Racer, Free car simulator project

მიუხედავად იმისა, რომ ეს სფერო საერთოდ მკვდარია საქართველოში არ ვნებდებით, არ ვჩერდებით და ვაგრძელებთ თემების გახნას სიმუალტორებზე ამჯერად ცოტა ინფორმაციაა, მაგრამ გპირდებით მომავალში განვაახლებ

Racer (simulator)



Racer - სრული სახელი: Racer Free Car Simulation არის სრულიად უფასო (freeware) და ყველასათვის ხელმისაწვდომი (source available) ვიდეო თამაში - სიმულატორი (simulator), რომელიც მუშაობს Microsoft Windows, Linux, და Mac OS X პლატფორმაზე.

Racer-ი შეიქმნა როგორც მართვის სიმულატორი და მას გააჩნია ყველა ის თვისება, რომლის ნახვაც ჩვეულებრივ შესაძლებელია სხვა სარბოლო სიმულატორებში. კონკრეტულად კი ისეთი ფუნქციების როგორიცაა: შეჯიბრი ბოტ (AI) მანქანებთან ან რეალურ ოპონენტებთან და მრავალი მოთამაშის რეჟიმის (multiplayer mode) გამოყენება. თუ Racer-ს შევადარებთ სხვა კომერციულ სარბოლო თამაშებს, მაშინ მის სუსტ მხარეებად ჩაითვლება ის რომ: სიმულატორში არ არის ცვეთა/დაზიანების ფიზიკა და კარიერის რეჟიმი (career mode). Racer-ი რენდერისთვის იყენებს OpenGL-ს და არა DirectX-ს. უფასო ვერსიასთან ერთად არსებობს ფასიანიც და ესაა: Cruden-ი.

Cruden-ზე საუბარი მეხუთე გადაცემაში (Fifth Gear):





Racer-ის ყველაზე მნიშვნელოვანი დამახასიათებელი თვისება არის გახსნილობა. პროგრამული უზრუნველყოფა შენარჩუნებულია მხოლოდ შემქმნელის რუდ ვან გალის მიერ, მაგრამ მანქანები, გზები და სხვა ინფორმაცია მოცემულია და ახსნილია დოკუმენტებში. ასევე, მანქანის და გზების შექმნის ინსტრუმენტები მოთავსებულია თამაშის მთავარ საქაღალდეში. სწორედ ამის შედეგად შეიქმნა და გამოიცა დიდი რაოდენობით მანქანები შემდეგი სახესხვაობით: Formula One, GT, vintage, სატვირთო, სედანები და ა. შ. აგრეთვე, გავრცელდა სხვადასხვა სახის გზები: დაწყებული ჭეშმარტი სარბოლო გზებით და დამთავრებული დრაგით (drag strips), მთიანი გზებით და თქვენ წარმოიდგინეთ ავტოსადგომებითაც.

Racer პირველად გამოვიდა 2000 წლის 29 აგვისტოს და ამ დღიდან მოყოლებული მუდმივ განახლებაში იმყოფებოდა. სწორედ ამიტომ, წლების განმავლობაში Racer-ის მოყვარული საზოგადოების რიცხვი მუდმივად იზრდებოდა. Racer-ის მთავარი ფორუმი და სპეციალური განყოფილება გახსნილია და დიდი ხანია არსებობს RaceDepartment-ის ფორუმზე.

ლიცენზია:

Racer-ის პროგრამა არის სრულიად უფასო (freeware) მხოლოდ იმ ადამიანებისთვის, რომლებიც მას არაკომერციული მიზნებისთვის იყენებენ. გასათვალისწინებელია, რომ არსებობს კოდის ძველი ვერსია, რომელიც ყველასათვის ხელმისაწვდომია (source code). მანქანებს და გზებს გააჩნია სხვადასხვა სახის ლიცენზია და მათი გადმოწერა შესაძლებელია უფასოდ.

როგორც ზემოთ ავღნიშნე, Racer-ის ერთ-ერთი ყველაზე ძლიერი მხარე არის მისი ღია ფორმატი, მაგრამ ალბათ ერთ-ერთი მისი სუსტი მხარეა: მისი დახურული წყარო (closed-source stance) და დეველოპერების გუნდი. Racer-ის საზოგადოება ხელს უწყობს ტესტირებას და ხშირად რჩევას აძლევს დეველოპერებს რა ფუნქციები დაამატონ თამაშს მომავალში. სამწუხაროა მაგრამ რეალობაა, რომ Racer-ის დეველოპერები ძალიან არიან დამოკიდებულნი დროზე და ამიტომ ვერ ახერხებენ არსებულის განვითარებას, რაც განაპირობებს იმას, რომ განახლებები ხდება ძალიან იშვიათად. თუმცა როდესაც განახლება გამოდის, ის შეიცავს არაერთ სიახლეს, რომელიც ეხმარება მოთამაშეებს საკუთარი მანქანების ან გზების მოდიფიკაციასა და განვითარებაში.

