kotekhbachanagთუ ნებას მომცემთ, რამდენიმე განმარტებას დავწერ თქვენს მიერ საკრედიტო ბარათთან დაკავშირებით დასმულ საკითხებზე.
ძირითადი წესები, რაც დაკავშირებულია ორინჯ-ბარათის გამოყენებასთან მდგომარეობს შემდეგში:
პროცენტების დაანგარიშების (დარიცხვის) წესი: ოვერდრაფტების ანალოგიურად ანუ ყოველდღიურად % ერიცხება იმ თანხას, რაც ათვისებულია ბარათიდან. მაგალითად: თუ 10 მაისს ადამიანმა გახარჯა (ვთქვათ, ბანკომატიდან გამოიტანა) 100 დოლარი, რომელიც 17 მაისს უკანვე დააბრუნა გადასახდელი % დაანგარიშდება როგორც 100*(36%/365)*7. ანუ მხოლოდ 7 დღის პროცენტი მხოლოდ 100 დოლარისათვის.
პროცენტის გადახდის წესი: ყოველი თვის 5 რიცხვში მოწმდება – რა თანხაა ათვისებული ლიმიტიდან და %–ის გადახდის ვალდებულებაც ამის შესაბამისად დგება. თუ ათვისებული თანხა სრულად არის ამ რიცხვისთვის დაბრუნებული, მაშინ ზემოაღნიშნული წესით დაანგარიშებული პროცენტები ბარათის მფლობელს უბრალოდ „ეპატიება“ ანუ გადახდის ვალდებულება აღარ ეკისრება. სხვა შემთხვევაში კი – ბარათის მფლობელმა უნდა გადაიხადოს იმდენი, რამდენიც ზემოთ აღწერილი წესის მიხედვით დაერიცხა.
მინიმალური გადასახდელი თანხა: ათვისებული ლიმიტის 10% და ის %–ები, რაც ზემოთ აღწერილი წესის მიხედვით დაერიცხა. საიდანაც სესხის % აიღება ბანკის მიერ, ხოლო ლიმიტის 10% უბრალოდ ისევ და ისევ კლიენტის ლიმიტს ავსებს ანუ მისი გამოტანა პრაქტიკულად 1 საათში კვლავ შესაძლებელია.
მინიმალური გადასახდელი თანხის დაანგარიშების წესი: ყოველი თვის 5 რიცხვი არის ე.წ. „დაანგარიშების თარიღი“ ანუ ამ დღეს ხდება დაანგარიშება წინა თვეში (ანუ წინა თვის 5 რიცხვიდან მიმდინარე თვის 5 რიცხვამდე) ჩატარებული ოპერაციების მიხედვით კლიენტს რა თანხა აქვს ბანკში გადასახდელი. თუ ამ დროს ათვისებული თანხა განულებულია, ბუნებრივია, გადასახდელიც არაფერი იქნება. სხვა შემთხვევაში კი მოითხოვება დაიანგარიშება ე.წ. მინიმალური გადასახდელის ოდენობა.
მინიმალური გადასახდელი თანხის დაფარვის წესი: ყოველ 5 რიცხვში დაანგარიშებული მინიმალური გადასახდელის დასაფარავად კლიენტს ეძლევა 10–დღიანი ვადა. ამ 10 დღის განმავლობაში მისთვის მოსახერხებელ დროს შეუძლია მინიმალური გადასახდელი თანხის ერთიანად ან ნაწილ–ნაწილ შეტანა/ჩარიცხვა ანგარიშზე. ანუ არ არის სავალდებულო მინიმალური გადასახდელის 5 რიცხვში შეტანა და სხვა სესხებისგან განსხვავებით თუ ამ თარიღის გადაცილილება ვადაგადაცილებად არ ითვლება (ბუნებრივია, არც ჯარიმების დარიცხვა არ ხდება).
უფრო მეტიც, ამ 10–დღიან პერიოდში მინიმალური გადასახდელის თანხას % არც ერიცხება. ვადაგადაცილების შედეგები: ვადაგადაცილებად ჩაითვლება, თუ მინიმალური გადასახდელი თანხა არ იქნება შეტანილი/ჩარიცხული საკრედიტო ბარათის ანგარიშზე 15 რიცხვის ჩათვლით. ვადაგადაცილებისთვის დაწესებულია 10–დოლარიანი ჯარიმა, ხოლო %–ების დარიცხვა ხდება ჩვეულებრივი წესით. ამასთანავე, 15 რიცხვის გადაცილებისათვის ბარათი დროებით იბლოკება (მისი გამოყენება მფლობელს არ შეეძლება) მინიმალური გადასახდელი თანხის შეტანამდე. ამ თანხის შეტანიდან მე–2 დღეს ბარათი კვლავ გააქტიურდება.
თუ რაიმე გაუგებრად დავწერე - მკითხეთ და სიამოვნებით დაგეხმარებით გარკვევაში
kotekhთუ მეტყვი, რომ სანამ საიტზე დადებულ ოფიციალურ ინფორმაციას არ ნახავ, მაინც არ დაიჯერებ - წინასწარ გეუბნევი, რომ მაგაზე ვერაფერს გეტყვი - შეგიძლია დაიჯერო, შეგიძლია არა
· 
საქართველოს ბანკის FAQ, BOG
