ძალოსნობა საერთო თემა, Weightlifting + Powerlifting

გია ნაცვლიშვილი: ძალოსნობაში ოლიმპიური მედალი უტოპიას არ წარმოადგენს
25.11.2011 13:50

12345
საქართველოს ეროვნულ ოლიმპიურ კომიტეტში პრესკონფერენცია გაიმართა, სადაც ამას წინათ პარიზში გამართულ ძალოსნობის მსოფლიოს ჩემპიონატზე ქართველ ათლეტთა ასპარეზობა შეჯამდა.
შეხვედრას, რომელსაც ნაკრების წევრები და მწვრთნელები ესწრებოდნენ, სეოკ-ის პრეზიდენტი გია ნაცვლიშვილი და პარლამენტის სპორტის კომიტეტის თავმჯდომარე, ძალოსნობის ფედერაციის ვიცე-პრეზიდენტი, ოლიმპიური ჩემპიონი გიორგი ასანიძე უძღვებოდნენ.
გია ნაცვლიშვილმა, საბოლოო ჯამში, ჩვენი ნაკრების პარიზის ფიცარნაგზე გამოსვლა და სამი ოლიმპიური ლიცენზიის მოპოვება წარმატებულად შეაფასა.
“ნათქვამია, მადა ჭამაში მოდისო და მსოფლიოს ჩემპიონატზე სრულიად რეალური იყო ლონდონის ოლიმპიადის მეოთხე საგზურის მოპოვებაც, თუმცა, ამისათვის ძალიან ცოტა, სულ რაღაც რვა ქულა დაგვაკლდა. მინდა ბიჭებს, მწვრთნელებსა და ფედერაციის ხელმძღვანელებს მადლობა გადავუხადო გაწეული სამუშაოსთვის და ლიცენზიების მოპოვება მივულოცო. ნაკრების ლიდერი გია მაჭავარიანი საპრიზო სამეულში მოხვედრას ნამდვილად იმსახურებდა. ვიმედოვნებთ, რომ იგი ამის გაკეთებას ლონდონში მოახერხებს“.
ნაკრების მიერ ნაჩვენები წლევანდელი შედეგებით კმაყოფილი იყო გიორგი ასანიძეც. მან ხაზი გაუსვა გუნდის მთავარი მწვრთნელის ვანო გრიქუროვის ფაქტორს, რომელიც პოლონეთიდან დაბრუნდა და კვლავ ჩვენს სპორტსმენებს ავარჯიშებს.
პრესკონფერენციის დასასრულს, ტრადიციისამებრ, ქართველმა ძალოსნებმა “ლონდონი 2012“-ის ლიცენზიანტთა დაფაზე საკუთარი ხელმოწერები დააფიქსირეს. http://worldsport.ge/Read.aspx?news=28009&lang=1

roko-toko

ეგ 235 კილო აწეული აქვს კახის 100 კილო კატეგორიაში, 94 კილოში აწეული აქვს 232კილო


This post has been edited by bedo-bedo89 on 21 Dec 2011, 22:56

მაჭავარიანი, პარიზის მსოფლიო ჩემპიონატი 2011

ვაა მაგარი ვიდეოა ყოჩაღ გია, ძლივს ჩავანაცვლეთ ოსები ოლიმპიადაზე სამეული უნდა გააკეთოს.

GeorgianPowerlifting

მაგას რა ჯობია, თოთონ ყველაზე მაგრად უნდა შედეგის გაკეთება

გთხოვთ აქ მაინც მიპასუხეთ, აჯიმანიებს (მუცლის პრესს) როცა აკეთებ და როცა წამოიწევი, მაგ დროს უნდა შევისუნთქო თუ უნდა გამოვისუნთქო, ანუ ნაგრუზკის დროს როგორ ხდება სუნთქვა?

365

მე როგორც მიკეთებია გეტყვი.
რო ჩაისუნთქავ წამოიწიე და წამოწევას რო მორჩები მერე ამოისუნთქე, ზოგი გეტყვის რო წამოწევის მომენტში უნდა გამოუშვა ჰაერიო.

შეგეშალა ალბათ, აჯიმანია ხელებზე აწევას ქვია, მკერდით რო მიწას ეხები.

bedo-bedo89

ხო მართლა შემეშალა, მოკლედ მუცლის პრესები მინდა გავაკეთო და ეს სუნთქვა ვერანაირად ვერ გავიგე, ე.ი. შენ როგორც მეუბნები ჯერ შევისუნთქო ჰაერი, მერე წამოვიწიო და დაწოლის დროს გამოვუშვა?

