მეგობარი ან არამეგობარი საიტიდან პოსტი ქუჩის ფოტოგრაფიის 20 ხრიკი
1) ზოგჯერ ნაკლები უფრო მეტს ნიშნავს – არის მომენტები როცა ნაკლები მოწყობილობა-აღჭურვილობები უფრო მომგებიანია ვიდრე ბევრი, რადგან ნაკლებად დამღლელი და დამქანცავია მათი ტარება სიარულის დროს, რომელისც ქუჩის ფოტოგრაფიის განუყოფელი ნაწილია.
2) გაცვეთილი გზებიდან შორს – ნუ იქნებით დამოკიდებულები მხოლოდ ტურისტების საყვარელ ადგილებზე, ხშირად გაცილებით უკეთესი კადრის გადაღება “ნაკლებად მნიშვნელოვან” ადგილებზეცაა შესაძლებელი.
3) “მოპარული მომენტები” – შეეცადეთ წინასწარ მიხვდეთ მოსალოდნელ ემოციებსა და მოქმედებებს ადამიანთა შორის, დაელოდოთ მათ მოხდენას და გადაიღოთ ისინი
4) ნამდვილი ფერები – ქუჩის ფოტოგრაფიაში ხშირია შავ-თეთრი სურათები, მაგრამ არის მომენტები სადაც ფერადი კადრი უკეთესია, ამიტომ იყავით ფხიზლათ მომავალი კადრის შესაფასებლად.
5) უკანა ფონი – იმან თუ რა ხდება თქვენი გადაღების საგნის უკანა ფონზე, ფოტოს შეიძლება მრავალი მნიშვნელობა მიანიჭოს. ბილბორდებმა, ნიშნებმა, გრაფიტით ნახატებმა და სხვა ვიზუალურმა ელემენტებმა შეიძლება მართლაც თქვან თავიანთი სათქმენი ქუჩის ფოტოგრაფიაში.
6) გაბედეთ და გადაიღეთ დიაგონალურად – არ არის საჭირო აპარატის მუდამ ჰორიზონტალურად ჭერა. ატარეთ ექსპერიმენტები გადაღების კუთხეებზე. ქუჩის ფოტოგრაფია ნაკლებად ფორმალური გარემოთია დაინტერესებული, ამიტომ სიტუაციები და თქვენი კრეატიულობა მაქსიმალურად გამოიყენეთ.
7)საპირისპიროები იზიდავენ ერთმანეთს – ფოტოები რომლებიც წინააღმდეგობაში მოდიან ეგრეთწოდებულ “ნორმებთან” კომპოზიციაში და თემა/სიაჟეტში შეიძლება მეტად საუცხოოც აღმოჩნდეს. ეძებეთ მოულოდნელი, საკვირველი სიუჟეტი და კომპოზიცია.
8) სანახაობა/წარმოდგენა – ქუჩის წარმოდგენები, პარადები და სხვა გასართობი ან თავშესაქცევი სანახაობები შეიძლება ფანტასტიური სიუჟეტი აღმოჩნდეს.
9) არა მარტო ქუჩები – სხვა ადგილები, გარდა ქუჩებისა, სადაც ხალხი ხშირად იკრიბება შეიძლება ასევე საინტერესო აღმოჩნდეს ამ ჟანრის ფოტროგრაფისთვის. ზოოპარკები, ბაზრობები, გამოფენები, პარკები, სპორტული მოვლენები ა.შ ყველა მათგანი ღირს ცდად.
10)ახალი კუთხეები – ეძებეთ ადგილები სადაც იქნებით მაღალზე ან დაბალზე, რადგან მუდამ ადამიანის სიმაღლიდან გადაღებული სურათები ყოველთვის არაა საინტერესო.
11) გამეორება ცოდნის დედაა – დროთა განმავლობაში და რეგულარული ვარჯიშით თქვენი ფოტოგრაფიის უნარები გაუმჯობესდება. თქვენ გააუმჯობესებთ არა მარტო გადაღების ტექნიკას არამედ იმ საგნების ამორჩევის უნარსაც რომლების გადაღებაც ღირს.
