საქართველოს ეროვნული ნაკრები 2016
ქართული წყალბურთის ისტორია
ს ა ქ ა რ თ ვ ე ლ ო შ ი წყალბურთი XX საუკუნის 20-იანი წლების დასაწყისში გაიცნეს. პირველი შეჯიბრება 1927 წელს გაიმართა ბათუმში წყალჯომარდობის დღესასწაულის პროგრამით. იმ პერიოდში წყალბურთს ზღვის სანაპიროზე მოწყობილ წყალჯომარდობის სადგურებში თამაშობდნენ (ბათუმში, ფოთში, სოხუმში, მოგვიანებით - თბილისში).
წყალბურთის პიონერები ბათუმში
სპორტის საწყლოსნო სახეობებმა თანდათან მოიპოვა პოპულარობა. განსაკუთრებით უნდა აღინიშნოს ცნობილი მოცურავის, წყალბურთელისა და მწვრთნელ-ორგანიზატორის, ლუკა იოაკიმიდის ღვაწლი საქართველოში ამ სახეობათა განვითარებაში. მისი თაოსნობით სპორტსაზოგადოება “დინამოში” გაიხსნა ცურვისა და წყალბურთის ჯგუფები.
ამ სახეობის შემდგომი გავრცელება საცურაო აუზების მშენებლობას უკავშირდება. პირველი წყალბურთელები იყვნენ მოცურავეები, მათ შორის საქართველოს მრავალგზის რეკორდსმენები - პეტრე მშვენიერაძე, ნოდარ გვახარია და პეტრე ბრეუსი.
მშვენიერაძე 1955 წელს მოსკოვის გადავიდა, ათჯერ მოიგო სსრკ-ს ჩემპიონატი, სსრკ-ს ნაკრებთან ერთად, 1956 წელს მერლბურნის ოლიმპიადაზე ბრინჯაო და 1960 წელს, რომის ოლიმპიადაზე ვერცხლის მედალი მოიპოვა. მსოფლიოს ერთ-ერთი უძლიერესი წყალბურთელი გახდა.
პეტრე მშვენიერაძე
პეტრე ბრეუსი, 1956 წლის ოლიმპიადის ბრინჯაოს პრიზიორი
ქართული წყალბურთის აღმასვლა 50-იანი წლების ბოლოს დაიწყო. საქართველოს ნაკრებმა საბჭოთა ხალხების სპარდაკიადაზე 1956, 1963 და 1979 წლებში ვერცხლის, ხოლო 1959 და 1967 წლებში ბრინჯაოს მედლები მოიპოვა. განსაკუთრებით მნიშვნელოვანი იყო 1979 წელს მოპოვებული მეორე საპრიზო ადგილი, მაშინ ამ ტურნირში მსოფლიო წყალბურთის მაშინდელი ლიდერები - იუგოსლავია, უნგრეთი, რუმინეთი გამოდიოდნენ.
1967 წლის საქართველოს ნაკრები
თბილისის "დინამომ", რომელიც 1938 წელს დაარსდა სსრკ-ს ჩემპიონატში 1960 და 1962 წლებში ვერცხლი, 1958, 1964 და 1966 წლებში კი ბრინჯაო აიღო. სხვადასხვა დროს "დინამოელთა გუნდში" გამოირჩეოდნენ ზურაბ ჩაჩავა, ბორის მედვედი, ვლადიმერ გოიაშვილი, ირაკლი სხირტლაძე, ვასილ სანაძე, ომარ მიმინოშვილი, მურთაზ გულედანი, ვლადიმერ ისელიძე, ნოდარ კურტანიძე, დავით რურუა, გელა ტუკვაძე და სხვები.
1948 წლის დინამო, მარცხნიდან მეოთხე 19 წლის პეტრე მშვენიერაძე
60-იანი წლების თბილისის "დინამო"
ვასილ სანაძე
პირველი თაობის დიდი წყალბურთელებიდან აღსანიშნავია ნოდარ გვახარია. მან პირველმა მოიპოვა ოლიმპიური თამაშებისა (1956, ბრინჯაო) და ევროპის ჩემპიონატის (1958, ბრინჯაო) მედლები, პირველს მიენიჭა სსრკ სპორტის დამსახურებული ოსტატის წოდება (1960).
ნოდარ გვახარია - მოგვიანებით, თბილისის "დინამოს" (1960-67), და სსრკ ნაკრების მთავარი მწვრთნელი (1962-64)
საბჭოთა ნაკრების შემადგენლობაში ევროპულ და ოლიმპიურ სარბიელზე თავი გამოიჩინეს გიორგი მშვენიერაძემ, ლერი გოგოლაძემ, გივი ჩიქვანაიამ და მიხეილ გიორგაძემ, რომელიც 1982 წელს მსოფლიოს ჩემპიონიც გახდა.
