vasovasia
ალექსი
ჯგუფი: Members
წერილები: 2078
წევრი No.: 92475
რეგისტრ.: 29-May 09
|
#36087419 · 19 Apr 2013, 17:55 · · პროფილი · პირადი მიმოწერა · ჩატი
oscillator
| QUOTE | ვაააა!!! სიმები თუ გვიშველის, თვარაააა... ძალიან გართულდა ყველაფერი! :-)
"ვაბშე" რამე ახალი ხდება ე.წ. M-Theory-ში ? |
არ ვიცი სიმები გვიშველის თუ არა, მაგრამ სიმების თეორია ბოლო წლებში ძალიან განვითარდა...
შთამბეჭდავია ამ თეორიაში მომუშავე ადამიანებს ენერგია, როცა ყოველგვარი უკუკავშირის გარეშე
ადამიანები ქმნიან ახალ აბსტრაქტულ თეორიებს...
მე ეს ადამიანები აღმაფრთოვანებენ...
ამ თეორიამ, რომელიც 26 განზომილებით დაიწყო და რომელსაც უამრავი მოწინააღმდე ჰყავს, რა სისულელეებს არ წერენ მასზე,
მაინც აგრძელებს არსებობას და ბოლო 10 -15 წელიწადში უზარმაზარი ნახტომი გააკეთა...
სუპერსიმეტრიის მასში შეტანით ჩამოყალიბდა ახალი სუპერსიმეტრიული სიმების თეორია...რომელიც 10-11 განზომილებიან გახდა...
წარმოიშვა რამოდენიმე ვერსია- მინიმუმ ალბათ 5, რომელიც უფრო დაუახლოვდა დღევანდელ ექსპერიმენტულ რეალობას...
განსაკუთრებით F თეორია, რომელშიც უკვე შეიძლება დღევანდელი ფიზიკის ელემენტების შეტანა...
მათ შორის არსებული სიმეტრიის დარღვევის შესაძლებლობები, ახლებური გზით, არა იმ სტანდარტული SU(5) GUT-ის SU(3)*SU(2)*U(1)ში,
რომელიც მოითხოვს ჰიგსის ველს....
ახალ F თეორიაში სუსტი ზემუხტური ჯგუფის შემოტანით შეტანილ იქნა სასურველი მოდელი სიმეტრიის დარღვევის...
დღეს ეს თეორია ერთერთი აქტიური ლოკალური მოდელი და ის უკვე ბევრი ფიზიკური მოვლენის ახსნას ცდილობს, როგორიც არის:
R ლუწობა, პიკეი-კვინის სიმეტრია და აქსიონები, მაგნიტური მომენტის პრობლემა, ნეიტინოს მასა, პროტონის დაშლა და ასე შემდეგ....
* * *
xornabujeli1000
| QUOTE | | ახლა მარტო ერთ საკითხზე შეგეკითხები: მსჯელობისას ზემოთ მაგალითად მოიყვანე ფერომაგნიტები და თერმული ეფექტი, რაზეც არის დამოკიდებული მათი სიმეტრიის რღვევა. ამის ანალოგიით თუ განიხილება ჰიგსი, გამოდის რომ ჰიგსი არ არის ერთიანი ველი, არამედ ცალკეული ჰიგსების გროვა. |
არა, რატომ? მე მოვიყვანე ეს მაგალითი, სპონტანური სიმეტრიის დარღვევის საჩვენებლად და არა ჰიგგსის მექანიზმის ასახსნელად...
ჰიგსის მექანიზმი არის ამ დარღვეული სიმეტრიით გამოწვეული, თეორიის, არა ინვარიანტობის აღმდგენი... ეს მნიშვნელოვანია გაითავისო...
ყოველთვის საჭიროა, საკითხის მრავალჯერ გადაკითხვა და გაანალიზება...უფრო მეტს მოგცემს, ვიდრე მილიონჯერ უცხო ადამიანის ახსნა..
ჰიგსის მექანიზმის გასაგებად, ძალიან ხშირად მაგალითად მოჰავთ ზეგამტარობის თეორია-ბარდინ კუპერ შიფერის, რომელიც მარტლაც უნიკალური
თეორიაა და არის იქ მექანიზმი, რომელიც ჰიგსისას ჰგავს... ამაზე არ გავამახვილებ ყურადღებას, რადგან არ ვიცი რამდენად თქვენთვის ცნობილია
ეს ზეგამტარობის თეორია..
ამდენად ჰიგსი ნორმალური ველია, უამრავი ნაწილაკების ერთობლიობა... დომენები კი ზევით, რომ ვახსენე, ველი არ არის, ის ნაწილაკებია, რომლებზეც
ველი მოქმედებს..
| QUOTE | | . თუ სწორად მესმის მაღალ სიჩქარეებზე ჰიგსის ნაწილაკები ვერ ასწრებენ სათანადოდ ურთიერთქმედებას სხვა ნაწილაკთან, რის გამოც სუსტი ბოზონების შემთხვევაში უფრო ნაკლებად ირღვევა სიმეტრია. აქ ერთი მომენტი ვერ გავიგე ეს ჰიგსის არასიმეტრიული მოქმედება რაღაც ენერგიაზე ერთბაშად ქრება, თუ თანდათანობით სუსტდება მისი მოქმედება ნაწილაკის სიჩქარის მატებასთან ერთად? |
უკვე დავწერე და კვლავ გავიმეორებ: ჰიგსი კი არ არღვევს სიმეტრიას, არა, მასის არსებობა ბოზონებისთვის, ნიშნავს ყალიბრული ინვარიანტობის დარღვევას სუსტი ურთიერთქმედების თეორიაში..