12) იღბალი მამაცებს სწყალობთ – ზოგჯერ საუკეთესო რამ რაც შეგვიძლია ვცადოთ არის მხოლოდ და მხოლოდ სუბიექტთან ახლოს მისვლა – მიუხედავად იმისა რომ ეს ხანდახან სიძნელებთანაა დაკავშირებული, ზოგჯერ გასაოცარ შდეგებს გვაძლევს.
13) მზეზე – ხშირად ვცდილობთ მზეზე სურათის გადაღებებს თავი ავარიდოთ, მაგრამ ამ წესის დარღვევა ბევრ შმეთხვევაში უკეთესი ფოტოთი სრულდება.
14) იყავით ყოველთვის მზად – ყოველთვის მზად გქონდეთ კამერა და ელოდეთ ნებისმიერ წუთს სიუჟეტის გამოჩენას. შემთხვევები სწრაფად იცვლება ქუჩაში და პატარა ყურადღების მოდუნება შეიძლება დიდი შესაძლებობლობის ხელიდან გაშვების მიზეზი გახდეს.
15) სცადეთ კიდევ – ქუჩის ფოტოგრაფია არ არის მარტო სპონტანურობა. თუ თქვენ ხედავთ სცენას რაიმე პოტენციალით, ესტუმრეთ მას ხშირად მანამ სანამ არ მიიღებთ იმ შედეგს რაც თქვენ გინდათ
16) ”გაყინული” მოძრაობა – ქუჩის ყველაზე დამახასიათებელი თვისება არის მოძრაობა. თუ გვინდა რომ გადავიღოთ ეს მოძრაობები და თან სურათი მაინც მკვეთრი დარჩეს, დარწმუნდით რომ ჩაკეტვის სისწრაფე (Shutter Speed) საკმარისად სწრაფია. 1/125 ან უფრო მეტი, სინათლის მგრძნობელობით (ISO) 400, არის ძალიან ხშირად საუკეთესო ვარიანტი. მაგრამ ამავდროულად საინტერესოა ნელი ჩაკეტვის სისწრაფით (Shutter Speed) გადაღებაც, რომელიც მოძრაობას გააბუნდოვნებს.
17) უჩინმაჩინი – ეცადეთ გახდეთ სცენის ნაწილი და თავად არ გახდეთ ყურადღების საგანი. გადაიღეთ შეუმჩნევლად, წინააღმდეგ შემთხვევაში მათი ყურადღების გაფანტვა ნაკლებად ბუნბრივ სურათებს მოგვცემს.
18) სიცოცხლე ლინზას მიღმა – სხვადასხვა პერსპექტივები გადაღების საგანს უფრო საინტერესოს გახდის და კონტექსტში ჩაჯდომაშიც დაეხმარება. სცადეთ სხვადასხვა ტიპის ლინზებით (Wide Angle, Fisheye) გადაღება.
19) გაიღიმეთ ხშირად - ზოგჯერ ხდება ისეც რომ ადამიანებს არ მოწონთ როცა მათ უღებენ, ამიტომ ხშირად გაიღიმეთ, იყავით თავაზიანები და ყოველთვის მზად რომ წაშალოთ სურათი მათი პროტესტის შემთხვევაში
20) ადგილმდებარეობა – ყველაზე მნიშვნელობა სწორედ ადგილმდებარეობის ამორჩევაა. ამოარჩიეთ ადგილი სადაც უხვად არის ხალხი, მათი ემოციები, სადაც ჩანს მათ შორის ურთიერთობები ა.შ
* * *
მოდით კვირის თემა ავიღოთ დამწყებებმა და გადავიღოთ და დავდოთ ხოლმე მერე რჩევები გავუზიაროთ ერთმანეთს 
რჩევები დამწყებ ფოტოგრაფებს, პირველი ნაბიჯები კამერით ხელში...
