საქართველოს რკინიგზა - II ნაწილი, ყველაფერი რაც დაკავშირებულია რკინიგზასთან

მე მაგ პროექტს და საერთოდ რაც ბათუმში ხდება ,,ერთი კაცის ახირებას" ვეძახი

პოპულისური კიდევ ბევრი რამეა რკინიგზაში

მოშლილი რომ მართლაც ბევრი რამაა რკინიგზაში, ცენტრალური ოფისიდან დაწყებული და რავიცი რითი დამთავრებული
კადრების პრობლემა ნამდვილად არის განსაკუთრებით მაღალ ეშელონებში, გაგებაში არაა ბევრი საერთოდ
კიდე 3 ერთეულად რომაა დანაწილებული ერთმანეთს მტრობენ ქიშპობენ და კველა 1 კონკრეტულ სკამს უმიზნებს, ვის რაში აინტერესებს რკინიგზა მაგათ სკამი და შემოსავალი უნდათ დანარჩენი კი ....
* * *
Fitch Ratings-მა ”საქართველოს რკინიგზის საკრედიტო რეიტინგი “B+სტაბილური“ B+პოზიტიურით” შეცვალა
მარტი 09, 2011
საერთაშორისო სააგენტო Fitch Ratings-მა გადახედა საქართველოს რკინიგზის საკრედიტო პოტენციალს და მისი საკრედიტო რეიტინგი “სტაბილური B+” “პოზიტიური B+”-ით შეცვალა.

აღსანიშნავია, რომ 2011 წლის 4 მარტს გამოქვეყნებული შეფასების მიხედვით, სხვა პოსტ-საბჭოთა ქვეყნებისაგან განსხვავებით, სადაც სარკინიგზო კომპანიების რეიტინგები 2-3 ერთეულით დაბალია ქვეყნის რეიტინგებთან შედარებით, ”საქართველოს რკინიგზის” რეიტინგები თანხვედრაშია ქვეყნის სუვერენულ რეიტინგებთან ('B+'/Positive/'B').

სააგენტოს შეფასებით, ეს შედეგი რამდენიმე მნიშვნელოვანი ფაქტორით არის განპირობებული. მათგან უმთავრესი კი არის ის, რომ კომპანიის 100%-იანი წილის ერთპიროვნული მფლობელი სახელმწიფოა. საქართველოს რკინიგზა არის ყველაზე წარმატებული კომპანია ქვეყანაში. მისი როლი დიდია სახელმწიფო ეკონომიკაში, იმის გათვალისწინებით, რომ ის არის ყველაზე მსხვილი გადამხდელი და დამსაქმებელი სახელმწიფო ორგანიზაცია.

”საქართველოს რკინიგზა” ასევე დახასიათებულია, როგორც ტვირთის მთავარი გადამზიდავი რეგიონში მისი სტრატეგიული მნიშვნელობის სატრანზიტო კორიდორის ფუნქციით.

გაუმჯობესებული საკრედიტო რეიტინგი ”საქართველოს რკინიგზისთვის” ძალიან მნიშვნელოვანია, რადგან იგი ამყარებს კომპანიის რეიტინგებს საერთაშორისო საფონდო ბირჟებზე და ზრდის საერთაშორისო ბრენდებისა და საინვესტიციო კომპანიების დაინტერესებას, რაც კიდევ უფრო მეტ შესაძლებლობებს იძლევა სამომავლოდ ახალი საინვესტიციო პროექტების განხორციელებისთვის.

ამჟამად, ”საქართველოს რკინიგზა” ორ მნიშვნელოვან პროექტს ახორციელებს. ესენია ”თბილისის შემოვლითი გზა” და ”მოდერნიზაციის პროექტი - სწრაფი რკინიგზა”, რაც ითვალისწინებს სარკინიგზო ინფრასტრუქტურის სრულ მოდერნიზაციას და ბათუმი-თბილისის მიმართულებით მგზავრობის დროის შემცირებას 3 საათამდე.

