ელონ მასკი, და მისი იდეები

nforumi

ჩვენ შემოგვაქვს ლოკალურად ენერგია და ვზრდით ენტროპიას, რითაც ვასრულებთ მუშაობას…
ეს ჩვენი ჩაკეტილი სისტემა კი ავტომატურად ენტროპიას ამცირებს, რაც ნიშნავს მისი ტემპერატურის გლობალურ ზრდას…
და ენტროპიის შემცირებას…
სითბოს ეს ბალასტი უნდა მოვიცილოთ, რომ დედამიწაზე გლობალური ცვლილებები არ დაიწყოს, რაც ჩვენს უკვე არსებობას ემუქრება…
სამწუხაროდ ჯერჯერობით არ ვიცით როგორ გამოვიყენოთ ეს დაბალ ტემპერატურული ენერგია, თორემ ეს ყველაზე კარგი გზა იქნებოდა
ჩვენი დედამიწისთვის….
თუმცა რას ჰქვია არ ვიცით.. უკვე არსებობს სითბოს ნასოსები(heatpumpe, waermepumpe), რომლებიც ქაჩავენ ენერგიას ერთი ადგილიდან მეორეში(დაბლიდან მაღალში)
კარნოს ციკლით და გვაძლევენ ენერგიის მოგებას 3-4ჯერ…
თუ ამას მომავალში კარგად ავითვისებთ… მზის ენერგიის მეოთხედიც გვეყოფა…
ანუ ენერგიის გადაქაჩვა დაბალ ტემპერატურული არიდან მაღალში და აკუმულირებას…..მაგალითად წყალბადში…ან ელექტროაკუმულატორებში
ეს ასევე იქნება ყველაზე მწვანე გზა… ანუ მზის გამოყენებით ენერგიის ცირკულირება….

vasovasia
მეც მაგას ვამბობ, თუ ადგილზე ენერგიას სრულად ავითვისებთ, რაღაში გვჭირდება მისი იმპორტი პლანეტის გარედან, რომელიც ბალანსს დარღვევს.

არსებული ენერგიის უფრო ოპტიმალურად გამოყენების უამრავი გზა არსებობს და მგონია რომ კაცობრიობა საბოლოოდ სწორედ ამ გზით წავა.

nforumi

კი მომავალში… გლობალიზაციის და ერთიანი მსოფლიო პოლიტიკის შემდეგ
და რაც მთავარია ტექნოლოგიების დახვეწის შემდეგ…
ამას 100 წელი მაინც დასჭირდება… მანამდე?

vasovasia
შენ აშკარად დათვის ბიძაშვილი ხარ

8 საათი როა მარტო მზე, შენთან რო ჩავა, ამ დროს სხვაგან არ ამოვა? ანდა შენთან რო ზამთარია ქვემოთ ზაფხული არაა? რამდენიმე სხვადასხვა წყაროდან მაქვს ეგ 0.01% მოსმენილი, თუ არაა ეგრე, ჯანდაბას, მე თვითონ მეზარება ჩავუჯდე და გადავამოწმო ზუსტად.

ამასობაში, ამსტერდამში ქონდა ტესლას ღონისძიება, სადაც გამოაცხადეს, რომ ნახევარი მილიონი კილომეტრის გავლის მერეც ბატარეები ტევადობის დაახლოებით 80%-ს ისევ ინარჩუნებენ. თუ გავითვალისწინებთ, რომ ჩვეულებრივი მანქანები 100 თუ არა 200 ათასი კილომეტრის მერე ფაქტიურად გადასაგდებია, ტესლა ამ მხრივაც 2-3 ჯერ უკეთესია.

vasovasia

ასი დაჭირდება თუ 1000, არ ვიცი.

მაგრამ დარწმუნებული ვარ რომ თუ კაცობრიობას ენერგიის გარედან შემოტანის თავი ექნება, შიგნით არსებულის ჯეროვნად ტრანსფორმაციის უნარიც ექნება.

vid

კაცო, ისე ხო არ გეშლება, აგერ ჩრდ. კორეელები მზეზე დამჯდარან, როცა ღამე იყო - წავიკითხე სადღაც ...