მიხეილ გიორგაძე, მეკარე, მსოფლიოს ჩემპიონი (1982), მსოფლიოს თასის მფლობელი (1981), უნივერსიადის ჩემპიონი (1985), ევროპის სამგზის ჩემპიონი (1983, 85, 87)
ლერი გოგოლაძე, მეკარე, ოლიმპიური თამაშების (1960, რომი), ევროპის ჩემპიონატის (1962) ვერცხლის პრიზიორი
გივი ჩიქვანაია, 1960, რომის და 1968, მეხიკოს ოლიმპიადების და 1962 წლის ევროპის ჩემპიონატის (1962) ვერცხლის პრიზიორი
მარცხნიდან მეორე ვლადიმერ ისელიძე, მესამე - გიორგი მშვენირაძე - 1980 წლის მოსკოვის ოლიამპიადის ოქროს და 1988 წლის სეულის ოლიმპიადის ბრინჯაოს მფლობელი, მსოფლიო თასის ორგზის და ევროპის ჩემპიონატის სამგზის გამარჯვებული
საქართველოს გუნდებმა პირველი საერთაშორისო მატჩები გამართეს 1958 წელს თბილისში გდრ-ის მეორე ნაკრებთან. პირველ შეხვედრაში იმარჯვა თბილისის “დინამომ” (4:2), მეორეში თბილისის “ბურევესტნიკი” დამარცხდა (5:6), მესამე მატჩი კი საქართველოს ნაკრებმა მოიგო (4:0).
მოგვიანებით პოპულარობა მოიპოვა თბილისის საერთაშორისო ტურნირმა, რომელშიც სხვადასხვა დროს მონაწილეობდნენ იტალიის, ესპანეთის, გფრ-ის, იუგოსლავიის, რუმინეთის, საბერძნეთის, სსრ კავშირის, აშშ-ის, კუბის ნაკრები გუნდები. ამ ტურნირებში ქართველმა წყალბურთელებმა 5-ჯერ დაიკავეს საპრიზო ადგილი.
1985 წლის საქართველოს ნაკრები
1989 წელს სსრკ-ს პირველი ჩემპიონატი წყალბურთში ქალთა შორის კი თბილისის ივერიამ მოიგო, 1990 წელს კი მეორე ადგილი დაიკავა
დამოუკიდებლობის პერიოდი
საქართველოს სპორტის საწყლოსნო სახეობათა ფედერაცია დაფუძნდა 1991 წლის 2 აგვისტოს. 1992 წელს წყალბურთი გამოეყო ცალკე ფედერაციად, ხოლო 1996 წელს, შეიქმნა საწყლოსნო სპორტის სახეობათა (ცურვა, წყალბურთი, წყალში ხტომა) ფედერაცია, რომელიც
ევროპის საწყლოსნო ლიგის (LEN) წევრია. საქართველოს წყალბურთელთა ეროვნული ნაკრები ჩამოყალიბდა 1993 წელს, თუმცა საწვრთნელი პირობების გამო ოფიციალურ შეხვედრებში მონაწილეობას ვერ იღებდა.
ამ პერიოდში მხოლოდ ერთი ქართველი წყალბურთელის რევაზ ჩომახიძის სახელი ქუხდა, რომელმაც რუსეთის ნაკრებთან ერთად სიდნეის 2000 წლის ოლიმპიადის ვერხდლი და ათენის 2004 წლის ოლიმპიადის ბრინჯაო მოიპოვა. 2003 წელს ჩომახიძე ევროპის საუკეთესო წყალბურთელად დაასახელეს
2009 წელს ჩომახიძე დაბრუნდა საქართველოში და პირველად მოირგო ეროვნული ნაკრების მაისური. საქართველოს ნაკრები პირველად ჩაება ევროპის B ჩემპიონატის საკვალიფიცაიო ეტაპზე, მაგრამ ვერ მოხვდა საუკეთესო გასვლელ სამეულში
2009
პირველი საკვალიფიკაციო
საქართველო - ფინეთი 15-4
საქართველო - ირლანდია 24-8
საქართველო - მალტა 5-11
მეორე საკვალიფიკაციო
საქართველო - პოლონეთი 16-3
საქართველო - დიდი ბრიტანეთი 10-9
საქართველო - მალტა 8-10
საქართველო - ჰოლანდია 6-10
საქართველო - უკრაინა 10-5
საქართველო - ბელორუსია 13-15
მომდევნო, 2012 წლის ევროპის ჩემპიონატის შესარჩევში საქართელომ ჯგუფში მეორე ადგილი დაიკავა და პლეი-ოფში რუმინეთთან დამარცხდა
2012-ის შესარჩევი
საქართველო - დიდი ბრიტანეთი 9-3(სახლი), 7-8(გასვლა)
საქართველო - საბერძნეთი 8-11, 6-16
პლეი-ოფი
საქართველო - რუმინეთი 5-11, 6-18
ოქროს ხანა