ასევე დაწყებულია მესტიის რაიონში, მდინარე ნენსკრაზე 400 მეგავატიანი ჰიდროელექტროსადგურ ”ნენსკრა ჰესის” მშენებლობის პროექტი, რომელიც სამომავლოდ საქართველოს რკინიგზას იაფი ელექტროენერგიით უზრუნველყოფს.
http://www.railway.ge/?web=0&action=news&lang=geo&npid=156

თბილისის შემოვლითი რკინიგზა - პროექტი თითოეული თბილისელის მომავლისათვის

მარტი 09, 2011

სამშენებლო სამუშაოებისათვის საჭირო მიწის ნაკვეთების გამოსყიდვისთვის ანაზღაურებულია 14 000 000 ლარი;

860 ნაკვეთიდან გამოსყიდულია 630;

78 საცხოვრებელი სახლიდან გამოსყიდულია 54;

22 ბიზნესიდან კომპენსირებულია 14.

საქართველოს რკინიგზა ახორციელებს თბილისის შემოვლითი რკინიგზის პროექტს, რომლის ამოცანაა თბილისის ცენტრალური ნაწილის გათავისუფლება სარკინიგზო ინფრასტრუქტურისაგან. გამოთავისუფლებულ 100 ჰექტარ მიწაზე კი, იგეგმება ბიზნეს ცენტრების, გასართობი ცენტრების, მწვანე ზოლისა და საცხოვრებელი კომპლექსების მშენებლობა.

პროექტის განხორციელებისათვის საჭირო გახდა 130 ჰექტარი მიწის რეგისტრაცია, რომელიც მოიცავს 860 მიწის ნაკვეთს, მასზე განლაგებულ შენობა-ნაგებობებსა და მცირე ბიზნეს ერთეულებს.

მესაკუთრეების ინტერესების დაცვის მიზნით, შემუშავებული იქნა გამოსყიდვის კომპლექსური სამოქმედო გეგმა ევროპის რეკონსტრუქციისა და განვითარების ბანკის (EBRD)სოციალური პოლიტიკისა და საქართველოს კანონმდებლობის მოთხოვნების შესაბამისად.

გამოსყიდვის სამოქმედო გეგმის თანახმად, მიწის ობიექტურად შეფასების უზრუნველყოფის მიზნით, საქართველოს რკინიგზის მიერ მოწვეულ იქნა სსიპ „ლევან სამხარაულის სახელობის სასამართლო ექსპერტიზის ეროვნული ბიურო“, რომლის ექსპერტებმაც საერთაშორისო სტანდარტებისა და EBRD-ის მოთხოვნების შესაბამისად, თითოეული მესაკუთრისთვის შექმნეს ინდივიდუალური საკომპენსაციო პაკეტი. ანაზღაურებას დაექვემდებარა ცალკეულად:

- ყველა მიწი ნ აკვეთი;

- მათზე დამაგრებული საცხოვრებელი შენობები;

- ყველა დამხმარე ნაგებობა; ღობეები, საკომუნიკაციო და სხვა ინფრასტრუქტურა;

- ნარგავები, მათი ასაკის, სახეობისა და მოსავლიანობის გათვალისწინებით;

- სოციალურად დაუცველი პირები


გამოსყიდვის გარიგებასთან დაკავშირებული ყველა ხარჯი და გადასახადი საქართველოს რკინიგზამ საკუთარ თავზე აიღო. ამასთან, აღსანიშნავია, რომ EBRD-ის მოთხოვნების შესაბამისად:

- საცხოვრებელი სახლებისა და ბიზნესების მესაკუთრეებს განესაზღვრათ დანამატი მათ საკუთრებაში არსებული ქონების 30%-ისოდენობით და ანაზღაურდა საქართველოს რკინიგზის მიერ;

- ბიზნესის შეფერხებით გამოწვეული ხარჯები ანაზღაურდა საქართველოს რკინიგზის მიერ;

- ბანკის წინაშე არსებული მესაკუთრეთა დავალიანება იპოთეკით დატვირთულ ნაკვეთებზე დაიფარა საქართველოს რკინიგზის მიერ;

- საჯარო რეესტრში რეგისტრაციასთან დაკავშირებული ხარჯები (აზომვითი ნახაზების მომზადების, ლეგალიზაციის, საჯარო რეესტრის მოსაკრებლები, სანოტარო მოქმედებებისათვის საზღაური) ანაზღაურდა საქართველოს რკინიგზის მიერ;