ამასობაში რაც გვაქ ის დაიხვეწოს ჯობია მგონი და გენერატორები გახდეს უფრო მძლავრი

წყლის ჰაერს და მზის ენერგია ეყოფა დედამიწას ენერგიის მარაგად დიდხანს თუ სწორად მოხდება ინვესტირება და არ გადააკვდებიან ულტრათანამედროვე საიფაი ჟანრიდან გამოწოვილ ენერგიის წყაროებს

ტესლა ძალიან ჩქარა მიიწევს წინ და დიდი მომავალიაქ მარა არ დაგავიწყდეთ რო არც გიგანტები ზიან უსაქმოდ და უფრო პრაქტიკულ მანქანებს უშვებენ თანამედროვეობის გათვალისწინებით

ტოიოტა ჰონდა ნისანი აუდი ფორდი და კიდევ ბევრი მუშაობს ამ თემაზე კაიხანია + მეტი შესაძლებლობა აქვთ როგორც ტექნიკური ისე მატერიალური.

http://mashable.com/2014/02/26/tesla-motors-gigafactory

nforumi

დედამიწის გარეთ თუ შევძელით ენერგიის მოპოვება იმ მაშტაბებით რაზეც ლაპარკია, მაშინ ენერგოტევად წარმოებასაც დედამიწის გარეთ გავიტანთ. დედამიწა იქნება მხოლოდ საცხოვრებელი და რეკრეაციული ზონა.

ჟენევაში ამ წლის ავტოსალონი იხსნება 16 მარტამდე.. ტესლაც და სხვებიც წარმოადგენენ ახალ
ელექტრო მანქანებს… დიდი შეჯიბრი იქნება…
ამასობში Apple -ი დაბრუნდა უკან და ახალი IOS-ი შექმნა მანქანების შიგნითა ეკრანებისთვის…
მერსედესმა უკვე დააყენა… ბევრ მანქანაზე იქნება მისი დაყენება შესაძლებელი…
ვინც ვაშლის ფანია გაუხარდება…..,

This post has been edited by vasovasia on 5 Mar 2014, 18:01

http://www.extremetech.com/extreme/178389-...falcon-9-rocket

rosti
მარტო ლინკებს რო დებ, 1-2 შენი სიტყვაც მოაყოლე ხოლმე შეკაცო

ორივე მნიშვნელოვანი ინფოა, გიგაფაქტორიზე ვაპირებდი დაწერას მარა ვერ მოვიცალე.

ილონი არის გენიოსი, სტივ ჯობსი, ბილ გეითსი, ლარი პეიჯი, ცუკერბერგი etc. ერთად აღებული ახლოსაც ვერ მივლენ ილონთან. ტიპმა ნოლიდან შექმნა მსოფლიოში ყველაზე მოწინავე კოსმოსური რაკეტების მწარმოებელი კომპანია (რო არაფერი ვთქვათ ტესლა მოტორსზე და სოლარ სიტიზე) და მოახერხა შეემუშავებია ტექნოლოგია რომელიც რაკეტების ხელახლა გამოყენებას უზრუნველყოფს, რაც ვერც ერთმა არათუ კერძო კომპანიამ არამედ სახელმწიფომ ვერ შეძლო!
30 მარტს ოკეანეში "დააჯენენ" Fალკონ 9-ს, პირველი მცდელობაა და ფრთხილობენ, ხოლო მომდევნო მისიებში პირველი სართული უკან დაბრუნდება უვნებელი და აფრენის წერტილზე დაჯდება, Fალკონ ჰევი (Falcon Heavy) კი რომლის დებიუტიც გაისად შედგება სრულიად reusable იქნება!

რაკეტას გასაშლელი ფეხები აქვს მიწაზე დასაჯდომად!!! აცნობიერებთ თუ არა ეს რამხელა რამეს ნიშნავს?!

მოკლედ, როგორც იუზერ როსტის დადებულ ლინკში წერია, ტესლა აშენებს გიგაფაქტორის, ანუ უზარმაზარ ელემენტების ქარხანას. ქარხანა აშენდება 2017 წლისთვის და გამოუშვებს უფრო მეტ ელემენტებს ვიდრე მთელი მსოფლიო უშვებს დღეს. ეს მას ჭირდება ტესლას მესამე თაობის მანქანების გამოსაშვებად, რომელსაც ერქმევა მოდელ E და რომელიც პირველივე წელს ასიათასობით უნდა გაყიდოს, რასაც დაჭირდება ძალიან ბევრი ელემენტი.

რამდენიმე მიზეზის გამოა ეს მნიშვნელოვანი. ფაქტიურად, ტესლა მანქანების მწარმოებელთან ერთად ელემენტების მწარმოებელ ფირმად იქცევა, და კაცმა არ იცის რომელი უფრო მნიშვნელოვნი იქნება ამ ორიდან. მანქანების გარდა ელემენტები დაჭირდებათ სახლებში მზის პანელებთან ერთად, რომ სანამ მზე ანათებს ენერგია დააგროვონ და შეინახონ, რაც სავარაუდოდ ძალიან დიდი ბიზნესი იქნება. ტესლას აქციების ფასი, რომელიც უკვე ძალიან ძვირი იყო და ბევრი თვლიდა რომ ქვემოთ უნდა წამოსულიყო, ამ განცხადების მერე კიდევ მკვეთრად გაიზარდა.

