თბილისის მეტრო, XIV ნაწილი

რეკორდი მოხსნეს უკვე მერამდენედ გამოაცხადეს 1 წელზე მეტია არ დაადგა საშველი.

This post has been edited by ERAMUS on 4 Apr 2020, 20:07

სასაცილოც კი აღარ არის

არ აფასებთ, მეგობრებო.
ასეთმა სიჯიუტემ და მიზანსწრაფულობამ დაიპყრო ევერესტი.
იმარჯვებს არა ის, ვინც არასდროს ეცემა, არამედ ის, ვინც ყოველი დაცემის შემდეგ წამოდგება და გზას აგრძელებს.
ახლა რომ დამცინავად ხითხითებთ, ნეტა მანახა თქვენი სახეები 2054 წელს, როდესაც გოცირიძის ტენდერში გამარჯვებული გამოვლინდება.

პირდაპირი შესყიდვა მაინც გააკეთონ
ნაძალადევის დეპოსთან დაკავშირებით არაფერი ხდება?

ERAMUS

კვლევა ტარდებაო (ვინ ვერ გავიგე, მგონი თავად EBRD-ის გამოგზავნილი ჯგუფი). ისევ ძველი კორპუსზე უნდათ მიერთება, ახალ კორპუსს ვერ გამოვიყენებთ, გაყიდულიაო. იმედია, თუ ძველს გამოიყენებენ, გააფართოებენ მაინც.

ამასობაში გამოგვეპარა ერთ-ერთი მნიშვნელოვანი თარიღი

ნეტა ვინ გაყიდა.

JSB14BSJ

საქმე იმაშია, რომ არაა გაყიდული. დევნილები შევიდნენ და სახელმწიფომ დაუკანონა, რეესტრში აქვთ გაფორმებული. პლიუს ამისა, მიმდებარე ტერიტორიების გაყიდულია, რაც ართულებს სალიანდაგო განვითარების მოწყობას.
ამას გამოსყიდვა (თუნდაც იძულებული წესით) და დევნილების სრულფასოვანი საცხოვრებელი ფართებით დაკმაყოფილება და გაყვანა უშველიდა, მაგრამ უუნაროები არიან და ჰე.

polaris
ჩახედული თუ ხარ მეტროს საკითხებში, გვითხარი ერთი მე და ვაკეს, მეტრო თუ გვეღირსება და როდის?..

kodeqsi

რაღათ გინდათ მეტრო, მაგაზე უკეთესი გაგიკეთეს და არ აფასებთ, ავტობუსებით იგრიალებთ.

Faulkner
კი, კი, ფრთებიანი ავტობუსები შემოყავს კიდევ დუბლ ავტოგოლას ვაკეში, იფრენთ ვაკელებიო სიმონ ბასლაინებიანი აეროდრომებიდანო...

kodeqsi

მაგ დონეზე ჩახედული არ ვარ, რომ ეგ ვიწინასწარმეტყველო შემიძლია მხოლოდ ის გითხრა, რომ:

1) 80-იანი წლების მეორე ნახევარში დაიწყო მესამე ხაზის მშენებლობა რუსთაველიდან ვაზისუბნამდე, რომელიც პერსპექტული განვითარების გეგმის მიხედვით, შემდეგ ეტაპზე საბურთალო-დიდუბე-დიღმისკენ უნდა გაგრძელებულიყო და შევჩენკოს ძეგლთან უნდა ყოფილიყო ვაკის მეტროსადგურის ამოსასვლელი 2000 წლისთვის.

2) როგორც ვიცით, არ მხოლოდ მესამე ხაზის პერსპექტული გაგრძელება, ის მონაკვეთიც კი არ დამთავრდა რაც დაიწყო. უგულავამდე ოფიციალურად მაინც ,,მშენებარეს" სტატუსი ჰქონდა (თუმცა რეალურად 1993 წლის შემდეგ იქ არაფერი აშენებულა), უგულავას დროს კი უკვე ოფიციალურად ითქვა უარი, ზოგი შახტის ტერიტორია გაიყიდა, ზოგი დაკონსერვდა, ზოგი მიწით ამოავსეს და ზემოდან შენობა დაადგეს. აწი მაგის გაგრძელება იმავე პროექტით ფინანსურად ძალიან რთული ამოცანაა, თუმცა სურვილის და ფინანსები პირობებში ტექნიკურად შესაძლებელია (მინიმუმ ერთი ახალი აშენებული სასტუმრო უნდა დაინგრეს ამისთვის).

3) ამ ეტაპზე საერთოდ არანაირი საუბრები არ მიდის ამ მშენებლობის ოდესმე, თუნდაც ძალიან შორეულ პერსპექტივაში განახლებაზე. ვინ მოვა მთავრობაში და შემდეგ რას მოინდომებს, მაგაზე ვერაფერს გეტყვი. არც ვაკეში მეტროს მშენებლობაზე ყოფილა რაიმე საუბარი.

4) რომ გადაწყვიტონ ვაკეში მეტროს აშენება, არსებულ ქსელს ვაკე თავისთავად ვერანაირად ვერ მიებმება, მინიმუმ გადასაჯდომი სადგური უნდა აშენდეს რუსთაველზე და სამომსახურეო-შემაერთებელი შტო. რაღაც სამუშაოები კომუნისტებმა ჩაატარეს, მაგრამ ეს არის საჭირო სამუშაოების ძალიან მცირე, მიზერული ნაწილი.

5) მოცემულ ეტაპზე ვაკის ჩქაროსნულ ტრანსპორტად განიხილება BRT სისტემა (ჩქაროსნული ავტობუსი ქუჩის შუაში, იზოლირებულ ზოლებზე). ეს სისტემა აიწყობა და იმუშავებს მინიმუმ 8-10 წელი მაინც. პერსპექტივაში კი არაა გამორიცხული, მის დერეფანში ტრამვაის გატარება (თუმცა ეს შესაძლებლობაა და არა რაიმე სახის არსებული გეგმა).

ახლა თავად გადაწყვიტე როდის იქნება ვაკეში მეტრო, და თუ იქნება საერთოდ.

მეორე ამოსასვლელებს მაინც მიხედონ, თუმცა მარჯანიშვილისაზე ძალიან მეეჭვება, ფაქტობრივად ალყაშია.ახმეტელზე კი ჯერ კიდევ არის შანსი სანამ ამოავსებენ და ზემოდან კორპუსს წამოამხობენ.

ERAMUS

ტექნიკურად მარჯანიშვილი უფრო მარტივი გასაკეთებელია, ვიდრე ახმეტელი. კორპუსის ქვეშ კომერციული ფართის გამოსყიდვაა საჭირო და ალყიდან გამოვა ზედ მარჯანიშვილის და უზნაძის კუთხეში.

ტეხავს ასეთ რამეებს რომ იგებ, ჯიბეზე მოფიქრე ჩინოვნიკები და არა ქალაქზე.