თბომავალი არაა, ორქლმავალია. ИС (იოსებ სტალინი) იყო მეორე მსოფლიო ომამდე საბჭოთა (და საერთოდ ევროპული) სამგზავრო ორთქლმავლების ყველაზე მძლავრი სერია. ეს ფოტოზე რომ არის ექსპერიმენტული აეროდინამიული ფორმის ორთქლმავალია, ანუ ზემოდან მეტალის ფირფიტებით არის დაფარული. სტალინის სიკვდილის შემდეგ სერიას ეწოდა ФДп (ფელიქს ძერჟინსკი, სამგზავრო), რადგან ის ФД სერიის სატვირთო ორთქლმავალთან იყო უნიფიცირებული. დღეს სამწუხაროდ ამ სერიის მხოლოდ ერთი ორთქლმავალი დარჩა და ის კიევში სადგურთან დგას კვარცხლბეკზე.
ამ შაბათ-კვირას ვიმგზავრე ბათუმში ვმკ-003-ით. შთაბეჭდილებები საკმაოდ ცუდი დამრჩა: პირველი, თავად ელექტრომატარებელი საკმაოდ ცუდ მდგომარეობაშია, წინა თოვლამრიდი დაჭყლეტილია, ვაგონებს მეოთხე ვაგონის გარდა მოხსნილი აქვთ ქვედა აგრეგატების დამფარავი სახურავები. თავად მატარებელი არც ისე რბილად დადის, როგორც მეგონა, მაგრამ ამას უფრო ლიანდაგებს ვაბრალებ. მაგრამ მთავარი პრობლემა იყო ის, რომ გზის უმეტესი ნაწილი იარა АЛС-ზე 0-ის ჩვენებით. ერთ მომენტში მემანქანის თანაშემწე შემოვიდა სალონში და ვკითხე რატომ ანთებს სალოკომოტივო 0-სო და სიხშირე არ არისო. მერე АРС რატომ არ აჩერებსო და გამორთული გვაქვსო და სასწრაფოდ შევიდა კაბინაში. მესმის, რომ ავტობლოკირებით დადიან, მაგრამ АРС გაცილებთ ზრდის უსაფრთხოების დონეს.
კიდევ რა გამიკვირდა: ბათუმი ოზირგეთის ოთხვაგონიან მოდერნიზირებულ შემადგენლობას აწერია ერ2-631, იმ დროს როდესაც 4-დან 3 ვაგონს გვერდზე აწერია 699. ამ დროს ასევე არსებობს შემადგენლობა, რომელსაც 699 აწერია:
ასევე, ესეც 699-ია (თუმცა შესაძლოა ეს იგივე შემადგენლობა იყოს მოდერნიზირებამდე გადაღებული):
ახლა რა ვნახე კარგი:
ძალია გამიხარდა, როდესაც ხაშურში დავინახე ქოხად თუ საწყობად გამოყენებული ეგოროვის ქარხნის 20.2 მეტრიანი ვაგონი. მეგონა, რომ ასეთები საქართველოში არ იყო დარჩენილი. აუცილებლად წავალ ამის უფრო ახლოდან სანახავად ხაშურში.
ასევე მეორე სასიამოვნო სიურპრიზი: შორაპანის სადგურში მიწაზე დევს НТВ ვაგონი! მართალია ხე სულ აღარ დარჩა და მარტო ჩონჩხია, სამაგიეროდ თავის ბორბლებზე დგას. ესეც სანახავია, თუმცა უფრო შორია.
ოზურგეთში კიდევ ერთხელ ვნახე ПМС შემადგენლობა RIC ვაგონით.
ასევე ვნახე უღელტეხილზე გვირაბების მშენებლობები და გურიაში ახალი სარკინიგზო ხიდის მშენებლობა
Real SAABs don't leak. They just mark their territory.
· 
საქართველოს რკინიგზა, IV ნაწილი