თამაშის ოფიციალური ვებ-გვერდი: http://racer.nl
მოდები და გზები: Racer Free Car Simulation | ВКонтакте

ჩემი გადაღებული სურათები:



თამაშის გადმოსაწერი ბმული მოდებით: Racer Free Car Simulation (Racer Pack 2 - V0.8.45)

მოთხოვნები:

• Windows XP/2003-Server/Vista/Windows 7 (32/64 bits); Pentium IV ან AMD პროცესორი. ნებსიმიერი 1Ghz-იანი იმუშავებს ნორმალურად, მაგრამ კარგი ვიდეო დაფის ქონდა მნიშვნელოვანია.
• გაითვალისწინეთ, რომ სიმულატორის beta ვერსიებს არ აქვს Windows 95/98/ME (პრობლემები font-ებთან დაკავშირებით) მხარდაჭერა.
• კარგი 3D ვიდეო დაფა (OpenGL-ის და Cg-ის მხარდაჭერით) ისეთი როგორც nVidia (სასურველია) ან AMD/ATI. დეველოპერები ძირითადად მუშაობენ მხოლოდ nVidia-ს ბარათებზე (და drivers-ებზე), ასე რომ რეკომენდირებულია მისი ქონა Race-ისთვის. nVidia 8800GT ან ნებისმიერი ახალი ვიდეო დაფის ქონა სასურველია.
• DirectX9.0c ან უკეთესი.

ვიდეოები:





მოდების და გზების გადმოწერა შეგიძლიათ ქვემოთ მოცემულ ბმულებზე გადასვლით: ehune01 და Skybh (გადმოსაწერი ბმულის სანახავად ჩამოშალეთ ვიდეოს აღწერა).

This post has been edited by sti228 on 23 Mar 2016, 23:32

sti228
საინტერესო თამაში ჩანს ეხლა გადმოვწერ და ვნახავ აბა

Eსეთ რაღაცას მიგდებს ხო არ იცი რა ვუშველო ?


მიმაგრებული სურათი (გადიდებისთვის დაუწკაპუნეთ სურათზე)

datobaxutashvili

racer.### ფაილის მაგივრად racer_nocg.### ფაილი გახსენი და თუ ჩაირთვება თამაში მაშინ შენ ვიდეო დაფას არ აქვს shader-ების მხარდაჭერა. თუ მაინც არ ჩაირთვება სხვა ვერსია ცადე. მაგ: Racer RC4 ან უფრო ძველი.

ესეც ახალი ინფორმაცია: Panthera Free

This post has been edited by sti228 on 13 Apr 2016, 23:03

sti228

კაროჩე არ გახსნა რა არც მაგაზე ეხლა ძველს გადმოვწერ და ძველზე მოდები მიდის ?
გამოდვწერე და იგივე გააკეთა მერე უფრო ძველიი გამოდვწერე და იმაზეც და რატო ხო არ იცი ?
0.6.5.5 ზე აღარ შვება ეგრე მარა თამაშიდან მაგდებს რო ვაწვები FREE drivingს

This post has been edited by datobaxutashvili on 14 Apr 2016, 17:43

მიმაგრებული სურათი (გადიდებისთვის დაუწკაპუნეთ სურათზე)

datobaxutashvili

რომელი Windows გიყენია ან რა სიტემა გაქვს ? Nvidia თუ AMD დრაივერები ? OpenGL იმედია გიყენია, რადგან მაგის გარეშე საერთოდ არ მუშაობს.

This post has been edited by sti228 on 16 Apr 2016, 02:29

sti228
ვინდოუს 7 მიყენია

აუ ესენი არ ვიცი როგორ გავარკვიო ?

დროა გავაკეთო პატარა სერვერზე შესვლის გზამკვლევი. იმისთვის, რომ Racer-ი ითამაშოთ მეგობრებთან ერთად, ამისთვის საჭიროა გქონდეთ:

- Racer-ის 090RC6-ზე ახალი ვერსია (სასურველია RC10).

ბევრი წვალება რომ არ დაგჭირდეთ, ამიტომ გავაკეთე თამაშის ვერსია სადაც უკვე დავამატე სერვერზე შესასვლელად საჭირო ყველა მანქანა და გზა. ამიტომ გადმოწერეთ ეს ვერსია: Racer v0.9.0 RC10 (22-8-2014)

ამაარქივების შემდეგ ჩართეთ თამაში (დაყენება არაა საჭირო) და გაასწორეთ რეზოლუცია და კონტროლები. ამის შემდეგ მიყევით ინსტრუქციას პუნქტების და სურათების მიხედვით.

1) თამაშის მენიუში ნახეთ "Multiplayer lobby" და შედით.



2) დააწკაპუნეთ მაუსი nl lobby-ზე (<= Server-ზე)



3) წაშალეთ lobby.racer.nl



4) და ჩააკოპირეთ df-racing.ddns.net



5) შემდეგ დააჭირეთ Ok-ს. ამის შემდეგ გაიგებთ ხმას და ქვემოთ დაინახავთ წარწერებს, რაც იმას ნიშნავს, რომ თქვენ შეგიძლიათ შეუერთდეთ Lobby-ს df-racing.ddns.net-ზე.