365

ზურგზე რო წევხარ ჯერ შეისუნთქე ჰაერი, მერე წამოიწიე, ხო და წამოწევას რო მორჩები მერე გამოუშვი ჰაერი, მერე ისევ ზურგზე დაწექი, შეისუნთქე ჰაერი, წამოიწიე და წამოწევას რო მორჩები მერე გამოუშვი ჰაერი

bedo-bedo89
მადლობა

ძალოსნობა
წელიწადი შტანგით დასრულდა
11:34 31-12-2011

ქუთაისის თვითმმართველობის დაფინანსებითა და საქართველოს ოლიმპიური კომიტეტის იმერეთის ორგანიზაციის მხარდაჭერით ქუთაისის ძალოსნობის დარბაზმა სპორტის ამ სახეობაში სამგზის ოლიმპიური ჩემპიონის კახი კახიაშვილის სახელობის ტურნირს უმასპინძლა.

ქუთაისისთვის ეს იყო 2011 წლის ბოლო სპორტული ღონისძიება. შეჯიბრებამ საინტერესოდ ჩაიარა. განსაკუთრებით, ემოციური ფონი მაღალი წონითი კატეგორიის წარმომადგენელთა გამოსვლას ახლდა. 77კგ-ში დავით ხარატაშვილის და ჯაბა ჩიბურდანიძის პაექრობა იყო აღსანიშნავი.

ხარატაშვილმა ატაცში მეტოქეს 1 კგ-ით აჯობა, მაგრამ ჩიბურდანიძე უკეთ აკვრაში გამოვიდა და საბოლოოდ გამარჯვებაც მას დარჩა. 94 კგ-ში ქუთაისელ ვაჟა ღონღაძის და ზუგდიდელ იკა ცანავას ჭიდილი. საბოლოოდ ორჭიდის ჯამში ცანავამ 5 კგ-ით აჯობა მეტოქეს. კარგად იასპარეზა ქუთაისელმა ალუდა მანაგაძემ (105კგ.), რომელმაც ორჭიდის ჯამში 385 კგ. დაძლია და ტურნირის საუკეთესო ძალოსანი გახდა. გამარჯვებულები და პრიზიორები კახი კახიაშვილმა დააჯილდოა.

"ეს ტურნირი ქუთაისში მეექვსედ ჩატარდა და ამჯერადაც ძალიან კარგად. გაისიდან ქუთაისის თვითმართველობის დახმარებით საერთაშორისო ტურნირი იგეგმება მეზობელი ქვეყნების ძალოსნების მონაწილეობით. ჩვენში ძალოსნობას დიდი ტრაციციები აქვს, ახალი თაობაც საიმედო მოდის.

გამოცდილი სპეციალისტის ვანო გრიქუროვის ხელმძღვანელობით ჩამოყალიბდა ახალი გუნდი, რომელიც ჩემის აზრით, 2 წელიწადში მსოფლიოს ასპარეზზე ანგარიშგასაწევი ძალა იქნება. საქართველოში ყოველთვის იყვნენ გამორჩეული ძალოსნები, მაგრამ ძლიერი გუნდი არასდროს გვყოლია.

ახლა კი მუშაობა იქეთკენ არის მიმართული, რომ ანგარიშგასაწევი გუნდით მომავალ ოლიმპიადებზე საქართველოდან რამდენიმე ძალოსანმა იასპარეზოს. ქუთაისის ძალოსნობის სკოლა საქართველოში ერთ-ერთი საუკეთესოა, ნაკრებში რამდენიმე ქუთაისელია და იმედი მაქვს, რომ ისინი წარმატებებით გაგვახარებენ" - თქვა კახი კახიაშვილმა.

კვარცხლბეკი
ორჭიდი
50კგ.
1. გოდერძი ბერდელიძე (საჩხერე) - 130კგ
2. ბექა გორგაძე (აჭარა) - 125
3. შოთა ომარაშვილი (თბილისი) - 118

56კგ.
1. რამინ შამილიშვილი (ქუთაისი) - 203
2. ზვიად ფუტკარაძე (აჭარა) - 143
3. გოგა ჩხეიძე (ზუგდიდი) - 155

62კგ.
1. ირაკლი გაბრიჭიძე (საჩხერე) - 230
2. ლერი ბენდელიანი (წყალტუბო) - 206
3. ზაზა ფუტკარაძე (აჭარა) - 190

