კი, სხვადასხვა რამეა
სამშენებლო მასალებს რომ შევადაროთ, "და", "ან", "არა", "ან გამომრიცხველი" – ლოგიკური ელემენტები ცალკეული აგურებია. მაგრამ მშენებლობისას ზოგჯერ არა მარტო ცალკეულ აგურებს იყენებენ, არამედ უკვე წინასწარ გამზადებულ მოდულებსაც სხვადასხვა დანიშნულების ოთახების სახით. – მსგავსადვე ტრიგერები, შიფრატორები, დეშიფრატორები, მულტიპლექსორები და ა.შ. მზა მოდულებია რომელებიც გარკვეულ ფუნქციებს ასრულებს.
ამ სახის ციფრული მიკროსქემები მიეკუთვნება ე.წ. "მყარი ლოგიკის" მქონე მიკროსქემებს, რადგან ყველა ის ფუნქცია რომლებსაც ისინი ასრულებენ აპარატულად არის მოწყობილი მათში ( ტრანზისტორებით, რეზისტორებით, დიოდებით და ა.შ.) ლოგიკური მიკროსქემებით რომ ააწყო რამე, კარგად უნდა იცოდე ბულის ალგებრა და თითოეული მათგანის მოქმედების ლოგიკა, შესაბამისი ლოგიკითვე უნდა აზროვნებდე რომ შეძლო ამ მასალებით რაიმე სასარგებლოს აშენება.
მიკროკონტროლერი – ეს არის კომპიუტერი, რომელიც ერთ მიკროსქემაშია მოთავსებული. თუ დაკვირვებიხარ, თითქმის ყოველთვის როდესაც ახსენებენ ცნება "კომპიუტერს", იქვე აუცილებლად ახსენებენ ხოლმე მეორე ცნებას "პროგრამა" ეს იმდენად ბუნებრივად ჩაჯდა ჩვენს ყოველდღიურ ცხოვრებაში რომ, ბავშვიდან დაწყებული, მოხუცით დამთავრებული თითქმის უკვე ყველამ იცის - კომპიტერი პროგრამების გარეშე არ მუშაობს. ზუსტად ასევეა მიკროკონტროლერიც – პროგრამის გარეშე ის უბრალოდ გამოუსადეგარი ნივთია. ანუ მიკროკონტროლერის მოქმედების ლოგიკა პოგრამით განისაზღვრება – ეს იმას ნიშნავს რომ მიკროკონტროლერის გამოყენება რომ შეძლო პროგრამირება უნდა აითვისო ( ამან არ შეგაშინოს
) პროგრამა იწერება ჩვეულებრივ კომპიუტერში სპეციალური პროგრამის გამოყენებით რომელსაც "კომპილატორი" ეწოდება. დაწერის შემდეგ ეს ტექსტი უნდა "დაკომპილირდეს" ამ დროს კომპილატორი დაწერილ პროგრამის ტექსტს მანქანურ კოდებად გარდაქმნის. კომპილაციის დასრულების შემდეგ კომპილატორი ქმნის hex ფორმატის ფაილს. ეს ფაილი უნდა გადავიტანოთ სპეციალურ პროგრამაში რომელსაც "პროგრამატორი" ეწოდება, შემდეგ მიკროკონტროლერი უნდა ჩავაყენოთ სპეციალურ აპარატულ მოწყობილობაში, რომელსაც ასევე "პროგრამატორი" ეწოდება და მივარეთოთ კომპიუტერზე. ამის მერე პროგრამატორის ღილაკზე (პროგრამას ვგულისხმობ, რომელშიც hex ფაილი გადავიტანეთ) მაუსის ერთი დაწკაპებით hex ფაილი ჩაიტვირთება მიკროკონტროლერში და ასეთნაირად ის დაპროგრმდება, შემდეგ ვიღებთ მიკროკონტროლერს პროგრამატორიდან და ვათავსებთ სამაკეტო დაფაზე ან პლატაზე რომელზეც ჩვენ ვაწყობთ რამეს...
ერთ მიკროკონტროლერს ძალიან ბევრი ლოგიკის მიკროსქემის ჩანაცვლება შეუძლია - რა თქმა უნდა თუ ამ მიკროსქემების რაიმე განსაკუთრებული საჭიროება არ დგას. ამასთან მიკროკონტროლერის დაპროგრამება გაცილებით ადვილია, უფრო ცოტა დროს მოითხოვს და უფრო იაფიცაა, ვიდრე ლოგიკის მიკროსქემებით რაიმე სისტემის შექმნა.
იმედია რაღაც წარმოდგენა მაინც შეგიქმენი
This post has been edited by Condor01101011 on 23 Jul 2013, 00:47 
პინების სახელები და ტერმინოლოგია, FAQ
თბილისის ფორუმი -> თემატური ფორუმი -> მეცნიერება და განათლება -> ტექნიკური და საბუნებისმეტყველო მეცნიერებები
