ბილიჩმა B და C ვარიანტებიც გაითვალისწინა
2.06.2011 12:56
ხორვატიის ეროვნული ნაკრების მთავარმა მწვრთნელმა სლავენ ბილიჩმა განაცხადა, რომ ქართველებთან შეხვედრის წინ ყველაფერი გათვალა და საჭიროების შემთხვევაში, შემადგენლობის სათადარიგო ვარიანტებიც შემონახული აქვს. “ბედის ანაბარა არ ვიქნებით. ჩვენ B და C ვარიანტებიც გვაქვს. რაც მთავარია, ორივე ერთნაირად კარგია. ამიტომ, სერიოზულ პრობლემებს არ ველით” –განაცხადა ბილიჩმა ხუთშაბათ საღამოს გამართული ვარჯიშის შემდეგ, ხორვატულ მასმედიასთან საუბარში.
ხუთშაბათს სრულად დაიტვირთა დანიელ პრანიჩი, რომელსაც ფეხი აწუხებდა და თუ რაიმე პრობლემა არ შეექმნა პარასკევს ქართველების წინააღმდეგ ითამაშებს.
“ფეხი არ მტკივა. თამაში შემიძლია და მინდა. მწვრთნელის გადასაწყვეტია მათამაშებს თუ არა” – თქვა ვარჯიშის მერე პრანიჩმა.
იმ შემთხვევაში თუ პრანიჩს ფეხი მაინც შეაწუხებს, მაშინ დაცვის მარცხენა ფლანგზე ვედრან ჩორლუკა ითამაშებს, ხოლო ცენტრალურ მცველად დეიან ლოვრენს განაწესებენ.
დღეს საღამოს, თბილისის დროით 22:00 საათზე, ხორვატები სპლიტში, “პოლიუდზე” ღია ვარჯიშს ჩაატარებენ.
“ვარჯიში ღია იქნება და თამაშამდე ყველა გულშემატკივარს ეროვნული გუნდის სანახავად ვეპატიჟებით” – განაცხადა ხორვატიის ნაკრების პრეს-ატაშემ დავორ გავრანმა.
ხორვატული მასმედიის ცნობით, თბილისში წაგებულ (0:1) მატჩთან შედარებით, მომავალი დაპირისპირების წინ ბილიჩმა ძირითად შემადგენლობაში შვიდი ცვლილება განახორციელა. “ეროვნულზე” ჩატარებული მატჩის მონაწილეთაგან “სასტარტოში” მხოლოდ რუნიე, სრნა, მოდრიჩი და ჩორლუკა იქნებიან.
სტრინიჩის, ლოვრენის, დიუმოვიჩის, რაკიტიჩის, პეტრიჩის, კრანჩარისა და კალინიჩის ნაცვლად, შიმუნიჩი, პრანიჩი, ვუკოევიჩი, მანჯუკიჩი, ედუარდო, პერიშიჩი და ელავიჩი იქნებიან.
შედეგად, ხორვატების სავარაუდო სასტარტო შემადგენლობა ასე გამოიყურება:
რუნიე, სრნა, ჩორლუკა, შიმუნიჩი, პრანიჩი, ვუკოევიჩი, მოდრიჩი, მანჯუკიჩი, ედუარდო, პერიშიჩი, ელავიჩი.
http://worldsport.ge/Read.aspx?news=21025&...s=show#commentsდა იქვე ერთი ადეკვატური კომენტარი
ლამბალო
2.06.2011 12:59:27
მაგარი წინსვლა გვაქვს რა, უკვე B და C ვარიანტებიც აქვთ ჩვენს წინააღმდეგ.
This post has been edited by MISTER LI on 2 Jun 2011, 17:15 
· 
ხორვატია-საქართველო, პროგნოზები