69კგ.
1. შოთა მიშველაძე (ქუთაისი) - 275
2. რომა სარქისიანი 9ქუთაისი) - 257
3. ვაჟა ქავთარაძე (აჭარა) - 246

77კგ.
1. ჯაბა ჩიბურდანიძე (აჭარა) - 315
2. დავით ხარატაშვილი (აფხაზეთი) - 311
3. ვახტანგ ნემსაძე (ქუთაისი) - 235

85კგ.
1. ზაურ დევაძე (თბილისი) - 322
2. თემურ პერტაია (ზუგდიდი) - 286
3. ლაშა კოპალიანი (წყალტუბო) - 281

94კგ.
1. იკა ცანავა (ზუგდიდი) - 340
2. ვაჟა ღონღაძე (ქუთაისი) - 335
3. ვაჟა კაპანაძე (ქუთაისი) - 225

105კგ.
1. ალუდა მანაგაძე (ქუთაისი) - 385
2. ვილი ალქსიძე (აჭარა) - 340

+105კგ.
1. გიორგი თურმანიძე (თბილისი) - 316
2. ზვიად ქაჯაია (წყალტუბო) - 316

საუკეთესო ათეული სინკლერის ცხრილის მიხედვით:
1. ალუდა მანაგაძე (409.4)
2. ჯაბა ჩიბურდანიძე (393.3)
3. დათო ხარატიშვილი (384.7)
4. იკა ცანავა (380.8)
5. შოთა მიშველაძე (378.6)
6. ზაურ დევაძე (377.6)
7. ვაჟა ღონღაძე (373.2)
8. ვილი ალქსიძე (349.8)
9. თემურ პერტაია (344.2)
10. ლაშა კოპალიანი (344,2)

ყოველდღიური სპორტული გაზეთი "ლელო" http://sportall.ambebi.ge/sport/individual...h-dasrulda.html

http://sportall.ambebi.ge/sport/individual...s-miashura.html

შვიდეულმა ისევ პოლონეთს მიაშურა


დიდი იმედი მაქვს ლონდონში მედალს ავიღებთ ძალოსნობაში

ქართველი ძალოსნები - შედეგები სარეკორდო, იმედები საოლიმპიადე
17:47 10-03-2012
წელს 6-16 აპრილს თურქეთი ძალოსანთა ევროპის ჩემპიონატს უმასპინძლებს. ამ შეჯიბრებაზე საქართველოს ნაკრების მწვრთნელი ვანო გრიქუროვი ჩვენებურთაგან მხოლოდ სამი სპორტსმენის გაყვანას აპირებს. ესენი არიან - რაულ ცირეკიძე (85 კგ), ალუდა მანაგაძე (105) და მძიმეწონოსანი ირაკლი თურმანიძე.

ისინი ნაკრების სხვა წევრებთან ერთად დუშეთის ოლიმპიური მზადების ცენტრში ვარჯიშობენ. ზოგიერთი ათლეტი სპეციალური გეგმით ლონდონის ოლიმპიური თამაშებისთვის ემზადება.

დუშეთის ბაზა 9 მარტს საქართველოს სპორტისა და ახალგაზრდობის საქმეთა სამინისტროს და ძალოსნობის ფედერაციის მესვეურებმა მოინახულეს, საჩვენებელ ვარჯიშს დაესწრნენ.

"დღევანდელ საკონტროლო პაექრობებს ჩვენთვის დიდი მნიშვნელობა ჰქონდა - ფაქტობრივად, განვლილი მუშაობა უნდა შეგვეჯამებინა და რეალურად გვენახა, რა შეგვიძლია.

შედეგებით კმაყოფილი ვარ, რადგან პერსპექტივა აშკარად ჩანს. რამდენიმე სპორტსმენმა ისეთი შედეგები აჩვენა, რამაც სამომავლოდ იმედი ჩაგვისახა.

ლონდონის ოლიმპიადაზე სამი ძალოსნით გამოვალთ. დღეისთვის მათი მომზადების დონე დამაკმაყოფილებელია. თამაშებამდე ჯერ კიდევ დიდი დროა და კორექტირების საშუალება გვექნება", - თქვა ვანო გრიქუროვმა.