- შესყიდვასთან დაკავშირებული ხარჯები (საშემოსავლო და დამატებითი ღირებულების გადასახადი) ანაზღაურდა საქართველოს რკინიგზის მიერ;

- დაკანონდა თვითნებურად დაკავებული საცხოვრებელი შენობები და ანაზღაურდა საბაზრო ღირებულებით საქართველოს რკინიგზის მიერ;

თბილისის შემოვლითი რკინიგზის პროექტის მშენებლობის მიზნებისათვის, საქართველოს რკინიგზა 230 გამოსასყიდი ნაკვეთის მფლობელს სთავაზობს:

თითოეული მიწის მფლობელი მიიღებს ალტერნატიული მიწის ნაკვეთს, საკუთრებაში არსებული ფართის

ორმაგი ოდენობით


დაინტერესების შემთხვევაში მიმართეთ შპს „გეოგრაფიკს“ შემდეგ მისამართზე:

თბილისი, გამსახურდიას გამზირი #27

ცხელი ხაზი: 14-32-69

http://railway.ge/?web=0&action=news&lang=geo&npid=157

da_to

ეს ფრაზა ნამეტნავად მომეცონა
lomsa_88

დედა აღარ ყავს.....................

1+1
შეიძლება ასეც ითქვამს... მართლა ცუდ დღეშია... დაგუპვის პირასაა... პრობლემები დროსი გასვლის შემდეგ თანდათანობით იზრდება.... თბილისის კვანძის მოდერნიზაცია.. სასაცილოა. ამსახით... ერთ ერთი დამანგრეველი პროექტი რომელსაც ესენი ახორციელებენ თბილისის შემოვლითი რკინიგზა - პროექტი თითოეული თბილისელის მომავლისათვის- ეს პროექტია.. არავინ არ სვამთ კიტხვას მაშინ თუ ეს პროექტი განხორციელდება ვაგონშემკეტებელ რა ეშველება.. ის ხო თამაშგარე მდგომარეოაბში რჩება
.. რა წინსვლაზეა ლაპარაკი... გადაზიდვების დინამიკას მაინც დააკვირდით....... და ყველაფერზე პასუხს იქ იპოვით.....
* * *
დღეს საქართველოს რკინიგზა კასპიური ნავთობის მსოფლიო ბაზარზე გადაზიდვას ახორციელებს. ის მნიშვნელოვანი არტერიაა, რომელიც ცენტრალურ აზიას ევროპასთან ალტერნატიული გზით აკავშირებს. უნდა აღინიშნოს, რომ საქართველოს გავლით რკინიგზის ტვირთბრუნვის პოტენციალის სამომავლო გათვლა საკმაოდ რთულია, რადაგანც ძირითადი ტვირთბრუნვა მოდის ტრანზიტზე, რაც მას გარე ფაქტორებზე მნიშვნელოვნად დამოკიდებულს ხდის. ამასთან, სარკინიგზო მიმოსვლის ძირითად ნაწილს ნავთობპროდუქტები შეადგენს, რაც ტრასეკას კავკასიის მონაკვეთის სპეციფიკურობას განაპირობებს.
2003 წლისათვის ტრასეკას კავკასიის მონაკვეთზე ნავთობის ტრანზიტმა შეადგინა წლიური ტვირთბრუნვის 73%, სხვა სახის ტრანზიტის ძირითადი წილი მოდის აზერბაიჯანში არსებული ნავთობგადასამუშავებელი საწარმოების მოთხოვნილებების დაკმაყოფილებაზე (14%).
.

lomsa_88
თბილისის შემოვლითი პროექტი მართლაც რომ სასაცილოა და ვერანაირ კრიტიკას ვერ უზლებს ამ სახით.
მაგ ტრასის მონაკვეთი იცი როგორ იწყება????? მახარისხებელში შემოდის მატარებელი, თითქმის სამგორში და შემდეგ უკან მიდის ლილოს ხიდთან არსებული კახეთის ხაზით და შემდეგ გადაუხვევს,
ზოგადად მოძველებულია მთლიანი ინფრასტრუქტურა......
ელემენტარული შპალი ვერ შეუცვლიათ და ყოველ დღე მატარებელი უვარდებათ სადგურებში, ბორჯომის მატარებელიც დამპალი შპალების გამო ჩავარდა რამდენიმე ხნის წინ...

