რაკი უკვე დაიდო ერთ-ერთ საიტზე ინფორმაცია, მეც ჩემს ორ კაპიკს დავამატებ.
არსებული ობიექტის გეგმა:
1. სპეციალურად არ ვწერ რა არის, იუზერების და ობიექტის უსაფრთხოებიდან გამომდინარე;
2. ვერტიკალური შახტა #68;
3. ვერტიკალური შახტის ქვედა ჰორიზონტის შემოვლითი შტოლნა პერსონალისთვის;
4. ვერტიკალური შახტის ქვედა ჰორიზონტის შემოვლითი შტოლნა საშახტე ვაგონებისთვის;
5. გაუმაგრებელი ქანი;
6. წყალსაკრები კამერა;
7. სამშენებლო მიმსვლელი გვირაბი;
8. გაურკვეველი დანიშნულების დამთავრებელი სათავსო მაღალი ჭერით, შესაძლოა ელმავლების სადგომი, ან ცემენტის მილის დასამონტაჟებელი კამერა;
9. კედელში ცოტათი გამონგრეული ადგილი, შესაძლოა აქედან შტოლნა უნდა გათხრილიყო;
10. მიმსვლელი გვირაბი სავარაუდოდ აკეთებს 180 გრადუს კუთხეს, თუმცა ზუსტად ძნელია თქმა;
11. ფარი რომელზეც წერია ,,გას 1992 წ 10 მაისი; შემდგ გას *** 1993 წ“
12. მიმსვლელი გვირაბის განშტოება სადგურის სავარაუდო ადგილას საიდანაც სამ მხარეს გადის გაუმაგრებელი შტოლნები.
მიმსვლელი გვირაბის თაღი მაღალია საშახტე ვაგონების შემოვლითი შტოლნის შეერთების ადგილებს შორის მდებარე მონაკვეთში, ასევე ამავე ადგილზე ბეტონში დაახლოებით ნახევარი მეტრის სისქის ადგილი დარჩენილი გაუმაგრებლად, თითქოს ჰერმეტიული კარისათვის ან ვენტილატორების სამაგრი კედლისთვის.
აღნიშნული სქემა სრული და ამომწურავია (რამდენიმე უმნიშვნელო დეტალის გარდა რომელიც არ არის აღნიშნული რათა ძალიან არ გადატვირთულიყო სქემა), ასე რომ თუ გაჩნდება შეკითხვები მაგალითად: ,,უკავშირდება თუ არა ეს ობიექტი ამას და ამას..." შეხედეთ ამ სქემას, თუ ამ სქემაზე მსგავსი არაფერია აღნიშნული ესე იგი ასეთი რამ არც არის.
ერთადერთი რაშიც სრულად დარწმუნებული არ ვარ ეს არის უკიდურესი მარცხენა და მარჯვენა რკალების მოხვევის კუთხე. რადგან ანონიმები მხოლოდ საკუთარი თვალით, სუბიექტურად ზომავენ მოსახვევის კუთხეს, შეცდომა საკმაოდ სერიოზულიც შეიძლება იყოს.
Real SAABs don't leak. They just mark their territory.
· 
თბილისის მეტრო, VI ნაწილი