6) ზემოთ მარჯვენა მხარეს დაინახვთ გრაფას Nick და დააწკაპუნეთ მასზე მაუსის ღილაკით, რადგან შეცვალოთ ორიგინალი სერვერის მიერ მინიჭებული სახელი.



7) წაშალეთ MyNick და



8) ჩაწერეთ თქვენი სახელი. ბოლოს დააჭირეთ Ok-ს.



9) პუნქტს "Hide unjoinable races"



მოუშალეთ მონიშვნა, რადგან დაინახოთ თავისუფალი სერვერი.



10) მონიშვნის მოხსნისთანავე გამოჩნდება სერვერი



11) დააწკაპუნეთ სერვერის სახელზე ორჯერ ან უფრო უკეთესია მონიშნოთ სერვერი (მაუსის მის დასახელებაზე ერთი დაკლიკებით) და დააჭიროთ ღილაკ Join-ს. ღილაკზე დაჭერისთანავე გაიგებთ ხმას და დაიწყება 30 წამიანი ათვლა სერვერზე შესასვლელად.



30 წამის გასვლის შემდეგ გამოჩნდება გზის ჩატვირთვის სურათი (რაც ავტომატურად ნიშნავს იმას, რომ ყველაფერი სწორად გააკეთეთ).



სერვერზე შესვლისთანავე ირთვება შუქნიშანი



და იწება რბოლა.



სულ ეს არის, სასიამოვნო გართობას გისურვებთ

This post has been edited by sti228 on 31 May 2016, 11:59

თამაშის კონტროლები (Controls):

Racer-ში შეგვიძლია გამოვიყენოთ ყველა სახის კონტროლერი: საჭე, მაუსი და კლავიატურა.

S - მანქანის დაქოქვა (Start the engine)
L - მაშუქების ჩართვა (Lights)
P - შეჩერება (pause)

Ctrl + (მოიცავს რამოდენიმე ფუნქციას, რომელიც გვეხმარება ყველა პანელის გაქრობაში, რადგან გადავიღოთ სუფთა სურათი)

- V - მაჩვენებელთა დაფა (Clocks)
- G - სიჩქარე, სიჩქარეში გადართვა (Racing)
- F - კადრების რაოდენობა წამში (FPS)

Shift + (აგრეთვე შეიცავს რამოდენიმე ფუნქციას)

- A - ავტო პილოტის (auto pilot) ჩართვა მაშინ თუ გზაზე ჩაწერილია წრის გავლის მარშუტი. ასეთ შემთხვევაში მანქანა ივლის გზაზე, ჩვენი დახმარების გარეშე (როგორც AI).

- F - მანქანის აღდგენა (restoration of the car)
- R - თავიდან დაწყება (restart)

- ~ - Console-ის ბრძანებები (commands) - მოცემული ბრძანებების შეყვანის შემდეგ ხდება:

Console-ის გრაფის გამოსაჩენად კლავიატურაზე აჭერთ ღილაკთა კომბინაციას Shift + ~ (Tilde-ს ღილაკს)

snow 1 - იწყება თოვლი
snow -1 - იზრდება თოვლიან საფარზე მოჭიდება (traction)
rain 1 - იწყება წვიმა

(რათქმაუნდა ჩვენ შეგვიძლია შევიყვანოთ 1-ის ნაცვლად ნებისმიერი სხვა ციფრი)

Console-ის კიდევ 2 ბრძანება:

Start engine - ძრავის დაქოქვა (იგივეა რაც კლავიატურაზე "S" ღილაკის ფუნქცია)
Stop engine - ძრავის ჩაქრობა/გათიშვა (the engine stalls) - "S" ღილაკით ეს ვერ ხერხდება, ამიტომ თუ ძრავის გამორთვა დაგჭირდებათ, მაშინ შეიყვანეთ მოცემული ბრძანება Console-ში

F1 - სახაზავი, რომლითაც იზომება წრის დრო (Ruler to measure time lap)
F2 - გამეორების წარდგენა (Including replays)
F4 - სარკეების ჩართვა/გამორთვა, სარკეების ჩართვა + ვირტუალური სარკე (Mirror)
F5 - ყველა მართვის დამხმარე სისტემის (all control systems driving) ჩართვა/გამორთვა (Enable/Disable)
F6 - რუკა (Map)
F9 - საუბარი/მიმოწერა (Chat)
F12 - სურათის გადაღება (Screenshots)

სურათები ინახება Racer-ის მთავარ საქაღალდეში: Racer/data/dump

მანქანის გადატანა Racer-ში: გაკვეთილები











ჩემი პირველი ექსპორტი racer-ის 0655 ვერსიაში:

ეხლა ვიწერ ვნახოთ აბა რა იქნება, გრაფიკა კაი აქვს? G27 ზე თუ გაასწორებს ეგაა

metreveli-123

საჭისთვის დიდად არაა განკუთვნილი. უფრო მაუსით თამაშობენ ხოლმე. ძველი სიმულატორია და ფიზიკა არ აქვს კარგი.

This post has been edited by sti228 on 22 Jul 2016, 09:48