დავნამუსდი და მოვინანიე.
როგორც ადრე ვთქვი, ინტერნეტში შემხვდა და დავაკოპირე, დაკოპირება კი ყოველთვის არ შეიძლება, ნამდვილია ეს...
დავზავდეთ, ეს მერამდენედ... Peace, Duke...
იმედი მაქვს, არავის ვაწყენინე ამასობაში (არანაირად არ ვგულისხმობდი ცუდ კონტექსტში არავის!!), სასაცილო კი ნამდვილად არის ჟღერადობის მოულოდნელი დამთხვევები დაშორებულ ენებს შორის.
თემის სკანდალური ტიპის რეკლამა იყოს ეს ამჯერად და ერთადერთი, რითაც გამოვასწორებ წამხდარ საქმეს, სერიოზულ ინფორმაციასაც მივამატებ თანდათანობით.
აი ამ სტატიით დავიწყებ საქმეს:
http://mastsavlebeli.ge/?action=page&p_id=19&id=160 პატივცემული (ალბათ მასწავლებლის) ნინო ლაბარტყავას სტატიაა.
მნემონიკა პრაქტიკაში _ არის მნემოტექნიკა. დაახლოებით იგივე მიმართებაა ამ ორს შორის, როგორც მუსიკასა და შემსრულებლის ტექნიკას შორის.
სტატია მთლიანად საინტერესოა, მაგრამ შემოგთავაზებთ, ჩემი აზრით, ჩვენი თემისთვის ყველაზე საჭირო ამონარიდს:
"გაგაცნობთ დამახსოვრების იმ სტრატეგიებს, რომელთა გამოყენება არა მხოლოდ ზრდასრულებს, არამედ უმცროსი სასკოლო ასაკის მოსწავლეებსაც შეუძლიათ.
"გამეორება: ეს ყველაზე მარტივი სტრატეგიაა, რომელიც დასამახსოვრებელი მასალის ჩუმად ან ხმამაღლა გამეორებას მოითხოვს. მოტორული აქტივობის (მაგ., ცეკვის) შესასრულებლად კი მოძრაობები უნდა გაიმეოროთ გარკვეული თანამიმდევრობით. ზოგიერთი კვლევის თანახმად, ეს უნარი 2 წლის ბავშვებთანაც კი შეინიშნება, ოღონდ მის გამოსამჟღავნებლად გარკვეული პირობებია საჭირო, რასაც ქვემოთ უფრო დაწვრილებით .
"დაჯგუფება - იდეების, ობიექტებისა და სიტყვების ჯგუფებად გაერთიანება, რათა იოლი იყოს მათი გახსენება. მაგ., შინაური ცხოველები ან სასკოლო ნივთები. მაგრამ ამ სტრაგეგიის ეფექტიანი გამოყენება მჭიდრო კავშირშია გამოცდილებასთან. ბავშვმა ობიექტების გარკვეული ნიშნით დაჯგუფება რომ შეძლოს, მას ინფორმაცია უნდა ჰქონდეს აღნიშნულ ობიექტებზე და გარკვეული ნიშნით მაინც ახერხებდეს კლასიფიცირებას.
"დამუშავება - ორ საგანს შორის ასოციაციით ან საერთოს (მსგავსების) პოვნით შესაძლებელი ხდება ახალი ცნების დახსომება. მაგ., არსებობს მარტივი მნემოტექნიკა, რომელიც გვეხმარება ცისარტყელის ფერების დახსომებაში: "წადი, ნახე, ყარამანი მინდვრად ცოცხალ ლომებს იჭერს". ამ სიტყვების პირველი ასოები ცისარტყელაში ფერების განლაგების თანამიმდევრობაზე მიანიშნებს. მისი ანალოგია ახალი ტერმინის მიმსგავსება ნაცნობ სიტყვასთან. მიიჩნევა, რომ ამ სტრატეგიის გამოყენება სპონტანურად არ ხდება და მას აღნიშნული უნარის განვითარება სჭირდება.
"სისტემური ძიება - როდესაც რაიმეს გახსენება გჭირდებათ, აზრობრივად უნდა გადაურბონოთ მთელ შენახულ ინფორმაციას. მიიჩნევა, რომ ამ უნარის განვითარება სკოლამდელ და უმცროს სასკოლო ასაკში შესაძლებელია მარტივი თამაშით - რეალურ გარემოში დასახელებული ობიექტის ძიებით.
"წარმოდგენა - როდესაც დასამახსოვრებელი ინფორმაცია ვერბალურად მოგეწოდებათ, მნიშვნელოვანია მისი ვიზუალური სახით წარმოდგენა. ეფექტი უფრო ძლიერია, როდესაც ეს წარმოდგენები ვიზუალურად უკავშირდება ერთმანეთს. სიტყვათა წყვილების, მაგ., სტაფილო-მაიმუნის, დამახსოვრება გაიოლდება, თუ წარმოვიდგენთ, რომ მაიმუნს სტაფილო უჭირავს".
ამით ამონარიდი მთავრდება, მაგრამ აქვე დავამატებ, თუ ადამიანს სინესთეზიები გახასიათებს, ეს გაგიიოლებს დამახსოვრებას, მაგალითად, მუსიკა შეიძლება დაიმახსოვრო ფერებით, თუ თითოეულ ნოტს შენს წარმოდგენაში თითოეული ელფერი უკავშირდება. სიტყვები შეიძლება დაიმახსოვრო სურნელით, ხოლო ციფრები ან რიცხვები _ დავუშვათ, გემოთი. ფერები შეიძლება დაიმახსოვრო კან-კუნთოვანი ან წონასწორობის შეგრძნებით, მოკლედ, ყველაფერი, რაც სამყაროში არსებობს, შეიძლება ერთმანეთთან დააკავშირო 1:1-ზე შესაბამისობის პრინციპებით. ))
გარითმვა რომელ ჯგუფში ჯდება ნეტა? დამუშავებაში, ალბათ. თუნდაც ეს:
"რომ π ნახო, π იცოდე,
გახსოვდეს ეს რიცხვი მარად,
აჰა, ლექსი მოგაწოდე,
გეხმარება უებარად! ..."
This post has been edited by ლაბარნა on 8 Jan 2015, 02:35 დუმილი არაა თანხმობის ნიშანი, ჭკუის ნიშანია; ორმხრივი ჭკუა კი თანხმობის საწინდარია © მე თვითონ :)
მნემონიკა
თბილისის ფორუმი -> თემატური ფორუმი -> მეცნიერება და განათლება -> ტექნიკური და საბუნებისმეტყველო მეცნიერებები