ერთ აუზიანმა ქვეყანამ ფურორი 2014 წლის ევროპის ჩემპიონატის შესარჩევში მოახდინა, საქართველომ სამი ურთულესი საკვალიფიკაციო ეტაპი განვლო, პლეი ოფში თურქეთი დაამარცხა და პირველად ქართული წყალბურთის ისტორიაში ევროპის ჩემპიონატზე თამაშის უფლება მოიპოვა
2014 წლის ევროპის შესარჩევი
პირველი საკვალიფიკაციო, 1 ადგილი
საქართველო - დიდი ბრიტანეთი 12-3
საქართველო - სლოვაკეთი 7-7
საქართველო -პოლონეთი 16-10
საქართველო - ჩეხეთი 16-6
მეორე საკვალიფიკაციო, 1 ადგილი
საქართველო - ისრაელი 13-8
საქართველო - უკრაინა 15-8
საქართველო - ბელორუსია 24-7
საქართველო - მალტა 16-12
მესამე საკვალიფიკაციო, 2 ადგილი
საქართველო - შვეიცარია 24-7
საქართველო - მალტა 11-4
საქართველო - ბელორუსია 17-9
საქართველო - სლოვაკეთი 16-17
საქართველო - პორტუგალია 17-9
პლეი ოფი
საქართველო - თურქეთი 8-4 და 9-12
პირველად ევროპაზე
2014 წლის ევროპის ჩემპიონატზე უნგრეთში, დებიუტანტმა საქართველომ, როგორც მოსალოდნელი იყო ყველა თამაში წააგო
A ჯგუფში
რუმინეთი - საქართველო 11-6
საბერძნეთი - საქართველო 15-6
იტალია - საქართელო 15-5
რუსეთი - საქართველო 16-12
ჩერნოგორია - საქართველო 17-2
7-12 ადგილებისთვის
საფრანგეთი - საქართველო 10-6
მე-11 ადგილისთვის
რუსეთი - საქართველო 9-8
მომდევნო, 2016 წლის ევროპის ჩემპიონატის შესარჩევში საქართველომ ზედიზედ მეორედ მოიპოვა ფინალურ ეტაპზე თამაშის უფლება
პირველი საკვალიფიკაციო
საქართველო - სლოვაკეთი 10-11
საქართველო - შვეიცარია 21-9
საქართველო - პორტუგალია 21-3
მეორე საკვალიფიკაციო
ჰოლანდია - საქართველო 5-5
საქართველო - ისრაელი 17-6
საქართველო - ლიტვა 18-6
და პირველი გამარჯვება ევროპის ჩემპიონატზე, სერბეთში 2016 წლის 21 იანვარს!
C ჯგუფში
რუმინეთი - საქართველო 12-6
გერმანია - საქართველო 11-9
იტალია - საქართველო 21-1
ფლეი-ოფი
უნგრეთი - საქართველო 14-3
9-16 ადგილისთვის
ჰოლანდია - საქართველო 9-9 პენლებში 7-6
საქართველო - თურქეთი 12-11
13 ადგილისთვის
სლოვაკეთი - საქართველო 10-9
საქართველოს ეროვნული ნაკრები 2015-16 წლებში ასევე პირველად გამოვიდა მსოფლიო ლიგაზე
FINA MEN'S WATER POLO WORLD LEAGUE 2016
European Preliminaries
უნგრეთი - საქართველო 17-10
საბერძნეთი - საქართველო 18-10
საქართველო - რუმინეთი 11-13
საქართველო - უნგრეთი 10-20
საქართველო - საბერძნეთი 8-15
რუმინეთი - საქართველო 17-8
2017 წლის მსოფლიო ლიგაზე საქართველოს მეტოქეები ჯგუფში რუსეთი და იტალია არიან
გუშინ თბილისში საქართველომ დაძაბული შეხვედრა დათმო რუსეთთან 13:14 (3:4, 2:2, 5:5, 3:3)
დარჩენილი მატჩები
10.01 2017 იტალია - საქართველო
14.02. 2017 რუსეთი - საქართველო
11.04 2017 საქართველო - იტალია
საქართველო ეროვნული ნაკრები
1. ნიკა შუბლაძე
2. ბექა ქავთარაძე
3. დამირ ცრეპულია
4. რევაზ იმნაიშვილი
5. ანდრია ბითაძე Roma Vis Nova Pallanuoto
6. მარკო ელაჩა Pallanuoto Sport Management
7. გიორგი ხვედელიანი
8. მიხეილ ბაღათურია
9. ზურაბ რურუა
10. კონსტანტინე გეგელაშვილი
11. ალექსანდრე რუსიშვილი
12. ნიკა შუშიაშვილი
13. ირაკლი რაზმაძე
მთავარი მწვრთნელი
იოვან პოპოვიჩი ჩერნოგორია
წინა თემა -
წყალბურთი (post #7336200)