"ნაკრების მთავარი მწვრთნელის გადაწყვეტილებით, წლეულს ევროპის ჩემპიონატზე არ ვიასპარეზებ, რაც მართებულად მიმაჩნია, რადგან ტრავმის ალბათობა გამოირიცხება. გეგმის მიხედვით განვაგრძობ ვარჯიშს. დღეს პირად რეკორდს გადავამეტე. ოლიმპიადამდე დარჩენილ 5 თვეში, ვფიქრობ, შედეგებს გავზრდი", - კმაყოფილია გია მაჭავარიანიც.

ირაკლი სამყურაშვილი, სპორტისა და ახალგაზრდობის საქმეთა სამინისტროს დეპარტამენტის უფროსი: "ძალოსანთა ნაკრები მონდომებით ემზადება როგორც ოლიმპიური თამაშებისთვის, ისე ევროპის ჩემპიონატისთვის. დღევანდელმა ვარჯიშმა დაგვარწმუნა, რომ ჩვენს ბიჭებს დიდი პოტენციალი აქვთ - დასტურად მათ მიერ ნაჩვენები პირად და საქართველოს რეკორდებზე მაღალი შედეგები გამოდგება. ეს კი გვაფიქრებინებს, რომ ჩვენი ძალოსნები ლონდონის ოლიმპიადაზე მაღალი შედეგებისთვის ბრძოლას შეძლებენ".

რამაზ გურგენიძე, ძალოსნობის ეროვნული ფედერაციის გენერალური მდივანი: "მართალი გითხრათ, გაოცებული ვარ ჩვენი ბიჭების წინსვლით. დღეს მათ პირადი მიღწევები ერთბაშად რამდენიმე კილოგრამით გააუმჯობესეს. მაგალითად, გია მაჭავარიანმა 190 კილოგრამი აიტაცა და 228 კილოგრამი აკრა და ორჭიდში (418 კგ) უწინდელ საკუთარ რეკორდს 9 კილოთი გადაამეტა.

ირაკლი თურმანიძემ, რომელიც წლეულს ევროპის ჩემპიონატზე გამოვა, 195 კილო აიტაცა და 228 კილო აკრა, რაც ორჭიდში მის უწინდელ მიღწევაზე 10 კილოთი მეტია.

დავით გოგიამ დღეს პირველად აიტაცა 180 კილო. თუმცა აკვრაში შედარებით მოკრძალებული იყო - 207 კილოგრამი, არადა, ორი კვირის წინათ კი 5 კილოთი მძიმე შტანგა ასწია. პერსპექტიული ახალგაზრდა სპორტსმენია და მისგან წარმატებებს ველით.

უნიკალური მაჩვენებლებით გვაოცებს სახელოვანი ქართველი ძალოსნის - კობა ტალახაძის ვაჟი ლაშა ტალახაძე. რამდენიმე დღის წინათ საკონტროლო ვარჯიშზე მან 190 კილო აიტაცა და 220 კილო აკრა, დღეს კი ატაცში 192 კილო დაძლია.

რაულ ცირეკიძემ ატაცში 6 კილოთი უკეთესი შედეგი აჩვენა - 167 კილო, აკვრაში 203-კილოგრამიანი შტანგა დაიმორჩილა. უფრო დიდ წონაზე მწვრთნელმა არ მიუშვა, რადგან იგი ევროპის ჩემპიონატზე უნდა გამოვიდეს და რისკს მოერიდა.

ასევე კარგი შედეგები ჰქონდათ ეროვნული ნაკრების წევრ ალუდა მანაგაძეს, ახალგაზრდებს - ზურაბ თავაძეს, ბაჩანა ქუხილავას, იკა ცანავას, თემურ პერტაიას, დავით ხარატაშვილს. მათგან ღირსეულ ცვლას ველით".

ყოველდღიური სპორტული გაზეთი "ლელო" http://sportall.ambebi.ge/sport/individual...aolimpiade.html

ძალოსნობა
+ -
საქართველოს პირველობა: ოცი წლისას ძალაც გერჩის
12:10 13-03-2012
20-წლამდელ ძალოსანთა საქართველოს პირველობაში რეგიონების 100-მდე წარმომადგენელი მონაწილეობდა, მათ შორის - ყველა უძლიერესი, საჩხერელი ლაშა ტალახაძისა და ზუგდიდელი ბაჩანა ქუხილავას გარდა. ისინი ეროვნულ ნაკრებში დუშეთის ოლიმპიურ ბაზაზე სპეციალური პროგრამით ემზადებიან.

