ე.დ.პაგერ ბავშვობაში რაც გამიკეთებია იმის გამოცდილებით დავწერ:
რეფლექტორი (შეზნექილი სარკე) უკეთეს გამოსახულებას იძლევა მაგრამ გასაკეთებლად რთულია.
მარტივი რეფრაქტორის გასაკეთებლად ობიექტივისთვის შეიძლება გამოიყენო ჩვეულებრივი სათვალის ლინზა +1 დიოპტრია, ოპტიკაში 2-3 ლარი ღირს. ამ ლინზას აქვს 1 მ. (100 სმ.) ფოკუსური მანძილი. დიოპტრია არის 1/ფოკუსურ მანძილზე, ანუ +2 დიოპტრია = 50 სმ. ფოკუსურ მანძილს.
მრავალლინზიან ობიექტივს ვერ გააკეთებ, სპეც ტექნოლოგიით შეწებებულია და დაფარულია სპეც მასალებით რაც შუქგადაცემას აუმჯობესებს, სხვა ლინზების დამატებას სახლის პირობებში არავითარი აზრი არა აქვს.
მილის გაკეთებისთვის შეიძლება გამოიყენო ჩვეულებრივი ქაღალდი (ძველი გაზეთები მაგალითად), დაგჭირდება რაიმე გრძელი ცილინდრის ტიპის ხის ან პლასტმასის საგანი,
ეს ქაღალდი იხვევა ამ ცილინდრზე და ყოველი ფენა იფარება წებოთი. უნდა ეცადო არ დარჩეს ჰაერი ფენებს შორის. ყოველი 4-5 ფენის დახვევის შემდეგ უნდა გაშრეს და დაემატოს ფენები რომ საბოლოოდ სასურველი სიქე ქონდეს, დაახლოვებით 3-5 მმ. (პრაქტიკულად ცდა ჩაატარე რომ ნაკლები დრეკადობა და კარგი სიხისტე ქონდეს.)
წებო ჩვეულებრივი ქაღალდი (სილიკატური), საცდელად შეგიძლია შეგიძლია შპალიერის წებო, კმც, პვა ან სხვა სამშენებლო მასალების წებო მოსინჯო. ყველაზე მარტივი ალბათ ფქვილის და სახამებლის ნარევის მოხარშული ხსნარია
საჭიროა ორი მილის გაკეთება, ერთი ობიექტივისთვის, მეორე ოკულარისთვის. ერთი მილი უნდა შედიოდეს მეორეში და შეეძლოს მოძრაობა გარკვეული ხახუნის ძალის დაძლევით რომ დაფოკუსება შეიძლებოდეს, ( შეიძლება გარედან რაიმე "ხამუტიც" გაუკეთო რომელსაც მოშვება-მოჭერის ვინტი ექნება და შიდა მილს უფრო კარგად დააფიქსირებს დაფოკუსების მერე).
ობიქტივი მაგრდება დიდი მილის ერთ ბოლოში, ამ მილში შედის პატარა მილი რომლის ბოლოში მაგრდება ოკულარი.
ობიექტივის დასამაგრებლად გააკეთე იგივე ტექნოლოგიით ორი მრგვალი სარტყელი,
იგივე დიამეტრის რაც ოკულარის მილია 1-2 სმ. სიგრძის, ჩასვი ერთი მხრიდან ობიექტივის ადგილზე, ჩასვავ მანდ ობიექტივს და ჩასვავ მეორე სარტყელს, ანუ ობიექტივი ორ სარტყელს შორის დაფიქსირდება. დაახლოვებით ასე:
II.II.............................................II.II
II--------------------------------II
II.II.............................................II.II
II......................................................II
II......................................................II
II......................................................II
ოკულარის დამაგრებაც ამ მეთოდით, გააჩნია რა ოკულარს გამოიყენებ.
ორივე მილის შიდა ზედაპირი დაფარე შავი ტუშით ან გუაშით.
ტელესკოპის გადიდება =ობიექტივის ფოკუსური მანძილი/ოკულარის ფოკუსური მანძილი, ანუ თუ ობიექტივის ფოკ. მანძილი=100 სმ, ოკულარის=4 სმ. გადიდება =25.
2 სმ.-ზე ნაკლებ ოკულარს არ გირჩევ.
ამ მონაცემებით ტელესკოპის საერთო სიგრძე იქნება დაახლოვებით 100-120 სმ.
ობიექტივის მილი უნდა იყოს დაახლოვებით 90 სმ, მეორე მილი დაახლოვებით 30-40 სმ, (შეიძლება მეტიც, შეარჩიე პრაქტიკულად) ეს სიგრძე საჭიროა რომ მეორე მილს პირველთან საკმაო შეხება ქონდეს და მთლიანი ტელესკოპი ხისტი იყოს. ოკულარად შეიძლება გამოიყენო ძველი ფოტოაპარატის ან სურათების საბეჭდის ობიექტივი, ფოკუსური მანძილიც აწერია ობიექტივებს.
წარმატებას გისურვებ აბა
This post has been edited by Davion on 31 Jul 2009, 16:57
როგორ კეთდება ტელესკოპი, ვინმეს თუ გაგიკეთებიათ
თბილისის ფორუმი -> თემატური ფორუმი -> მეცნიერება და განათლება -> ტექნიკური და საბუნებისმეტყველო მეცნიერებები