ჰიგსი მექანიზმი არის ამ მასის წარმომშობი მექანიზმი და შესაბამისად კალიბრული ინვარიანტობის აღმდგენი... დანარჩენი ხდება ისევე როგორც კლასიკაში...
არსებობს ურტიერთქმედება და თუ შენი ენერგია ამ ურთიერთქმედებაზე მაღალია, ამით უფრო მეტი თავისუფლება გაქვს და თავისუფლდები გარეშე ძალისგან..
| QUOTE | | ზემოთ დაწერე, რომ როდესაც ჰიგსის ნაწილაკთან ზემოქმედებით მიღებული უარყოფითი ჯამური ენერგია დაბალანსდება სიჩქარით და ნულს გადაცდება ნაწილაკი ჰიგსის მოქმედებისგან თავისუფლდება. აქედან ორი დასკვნა გამოვიტანე, რომ ჰიგსი ნაწილაკს უარყოფით ენერგიას აძლევს, ანუ იზიდავს მას ისევე როგორც გრავიტაცია მასის მქონე სხეულს. |
უარყოფითი, მე მაგალითად მოვიყვანე... ერთბაშად ყველაფრის დაწერა შეუძლებელია..
ალბათ გინახავს, მექსიკურ ქუდს ხატავენ ხოლმე, რომელსაც ორი მინიმუმი აქვს და შუაში მაქსიმუმი. თუ ეს მაქსიმუმი ნულია, მაშინ მინიმუმებს უარყოფითი ენერგია აქვთ.
თუ მაქსიმუმი პოზიტიურია, მაშინ მინიმუმები შეიძლება პოზიტიური იყოს.. ეს ექსპერიმენტმა უნდა გაარკვიოს...
ამიტომ დღეს, როცა მასა აღმოვაჩინეთ, საჭიროა ამ ნაწილაკის სრული იდენტიფიკაცია, გაზომვა სპინის და განსაკუთრებით ბმის კონსტანტის, რომელიც გვეტყვის თუ სად ვართ
არის ურთირთქმედება დადებითი თუ უარყოფითი.. ეს ბმის კონსტანტა შეიძლება სხვადასხვა იყოს ჰიგგსა და კვარკებს შორის, ჰიგგსა და ლეპტონებს, ჰიგსა და ბოზონებს, თვითონ ჰიგგსებს შორის..
ეს ყველაფერი გასაზომია...
ამაზე ძალიან არის დამოკიდებული ვაკუუმის სტაბილურობის საკითხი... თუ მასა არ არის ახლოს მინიმუმებთან, მაშინ ვაკუუმი არასტაბულირია და შესაძლებელია ვაკუუმის
აფეთქება და სამყაროს დასასრული... სამყარო რამოდენიმე მილიარდი წელი არსებობს და მაშინ საჭიროა ამ საკითხის დაწვრილებით შესწავლა... კერძოთ ამ სიდიდეების შესაბამისობის..
| QUOTE | | და მეორე - სიჩქარის მატება ამ უარყოფით ენერგიას აბალანსებს და როდესაც ნულს გაუტოლდება ჰიგსის მოქმედება წყდება, ე.ი. ბოზონს მასა უქრება, და ის ქრება ერთბაშად (და არა თანდათანობით, სიჩქარის მატებასთან ერთად), იმ მომენტში როცა ჯამური ენერგია ნულს გაუტოლდება. |
ამაზე ზევით დავწერე უკვე... მასა არასოდეს ქრება. ის არის ინერციულობა სხეულის და მათემატიკურად ნულოვან მდგომარეობაში ლაგრანჟიანის კვადრატული ნაწილი...
თუ თქვენ სიჩქარეს უმატებთ, მასის ზეგავლენა მცირდება ცხადია... ეს ხომ ასეა კლასიკაშიც... მანქანით როცა იწყებთ მოძრაობას... გაჩერებული მდგომარეობიდან დაწყება უფრო ძნელია და
და უფრო ნაკლები თავისუფლება გაქვთ... როცა დიდი სიჩქარით მოძრაობ, უფრო მანევრირებადი ხარ და ნაკლებად დამოკიდებული მასაზე...
| QUOTE | | ეგ ასეა თუ ვერ გავიგე? ჰიგსის ასეთი მოქმედება მარტო ამ სუსტ ბოზონის შემთხვევაშია, თუ ბარიონებსა და ლეპტონებზეც ვრცელდება, იმიტომ რომ თუკი ჰიგსი მათზე მოქმედებას შეწყვეტს, მათ არ უნდა დაკარგონ ინერციული მასა? |
როგორც ზევით დავწერე ჰიგსი სხვდასხვანაირად მოქმედებს კვარკებზე, ლეპტონებზე , ბოზონებზე და ეს გამოხატულია მათთან ბმის კონსტანტაში... რომლებიც უნდა გაზომილ იქნას...
ჰიგგსი მოქმედებას არ წყვეტს.. ის ყოველთვის არსებობს... იცვლება მისი მოქმედების ფარდოფითობა კინეტიკური ენერგიის ზრდასთან ერთად...
თუმცა ბმის კონსტანტის ენერგიაზე დამოკიდებულებაც შესასწავლია...აქაც ცვალებადობაა მოსალოდნელი... როგორც ეს ხდება ელექტრომაგნიტური, სუსტი თუ ძლიერი ურთიერტქმედების
ბმის კონსტანტების შემთხვევაში.. ისინი იცვლებიან ენერგიის ზრდით..
This post has been edited by vasovasia on 19 Apr 2013, 19:33
|
ფიზიკური საგნების შემადგენლობა მიკროდონეზე
თბილისის ფორუმი -> თემატური ფორუმი -> მეცნიერება და განათლება -> ტექნიკური და საბუნებისმეტყველო მეცნიერებები
