ხაჩიძე თანამდებობას ინარჩუნებს
ბოლო დღეებში, ქართულ სპორტულ პრესაში გავრცელდა ინფორმაცია, თითქოს საფეხბურთო კლუბ გაგრას მთავარი მწვრთნელი, ბატონი ვოვა ხაჩიძე თბილისის დინამოსთან თამაშის შემდეგ, დატოვებდა დაკავებულ თანამდებობას და მის ადგილს, უკრაინელი მწვრთნელი ვიქტორ კაშჩეი დაიკავებდა.
საფეხბურთო კლუბ გაგრას პრეს ატაშე მიხეილ აფხაზავა ჩვენთან საუბარში აცხადებს:
– "ბატონი ვლადიმერ ხაჩიძე რჩება დაკავებულ თანამდებობაზე, ატარებს ვარჯიშებს და ჩვენს გუნდს მომავალი შეხვედრებისთვის ამზადებს და გავრცელებული ინფორმაცია არ შეესაბამება სინამდვილეს.
გაგრას მეტად მნიშვნელოვანი შეხვედრები ელის მესამე წრეში, გუნდი იბრძვის უმაღლეს ლიგაში ადგილის შესანარჩუნებლად და არაა გამორიცხული, რომ ამგვარი ინფორმაციების გავრცელება მიზნად ისახავს ჩვენი გუნდის დემორალიზებას.
აქვე შეგახსენებთ, რომ საფეხბურთო კლუბი გაგრა მომავალ შეხვედრას 10 მარტს შინ, ამერის სტადიონზე თბილისის დინამოს წინააღმდეგ გამართავს და ეს შეხვედრა 15.00 საათზე დაიწყება.
პირველ წრეში, გაგრამ შინ მოქმედი ჩემპიონი 2:1 დაამარცხა და ჩვენი გუნდი მაქსიმუმს გააკეთებს იმისათვის, რომ კიდევ ერთი სენსაცია შესთავაზოს ქართველ გულემატკივარს
http://fcgagra.ge/geo/index.php?news=993 This post has been edited by DINAMOFAN on 8 Mar 2009, 14:52 
ს.კ გაგრა, 2004