ვერ კი არა არ შეუცვლიათ
* * *

მაგას არა ჯობდა ლილოს ბაზრობის თავზე გაევლო გადასულიყო ლოჭინის ხევზე და რუსთავში გზა რომ გადადის (თბილისის შემოვლითი საავტომობილო გზა) მაგას გაჰყოლოდა და სადმე რუსთავისკენ შეერთებოდა არსებულ რკინიგზას?
აღარც ეგ წინ და უკან სიარული იქნებოდა საჭირო

This post has been edited by ika55775 on 11 Mar 2011, 12:21

თუ იცით ეხლა ვაპირებ წასვლას მატერაბელით და 1 წლის ბავშვისთვის სკამები თუ აქვთ? წესით გაანახლეს და უნდა ქონდეთ

19 95 95
19 92 92

ამ ტელეფონებზე დარეკე და კითხე, თუ აქვთ არ დაგიმალავენ

თბილისის შემოვლით გზაზე როგორც ჩანს აქტიური მუშაობები უკვე იწყება. 4 ახალთ ახალი ჰიუნდაის ტრაქტორიც შეემატა...

რამე სურათებს ხომ არ დადებ?

ika55775

სამწუხაროდ არა

ცუდია

”საქართველოს რკინიგზამ” სს”ელმავალმშენებელს” 20 მლნ ლარის დაკვეთა მისცა
მარტი 15, 2011
”საქართველოს რკინიგზამ” სს ”ელმავალმშენებელს” 20 მილიონი ლარის დაკვეთა მისცა. ქარხანაში მოდერნიზება ჩაუტარდება რვა ელმავალს, რომელიც თანამედროვე სტანდარტების შესაბამისად აღიჭურვება. მოდერნიზებული ელმავლები საქართველოს დროშის ფერებში შეიღებება.

”ელმავალმშენებელ ქარხანას” დღეს საქართველოს ეკონომიკისა და მდგრადი განვითარების მინისტრი ვერა ქობალია და შპს "საქართველოს რკინიგზის" გენერალური დირექტორი ირაკლი ეზუგბაია ეწვივნენ და ის საამქროები დაათვალიერეს, სადაც ელმავლებს მოდერნიზება უტარდება. კონტრაქტში ასევე გაწერილია სხვადასხვა სარკინიგზო მანქანა-დანადგარების დამზადება.

”ეს არის ერთ-ერთი ყველაზე მნიშვნელოვანი ქარხანა, თანაც არა მხოლოდ კავკასიის მასშტაბით. ისინი ამარაგებენ სარემონტო საშუალებებით და მარაგნაწილებით პრაქტიკულად, პოსტსაბჭოთა სივრცის უმეტეს ნაწილს და ეს არის სწორედ ქარხნის განვითარების მთავარი სტრატეგია, რომელზეც ახლა კონცენტრაცია მიმდინარეობს”-განაცხადა ირაკლი ეზუგბაიამ.

შპს ელმავალმშენებელი დიდი ტრადიციებისა და შესაძლებლობების მქონე ერთადერთი ქარხანაა ყოფილი სსრკ-ს ტერიტორიაზე, რომელიც მუდმივი დენის მაგისტრალურ ელმავლებს აწარმოებს. ამ დროისთვის, ქარხანას აქვს დაკვეთები სომხეთიდან და აზერბაიჯანიდან, თუმცა მისი ყველაზე დიდი დამკვეთი სწორედ "საქართველოს რკინიგზაა".

აღნიშნული დაკვეთა საშუალებას მისცემს ქარხანას მოახდინოს მისი გადაიარაღება ევროპულ სტანდარტებზე. ”საქართველოს რკინიგზა” ირჩევს ქართულ საწარმოებს, რათა ინვესტიცია სწორედ ქართულ ეკონომიკაში ჩაიდოს.

