https://www.facebook.com/media/set/?set=a.1...15484578&type=3დაიწყო მეტროსადგურ „უნივერსიტეტის“ სამშენებლო სამუშაოები
სადგური „უნივერსიტეტი“ დაგეგმილი იყო როგორც საბურთალო ხაზის ბოლო გაჩერება და მასში გაერთიანებული იყო სამატარებლო ჩიხების ინფრასტრუქტურაც. აღნიშნული სადგურის მშენებლობა ათწლეულების წინ დაიწყო, მალევე შეჩერდა და კონსერვაციის რეჟიმში გადავიდა.
საქართველოს მუნიციპალური განვითარების ფონდმა აზიის განვითარების ბანკის ფინანსური მხარდაჭერით მოახდინა აღნიშნული სადგურის სამშენებლო სამუშაოების განახლება, კერძოდ პირველ ეტაპზე, ესაპნური კომპანიის (euroestudios) მიერ მომზადდა დეტალური სამშენებლო-სამონტაჟო პროექტი, რომლის შედგენაშიც აქტიურად იყო ჩართული სატრანსპორტო კომპანიის სტრუქტურული ერთეულები (სალიანდაგო და გვირაბნაგებობათა, სიგნალიზაციის, ელექტრო-მექანიკური და ენერგო სამსახურები).
ამ ეტაპზე განხორცილდა პროექტის მიხედვით გათვალისწინებული სამშენებლო სამუშაოების დაწყების პრეზენტაცია, რომელსაც ესწრებოდნენ საქართველოს რეგიონული განვითარებისა და ინფრასტრუქტურის მინისტრი ნოდარ ჯავახიშვილი, მუნიციპალური განვითარების ფონდის აღმასრულებელი დირექტორი ჯუანშერ ბურჭულაძე, დედაქალაქის მერი დავით ნარმანია და თბილისის სატრანსპორტო კომპანიის გენერალური დირექტორი ალექსანდრე ჯაფარიძე.
პროექტის განხორციელების ფარგლებში მოხდება, როგორც სადგურ „უნივერსიტეტის“ კომპლექსის დასრულება, ასევე ამუშავდება „დელისი“ - „ვაჟა-ფშაველას“ მონაკვეთის მეორე გვირაბიც, რაც კომპანიას შესაძლებლობას მისცემს მგზავრებს სრულყოფილი მომსახურებით მოემსახუროს და შეამციროს ინტერვალი აღნიშნულ მონაკვეთზე.
სამუშაოების ღირებულება 83,000,670.45 ლარს შეადგენს და 2 წელიწადში დასრულდება. ახალი მეტროსადგურის მშენებლობა მგზავრთა გადაზიდვის თვალსაზრისით ძალზედ მნიშვნელოვანია ქალაქის სატრანსპორტო სისტემისთვის.
ეს 45 თეთრი თუ დააკლდათ, მე დავუმატებ.
Real SAABs don't leak. They just mark their territory.
· 
თბილისის მეტროპოლიტენი, ნაწილი X