განსაკუთრებით მძაფრი ორთაბრძოლა გაიმართა 69 კილოში ჭაბუკებთა შორის ევროპის ჩემპიონსა და პრიზიორ გიორგი ლომთაძესა და კონტინენტის პრიზიორ შოთა მიშველიძეს შორის. ლომთაძემ სამიოდე თვის წინათ მენისკის ოპერაცია გაიკეთა და ჯერ კიდევ ვერ არის ჩვეულ სპორტულ ფორმაში.

ამის მიუხედავად, ორჭიდის ჯამში 280 კილოგრამი ურიგო შედეგი არ არის, აი მიშველიძემ სპეციალისტებიც კი გააკვირვა: მან 130 კილო აიტაცა და 160 კილო აკრა, ორჭიდში 290 კილოგრამი მოაგროვა და პირველი ადგილი დაიკავა. არადა, თავად 65 კილოა და 69 კილოში დებიუტი ჰქონდა.

85 კილოში უკონკურენციო იყო ზურიკო თავაძე, რომელმაც ორივე მოძრაობაში მხოლოდ თითო ცდა გამოიყენა (131+154), რაც ოქროსთვის საკმარისი აღმოჩნდა, სამაგიეროდ, დუშეთში საკონტროლო ვარჯიშზე 147 კილოგრამი აიტაცა და აკვრაში 180-კილოიანი შტანგა დაიმორჩილა. 105 კილოში, ასევე, უკონკურენციო იყო ჭაბუკებში ევროპის ჩემპიონი ვილი ალექსიძე. ორჭიდში მან ვერცხლის მედალოსან ირაკლი ბენდელიანს 120 კილოთი აჯობა.

- შეჯიბრების მთავარი მიზანი პერსპექტიული სპორტსმენების გამოვლენა და 20-წლამდელთა წლევანდელი ევროპის პირველობისთვის საქართველოს ნაკრების კანდიდატების შერჩევა იყო, - გვითხრა საქართველოს ძალოსნობის ეროვნული ფედერაციის გენერალურმა მდივანმა რამაზ გურგენიძემ. - მართალია, ამჯერად მონაწილეთა რაოდენობა შარშანდელთან შედარებით ბევრად არ გაზრდილა, სამაგიეროდ, შედეგები გაუმჯობესდა საგრძნობლად. დიდი ხანია, გუნდური პირველობისთვის ქუთაისელი და აჭარელი ძალოსნები იბრძვიან. ამჯერადაც ასე იყო.

საქართველოს ნაკრები გუნდების დასაკომპლექტებლად ძირითად არტერიას სწორედ ეს ორი რეგიონი წარმოადგენს. წლების განმავლობაში თბილისელი ძალოსნები საპრიზო ადგილებისთვის პაექრობაში ვერ ერეოდნენ, მაგრამ მეორე წელიწადია, მდგომარეობა რადიკალურად შეიცვალა.

მას შემდეგ, რაც თბილისის მერიამ ძალოსნობის მწვრთნელების მატერიალურად წაახალისა, დედაქალაქში სპორტის ამ სახეობისადმი ინტერესი საგრძნობლად გაიზარდა. თბილისელ ათლეტთა წინსვლაში დიდი წვლილი მიუძღვით მწვრთნელებს - თემურ ჯანჯღავას, გურამ ფარულავას და ზურაბ ანთაურს, ასევე, ერთი წლის წინათ დაფუძნებულ დედაქალაქის ძალოსნობის ფედერაციას, რომელსაც სამგზის ოლიმპიური ჩემპიონი კახი კახიაშვილი ხელმძღვანელობს.

ცალკე აღნიშვნის ღირსია საჩხერელთა წარმატებები გიორგი გაბრიჭიძის თავკაცობით. წლევანდელ პირველობაზე ისინი მესამე ადგილზე გასულ თბილისელებს მხოლოდ 5 ქულით ჩამორჩნენ, არადა, როგორც ზემოთ ვთქვით, საპატიო მიზეზით არ უასპარეზია საჩხერელთა ლიდერს მძიმე წონაში ლაშა ტალახაძეს. წლის ბოლომდე იმერელ ძალოსნებს ოლიმპიური ჩემპიონის - გიორგი ასანიძის სახელობის ახალი დარბაზი ექნებათ, კარგი სპეციალისტებიც ჰყავთ, რაც მომავალ წარმატებათა გარანტი იქნება.