ქარხანაში დასაქმებულია 1200 ადამიანი და ”საქართველოს რკინიგზის” დაკვეთის შედეგად შეიქმნება დამატებით კიდევ 500 ახალი სამუშაო ადგილი.

http://www.railway.ge/?web=0&action=news&lang=geo&npid=159

"რესპუბლიკელები" შემოვლითი რკინიგზის მშენებლობით დაზარალებულების მოთხოვნებს EBRD-ს გააცნობენ

"რესპუბლიკური პარტია" ევროპის რეკონსტრუქციისა და განვითარების ბანკის წარმომადგენლებს იმ ადამიანების მოთხოვნებს გააცნობს, რომლებიც თბილისის შემოვლითი რკინიგზის მშენებლობის შედეგად ზარალდებიან.
როგორც პარტიის ერთ-ერთმა ლიდერმა თინა ხიდაშელმა დღეს გამართულ პრესკონფერენციაზე განაცხადა, ერთი კვირის შემდეგ, "რესპუბლიკელების" თხოვნის საფუძველზე თბილისში ევროპის რეკონსტრუქციისა და განვითარების ბანკის, EBRD-ის მონიტორინგის ჯგუფი ჩამოვა და საკითხს ადგილზე შეისწავლის.
ხიდაშელის განცხადებით, იქიდან გამომდინარე, ევროპის რეკონსტრუქციის ბანკი სარკინიგზო პროექტის ერთ-ერთი მთავარი დამფინანსებელია, საჭიროა ამ ორგანიზაციამდე მივიდეს ის პრობლემები და მოთხოვნები, რომლებიც ბუფერულ ზონებში არსებულ მიწების მფლობელებს აქვთ.
ხიდაშელის განცხადებით, პრობლემების დიდი ნაწილი არასათანადო კომპენსაციებს, მიწის ჩამორთმევის უსამართლო პოლიტიკას და უსამართლო ანაზღაურებას ეხება.
ევროპელი მონიტორების ჩამოსვლამდე, "რესპუბლიკელები" უშუალოდ პროექტის შედეგად დაზარალებულებს ხვდებიან და თავს უყრიან საჭირო დოკუმენტებს, რომლებიც მიწის მესაკუთრეთა მოთხოვნების არგუმენტირებისთვის არის საჭირო.

http://www.interpressnews.ge/ge/politika/1...-gaacnoben.html

”თბილისის შემოვლით გზაზე” სამშენებლო სამუშაოები მიმდინარეობს

მარტი 17, 2011

საქართველოს რკინიგზის სტრატეგიული პროექტის - თბილისის შემოვლითი გზის განხორციელების ამ ეტაპზე დაწყებულია კახეთის მიმართულებით ხელოვნური ნაგებობებისა და მიწის ვაკისის მშენებლობისთვის მოსამზადებელი სამუშაოები, დასრულებულია 18 კმ მონაკვეთზე ლიანდაგის, ხიდებისა და ორი #1 და #4 გვირაბის მუშა პროექტების დამუშავება.


ამასთან, საინჟინრო კომპანია ILF-ის (ILF Beratende Ingenieure ZT GmbH with GRE - Gauff Rail Engineering GmbH & Co. KG) დადებითი დასკვნის საფუძველზე სამშენებლო კომპანიას სამუშაოების დაწყების ნებართვა მიეცა.


დასრულებულია შემოვლითი გზის მიმდებარე ტერიტორიებზე სამშენებლო მოედნებისა და მისასვლელი გზების მშენებლობა.


ამასთან, კონტრაქტორმა კომპანიამ უკვე ჩამოიტანა მშენებლობის წარმოებისთვის საჭირო უახლესი მანქანა-მექანიზმები.


”საქართველოს რკინიგზისა” და კომპანია ”ხიდმშენის” აწარმოებენ აქტიურ მოლაპარაკებებს სადისტრიბუციო კომპანიებთან შემოვლითი რკინიგზის დერეფანში მოყოლილი სხვადასხვა საკომუნიკაციო სისტემების გადატანის თაობაზე.

http://railway.ge/?web=0&action=news&lang=geo&npid=161