ხარაგაული – “სოსო აბაშიძე” 400 მაყურებელი
ჩხერიმელა 2-2 მერანი
გოლები: ტაპე 15′ , კოსტავა 25′, ტორაძე 50′, კოსტავა 89′.
ჩხერიმელა: კუჭუხიძე ©,ხარაბაძე,თაბუკაშვილი,ტყეშელაშვილი,(ხეცურიანი),ზაქარაშვილი,ჭაჭიაშვილი(მეტრეველი),მაჩალაძე,ქურდაძე,ღიბრაძე,კოსტავა,ავალიშვილი
მწრთვნელი: ლევან ჭყოიძე
მატჩი დაჩი კოსტავას და ლევან მაჩალაძის ბენეფისად იქცა.
ჩემპიონატის მეორეადგილოსანთან ჩატარებულ შეხვედრაში ჩხერიმელამ ისევ გამოავლინა თავისი ბრძოლისუნარიანობა და სიხარული მოუტანა ხარაგაულელ გულშემატკივარს.
თამაში განსაკუთრებული დაზვერვის გარეშე დაიწყო და უკვე მე–15 წუთზე მარტვილელთა ლეგიონერმა მონინი გი-სტეფანი ტაპემ მასზე ბევრად დაბალ ტყეშელაშვილს მეორე სართულზე აჯობა და სტუმრები დააწინაურა.0-1
გოლის შემდეგ მასპინძლებმა შეუტიეს,აღსანიშნავია მაჩალაძის უძლიერესი დარტყმული,რომელიც მეკარემ უვნებელჰყო.
25 წუთზე ჩხერიმელამ ანგარიში გაათანაბრა,საჯარიმოს მისადგომებიდან დაჩი კოსტავამ გაიტანა ლამაზი გოლი: ძლიერად დარტყმული ბურთი მარტვილელთა ხარიხას მოხვდა და კარის ხაზს შიგნით დაეცა,რაც კეთილსინდისიერად დააფიქსირა გვერდითმა არბიტრმა,მთავარმა მსაჯმა მასთან კონსულტაციის შემდეგ გოლი ჩათვალა 1-1.
ტაიმის დარჩენილი წუთები სტუმართა უპირატესობით წარიმართა და რამოდენიმეჯერ ახლოსაც იყვნენ მიზანთან, აღსანიშნავია ჩხერიმელას საჯარიმოში გაკეთებული კარგი პასი,რომლითაც მარტვილელი კუჭუხიძესთან პირისპირ დარჩა,თუმცა მეკარეს ვერ აჯობა.
ტაიმი ფრედ 1-1 დასრულდა.
მეორე ტაიმის დაწყებისთანავე სტუმრებმა კვლავ აიღეს უპირატესობა და მწვავედ შეუტიეს. მარჯვენა ფლანგზე ტყეშელაშვილის ნაცვლად შემოსული ხეცურიანი ასკარად ვერ უმკლავდებოდა მარტვილელთა სწრაფ შემტევებს.
სახიფათო იყო ჩხერიმელას საჯარიმოში ჩამოწოდებუი ერთ–ერთი კუთხური,როცა ახლო მანძილიდან დარტყმული თავური ოდნავ ასცდა კუჭუხიძის კარს.
50-ე წუთზე მარტვილელებმა მეორედ დალაშქრეს ჩხერიმელას კარი. გოლი ისევ ხარაგაულელთა დაცვის მარჯვენა ფლანგიდან გავიდა, კარგად გასცდა მერანის ფეხბურთელი მცველებს, საჯარიმოში შევიდა და მახვილი კუთხიდან ზუსტად დაარტყა. 1-2
დაწინაურებული”მერანი” შედარებით დამშვიდდა. ბურთი ჩხერიმელამ აიღო. ჩვენების შეტევებს კარგად წარმართავდა მაჩალაძე. რამოდენიმე ეპიზოდში აღსანიშნავია მოედნის ცენტრში მისი ლაღი და ტექნიკური თამაში მეტოქე ფეხბურთელების წინააღმდეგ.
დუბლის შესრულების პირველი შანსი მიეცა დაჩი კოსტავას,თუმცა პირისპირ გასულმა კარც მცირედ ააცილა.
30 მეტრიდან სახიფათოდ დაარტყა მაჩალაძემ,მაგრამ ამჯერადაც მეკარემ აუღო.
მარტვილელთა დაცვამ მოიგერია რამოდენიმე სახიფათო კუთხური და ჩაწოდებული საჯარიმო.
მერანსაც ჰქონდა ანგარიშის გაზრდის შანსები: რიგ მომენტებში მარტვილელი ფორვარდები ადვილად უმკლავდებოდნენ ჩხერიმელას მცველებს,შედიოდნენ საჯარიმოში,მაგრამ საბოლოო დარტყმას ვერ ახერხებდნენ.
ისევ დაარტყეს სახიფათო თავური,თუმცა ისევ მცირედ არაზუსტად.
89 წუთზე მატჩის გადამწყვეტი მომენტი დადგა: დაჩი კოსტავა კარგად გაუძვრა მცველებს და მეკარესთან პირისპირ დარჩენილმს ამჯერად დუბლის შესრულებაში ხელი ვეღარავინ შეუშალა. 2-2.
მატჩს არბიტრმა 3 წუთი დაამატა, ბოლო წუთზე ისევ ჩხერიმელამ დაარტყა და მეკარემ კუთხურზე მოიგერია, ჩამოწოდებული კუთხური მერანმა გამოიტანა და ბოლო წამებზე შეუტია,თუმცა მასპინძელთა დაცვა საიმედოდ თამაშობდა.
93 წუთზე მატჩი დასრულდა 2-2.
ს.კ. მარტვილის "მერანი"
