აი ეს ბაზარია.
მეტროს ყავს სუფთა და მოწესრიგებული ავტობუსები და ზოგადად სატრანსპორტო კომპანიაა, რომელსაც აქვს საკმარისი უნარი საკუთარ თავს და მგზავრებს ნორმალურად მიხედოს. ჩვენი მძღოლები წლების წინაც ცდილობდნენ ხელი შეეშალათ, მაგრამ არ გამოუვიდათ. ყველაფერს თავი რომ დავანებოთ, მგზავრებს ურჩევნიათ ცოტა ძვირად, მაგრამ ადამიანურ პირობებში იმგზავრონ და ბუნებრივად დაკარგეს მგზავრები.
ხო, მე მირჩევნია ქართული კომპანიები იყვნენ მოწოდების სიმაღლეზე და ჩემებმა იხეირონ, მაგრამ სადა აქვთ ჩემებს მაგისი შნო?! ორი კაცი უკვე დაპირისპირებაა. რა კომპანია და ორგანიზაცია?! ამდენი წელი გავიდა და ელემენტარულად ის ვერ გადახარშეს, რომ მგზავრი მხოლოდ მანამ იქნება შენთან, სანამ არ ექნება უკეთესი არჩევანი. გამოჩნდა უკეთესი არჩევანი და დაკარგე მგზავრი. მორჩა. ხოდა საკმაოდ დიდი ხანია თურქული კომპანია მეტრო ბაზარზეა. რა მარშრუტებზეც შემოვიდა, ქართველმა მძღოლებმა ყველგან დაკარგეს მგზავრი. ამდენი წელი არავის არ ეყო დასაფიქრებლად და საკუთარის მოსაწესრიგებლად. ცუდია.
ვერავის ვერ გადაუღუნავენ რამდენიც არ უნდა გაიფიცონ იმიტომ რომ ხალხის მხარდაჭერა არ ექნებათ. ეროვნულ ნერვზე შეღიტინება ამ შემთხვევაში არ უშველის იმიტომ რომ ხალხს თურქული კომპანია ადამიანურად მგზავრობის პირობებს სთავაზობს, ქართველი მძღოლები კი საღორეებით მგზავრობას. მონდომების ამბავია, თორემ საკმარისზე მეტი წლები ჰქონდათ საკუთარი ტრანსპორტის მოსაწესრიგებლად.
პ.ს. მეტროს მძღოლები დღესაც კომპანიის უნიფორმაში გამოწყობილები გამოდიან სამუშაოდ. თბილისის სატრანსპორტო კომპანიის მძღოლები კი უნიფორმას მხოლოდ პირველ კვირას ატარებდნენ. ეს ერთი შეხედვით უმნიშვნელო დეტალია. უბრალოდ იმაზე მეტყველებს, ვის როგორი უნარი აქვს დაწყებული შეინარჩუნოს და განავითაროს, ან ჩაამძღნეროს.