები. მათ შორის რუსთავი-თბილისის ავტობანის მშენებლობა. (ბმული:
http://kkpress.ge/index.php?do=fullmod%2Fnews&id=830 )
05.29.2013 სამინისტრომ თქვა, რომ ტენდერის კონკურსი უკვე გამოუცხადებიათ და [განაცხადების განხილვას დაახლოებით 2 თვე დასჭირდება, დაკონტრაქტება სავარაუდოდ სექტემბერში უნდა დასრულდეს, ხოლო პროექტი 17 თვეში ჩაბარდება.] (ბმული:
http://www.commersant.ge/?page=news&id=773 )
25.07.2013 მინისტრმა განაცხადა, რომ [ რუსთავი-თბილისის ავტომაგისტრალის მშენებლობა სექტემბრის დასაწყისში დაიწყება. ] (ბმული:
http://reportiori.ge/?menuid=42&id=884&lang=1 )
17.12.2013 მინისტრის თქმით ზუსტდებოდა პროექტის ტექნიკური დეტალები და სავარაუდოდ, წლის ბოლომდე უკვე პროექტიც შესაძლოა დაწყილიყო. (ბმული:
http://www.youtube.com/watch?v=zkWTH8UHIco...utu.be&t=47m18s )
2014 წლის სამოქმედო გეგმაში კვლავ აღინიშნა, რომ უნდა აშენებულიყო ეს მაგისტრალი. გასულ წელთან შედარებით პროგრესად მივიჩნევ იმას, რომ უკვე ტენდერში გამარჯვებული კომპანიის სახელიც ვიცით (ბმული:
http://static.mrdi.gov.ge/52ce5cc90cf287f210067a4b.pdf )
01.29.2014 მუნიციპალური განვითარების ფონდისგან ვიგებთ, რომ ამ ,,სინოჰიდრო კორპორეიშენ ლიმიტედი"-ს თურმე მაგისტრალის მხოლოდ პირველი და მესამე (სულ სამია) მონაკვეთის დაგებაზე გაუმარჯვია ტენდერში და მშენებლობისთვის საჭირო თანხასაც სადღაც მარტის თვეში მიიღებს აზიის განვითარების ბანკიდანო. თან იქვე გულს გვიკეთებენ და მათი თქმით შესაძლოა [გამარჯვებულმა კომპანიამ გარანტიები დათქმულ ვადაზე ადრე წარმოადგინოს და სამუშაოები მარტის ბოლომდე დაიწყოს]. მაგისტრალის მეორე მონაკვეთზე ჯერ ტანდერიც არ გამოცხადებულა (პროექტი კი მზადაა და ექსპერტიზას გადისო). (ბმული:
http://commersant.ge/?page=news&id=6114 )
14.03.2013 შევიტყვეთ, რომ სამუშაოები მიმდინარე წლის 20 აპრილს დაიწყება და 17 თვეში ,,პროექტის ძირითადი სამუშაოები" დასრულდება. (ბმული:
http://www.youtube.com/watch?v=-l8WOPPDCPo )
ამ ყველაფრის შემდეგ მე არ მჯერა, რომ 20 აპრილს დაიწყება
და რომც დაიწყოს, 17 თვის შემდეგ რა სურათი იქნება, წარმოდგენა მიჭირს...
· 
თბილისი-რუსთავის ავტობანი 
