გუშინდელი მატჩის მიმოხილვა:
http://www.rustavi2.com/news_textg.php?id_...m=main&ct=&wth=video-ს დააწვებით და გაიხსნება.
* * *
ფარერებთან მატჩის შემდეგ
”სარბიელი”: ინტერვიუ კლაუს ტოპმიოლერთან
როგორ შეაფასებდით თამაშს?
ბევრი ტრავმირებული ფეხბურთელი გვაკლდა - ხიზანიშვილი, კალაძე, ცქიტიშვილი, მარცვალაძე… ამ ყველაფრიდან გამომდინარე, შედეგიც და თამაშიც დადებითად უნდა შეფასდეს. საქართველოს ნაკრებისთვის ეს ძალიან კარგი შედეგია.
არცთუ ცოტა შეცდომა იყო დაცვაში…
დაცვაში ორი წამყვანი ფეხბურთელი გვაკლდა - ხიზანიშვილი და კალაძე. ასეთი დანაკლისის შემთხვევაში შეცდომები ნებისმიერ გუნდს ექნებოდა.
საქართველოს ნაკრების ფეხბურთელთაგან რომელს გამოარჩევდით?
ყველას, საერთო ჯამში, გუნდმა კარგად ითამაშა, ყველა ფეხბურთელმა შეასრულა დავალება, არც ერთ მათგანს კონცენტრაცია არ დაუკარგავს.
მომდევნო მატჩი საფრანგეთთან გვაქვს და ეროვნული სტადიონი, ალბათ, გადაიჭედება…
ვფიქრობ, ბევრი რამის უკეთესობისკენ შეცვლა უკვე მოვახერხეთ. დღევანდელ მატჩში გვქონდა შეცდომები, მაგრამ თუ 2 სექტემბრისთვის საქართველოს ნაკრების ყველა წამყვან ფეხბურთელს მოვუყრით თავს, მართლაც კარგი გუნდი გვეყოლება.
შოთა არველაძის თამაშზე რას იტყოდით?
სამი გოლის გატანა თავისთავად დიდებულია, მისი მეორე გოლი მართლაც განსაკუთრებული იყო, თუმცა ამ მატჩში საუკეთესო გოლი დავით მუჯირმა გაიტანა.
გიორგი დემეტრაძე რისთვის დასაჯეთ - რატომ არ გაამწესეთ სასტარტოში?
მან დაიგვიანა, დროულად არ გამოცხადდა და მიუხედავად იმისა, რომ ბევრი ტრავმირებული გვყავდა, დისციპლინის დარღვევას ვერავის ვაპტიებთ. თუ უდისციპლინობას შევეგუებით, ისეთ გუნდებთან, როგორიც საფრანგეთი და იტალიაა, შანსი არ გვექნება.
ეს გამარჯვება ალბათ, იმიტომაც იყო მნიშვნელოვანი, რომ ქართველებს თავდაჯერებულობას შემატებს…
ქართველ ხალხს, რომელმაც ტელევიზიით ნახა ეს მატჩი, ალბათ, პატარა ბედნიერება მივანიჭეთ და გავუღვივეთ რწმენა, რომ ფეხბურთის თამაში ისეთ პატარა ქვეყანასაც შეუძლია, როგორიც საქართველოა.
2 სექტემბერს საფრანგეთთან მატჩისთვის როგორ მოემზადებით?
ჯერ ვიდეოფირებს უნდა ჩავუჯდე, მომდევნო კვირაში კი თბილისში ჩამოვალ.
· 
ფარერის კუნძულები - საქართველო, 16 აგვისტო, ევრო 2008