კვარცხლბეკი
50 კგ. 1. გოდერძი ბერდელიძე (საჩხერე, ორჭიდში - 141 კგ), 2. შოთა ომარაშვილი (თბილისი, 130), 3. გოგი კაკიაშვილი (აჭარა, 120).
56 კგ. 1. რამინ შამილიშვილი (აჭარა, 213), 2. გიორგი ჩხეიძე (ზუგდიდი, 168), 3. შოთა ბენიძე (ქუთაისი, 150).
62 კგ. 1. ირაკლი გაბრიჭიძე (საჩხერე, 243), 2. ლერი ბენდელიანი (ქუთაისი, 208), 3. ვახტანგ ვეკუა (ზუგდიდი, 185).
69 კგ. 1. შოთა მიშველიძე (290), 2. გიორგი ლომთაძე (ორივე - ქუთაისი, 280), 3. ნუგზარ ლორთქიფანიძე (აჭარა, 230).
77 კგ. 1. ჯაბა ჩიბურდანიძე (აჭარა, 288), 2. თემურ პერტაია (ზუგდიდი, 281), 3. ზაზა გაბედავა (ქუთაისი, 232).
85 კგ. 1. ზურიკო თავაძე (285), 2. ლაშა კოპალიანი (ორივე - ქუთაისი, 283), 3. სოსო ხუცინაშვილი (თბილისი, 257).
94 კგ. 1. უჩა ინაძე (285), 2. დავით ბეროზაშვილი (ორივე - თბილისი, 267), 3. მამუკა ჯორბენაძე (აჭარა, 255).
105 კგ. 1. ვილიამინ ალექსიძე (აჭარა, 320), 2. ირაკლი ბენდელიანი (ქუთაისი, 200), 3. გოჩა ჯაბნიძე (აჭარა, 200).
+105 კგ. 1. რაულ ისმაილოვი (თბილისი, 215), 2. პაპუნა ბოჭორიშვილი (ქუთაისი, 195), 3. ბაკურ დევაძე (აჭარა, 177).

გუნდური: 1. ქუთაისი (120 ქულა, მწვრთნელი მალხაზ ლომთაძე), 2. აჭარა (112, აბესალომ ბასილია), 3. თბილისი (105, თემურ ჯანჯღავა).

ყოველდღიური სპორტული გაზეთი "ლელო" http://sportall.ambebi.ge/sport/individual...ac-gerchis.html

ყოჩაღ გია ამან თუ ასე გააგრძელე პროგრესირება, საოლიმპიადედ უნდა ველოდეთ შედეგს, ყველაფერი შესაძლებელია, მათ შორის რუსების კლოლოვის და აკაევის დამარცხებაც, ბევრჯერ მომხდარა უპირობო ფავორიტები 2-3 ადგილზე და უმედლოდაც დარჩენილან.
რას იზავ ზოგი სპორცმენი გვიან იხსნება და აღწევს პიკს, ფორმის და შესაძლებლობების კუთხით, გია ამ სიაში უნდა გავიყვანოთ.

შედეგისთვის საკმარისი არაა, თუმცა პროგრესი ყოველტვის გასახარია.

აკვრას კიდე არაუშავს, ატაციც საშუალო მაჩვენებელია, ამ შედეგით ევროპაზე ჩემი აზრით, სადღაც 5-7 ადგილზე უნდა გავიდეს. თუმცა რაულიც სერიოზულად პროგრესირებს და სამომავლოდ იმედის მომცემია.

ეს ბიჭი კი სამომავლოდ ჩვენი იმედია, ამან უნდა გვასახელოს რიოში, ფენომენალურად ზრდის შედეგებს, ახალი რეზაზადე გვეზრდება

საერთოდ ძალიან კარგი თაობაა წამოსული, ესეთი მოჭარბება ყველა კუთხით, სხვადასხვა წონებში საერთოდ არც საბჭოთა დროს არ მახსოვს.

იყო მხოლოდ გამონათებები 70-იანებში დიტო შანიძე, 90-იანებში კახი და საუკუნის გარიჟრაჟზე ასანიძე.

მართლაც მალადეც გიას ამ ასაკში რა მოუვიდა არ ვიცი როგორ გაზარდა წონები ამ ოლიმპიადაზე მედლის იმედი არ მქონდა მარა ეხლა უკვე ჩამესახა იმედი გიას შემყურე.
ლაშა ტალახაძე ხომ ცალკე სასაუბრო თემაა ამ ბიჭმა თუ რამე სერიოზული ტრამვა არ მიიღო და ესე განაგრძო პროგრესი სუპერმძიმე წონაში უძლიერესი სპორტსმენი გვეყოლება მაგრათ ვგულშემატკივრობ მაგ კაცს რა.