მეორე საინტერესო მომენტია ადგილი, სადაც ააშენებენ. სავარაუდო კანდიდატურებია ნევადა, არიზონა, ნიუ მექსიკო და ტეხასი. ეს ქარხანა ნიშნავს 5 მილიარდის ინვესტიციას და 6-7 ათას ახალ სამუშაო ადგილს, რაზეც არცერთი შტატი უარს არ იტყვის, ამიტომ დაიწყება ახლა აუქციონი, რომელი შტატი შეთავაზებს უკეთეს პირობებს. ტეხასი ამათგან არის სხვებზე ბევრად უფრო დიდი და მდიდარი, მაგრამ ტეხასმა ცოტა ხნის წინ უარი უთხრა ტესლას მანქანების პირდაპირ გაყიდვაზე(არა დილერების საშუალებით). ანუ, ეს ფაქტიურად წინადადებაა ტეხასთან, თუ დაგვრთავთ პირდაპირი გაყიდვის ნებას, თქვენთან გავხსნით ამ ქარხანასო.

მესამე საინტერესო მომენტია ის, რომ ეს ქარხანა არის სტრატეგიული ინვესტიცია ტესლას მხრიდან ლითიუმ-იონის ელემენტებში. თუ ააშენეს და მეორე დღეს რამე ახალი ტექნოლოგია გამოჩნდა, ეს ქარხანა უსარგებლო იქნება. მე რამდენადაც ვიცი, თუ ისევ ელემენტები დარჩა, ლითიუმ-იონისგან ბევრად განსხვავებული არ იქნება. არსებობს ე.წ. ლითიუმ ჰაერის ტექნოლოგია, რომელიც ჯერჯერობით ლაბორატორიაშია, მაგრამ ეს რომც დაინერგოს, გიგაფაქტორის ამაზე გადაწყობა ძნელი არ იქნება. პრობლემა გაჩნდება თუ გამოჩნდა ულტრაკონდენსატორის ტექნოლოგიები. კონდენსატორი პრინციპულად განსხვავდება ელემენტებისგან, ელემენტები ენერგიას ინახავს ქიმიური რეაქცისს საშუალებით, მაშინ როცა კონდენსატორი პირდაპირ ელექტრულ მუხტს აგროვებს. კონდენსატორს სერიოზული უპირატესობა აქვს ის, რომ დატენვა ფაქტიურად მომენტალურად ხდება, მაშინ როცა ელემენტებს საათები ჭირდება. ასევე უცებ შეიძლება დიდი ენერგიის გამოთავისუფლება. ეს სასარგებლო იქნება როგორც ჩვეულებრივი დატენვისას, ისე დამუხრუჭებისას რეგენერაციის დროს, როცა ბევრი ენერგია გამოიყოფა, კონდენსატორი მას მთლიანად შეიწოვს. პრობლემა ისაა, რომ დღესდღეობით კონდენსატორები არაპრაქტიკულია, რიგ მიზეზთა გამო, და კაცმა არ იცის ოდესმე თუ გახდება პრაქტიკული. გარკვეული მეცნიერული გარღვევა უნდა მოხდეს ამისთვის, უბრალოდ არსებული ტექნოლოგიის გაუმჯობესება არ კმარა. თავის დროზე, სანამ ბიზნესს მოკიდებდა ხელს, მასკს უნდოდა ამ დარგში გაეკეთებინა სადოქტორო. მერე გადაიფიქრა, მაგრამ დღეს იძახის დიდი შანსია რომ მოხდეს ეს გარღვევაო. კონდენსატორი ელემენტისგან მკვეთრად განსხვავდება, და ელემენტების ქარხნის კონდენსატორებზე გადაწყობა ადვილი არ იქნება. როგორც ჩანს, მასკს ახლავე ჭირდება ელემენტები და კონდენსატორებს ვერ დაუცდის. მაგრამ თუ კონდენსატორები შემოვა ხმარებაში, გიგაფაქტორი ალბათ გადასაგდები იქნება.

http://www.teslamotors.com/sites/default/f...gigafactory.pdf

ნახშირბადის ძაფებით და ნანოტექნოლოგიებით ახალი ტიპის ელემენტები გაკეთდება, სადღაც წავიკითხე ადრე, რომელიც დღევანდელ ყველაზე მეტ ტევადობის ელემენტზე 10-ჯერ მეტ ენერგიას დაიტევს. თუ ეს ტექნოლოგია გამოვიდა მაშინ ტესლას ელემენტების ქარხანას გადაწყობა დაჭირდება სერიოზული.

adibudi
მგონი რომც მოასწრონ მაგის გამოგონება მასიურად მასე მალე ვერ აწარმოებენ, შედეგად ფასი ექნება ძალიან მაღალი, ამასობაში ტესლა თავის ელემენტებს გაყიდის და ქარხანას გადააწყობს, ეს უარეს შემთხვევაში , რათქმაუნდა ეს ყველაფერი ჩემი აზრით ))