ს.კ. რუსთავის "მეტალურგი", VII

ballack13

ხო მარა, ძალიან სწრაფი და ტექნიკურია, შეიძლება მაგისგან კარგი ფეხბურთელი დადგეს.. სად მიდის ნეტა..

სევასტი თოდუა რუსთავის "მეტალურგში"
11:57 13-01-2012

ქუთაისის "ტორპედოს" ექსკაპიტანი სევასტი თოდუა რამდენიმე დღეა, რუსთავის "მეტალურგთან" ერთად ვარჯიშობს. იმერულმა კლუბმა მასთან კონტრაქტი ორმხრივი შეთანხმების საფუძველზე 2011 წლის მიწურულს გაწყვიტა.

თავდაპირველი ინფორმაციით, თოდუასთან ერთად "ტორპედოდან" გაშვებული ფეხბურთელები ფოთის "კოლხეთში" უნდა გადაბარგებულიყვნენ, მაგრამ, როგორც ჩანს, 35 წლის მცველმა ძველ კლუბში დაბრუნება არჩია.

ვინაიდან ქვემოქართლელთა კაპიტანი ალექსანდრე კვახაძე კლუბმა ტრანსფერზე დააყენა, თოდუას, სავარაუდოდ, მისი ადგილის დაკავება მოუწევს.

შეგახსენებთ, რომ სევასტი რუსთავული კლუბის ღირსებას 2009-10 წლების სეზონში იცავდა. მასსა და "მეტალურგს" შორის კონტრაქტი ჯერ არ გაფორმებულა, ეს უახლოს მომავალში მოხდება.

ყოველდღიური სპორტული გაზეთი "ლელო"
ქართული ფეხბურთი - ჩემპიონატი
ავტორი : მაგდა კლდიაშვილი


--------------------------------

* * *
გიორგი თექთურმანიძე რუსთავში გადაბარგდა
15:03 14-01-2012

"მეტალურგმა" სეზონისთვის მზადება რუსთავში დაიწყო და ახლაც იქ აგრძელებს. კლუბის მმართველმა დირექტორმა ბუბა ტყავაძემ გვითხრა, რომ საგაზაფხულო ეტაპისთვის განსაკუთრებულ ცვლილებებს არ გეგმავდნენ და ასეც არის: ძირითადი ბირთვი შენარჩუნებულია, თუმცა, ცხადია, არიან წასულებიც და ახალწვეულებიც.

ბოლო და ცინცხალი ამბავი თბილისის "დინამოს" ცენტრალური ნახევარმცველის, გიორგი თექთურმანიძეს ტრანსფერია. 21 წლის ფეხბურთელის ამბავი "დინამოს" ესპანეთში გამგზავრების დღეს გაირკვა - ის რუსთაველებს შუერთდება.

"თბილისის "დინამოსთან" ჯერ საბოლოოდ არ შევთანხმებულვართ, მაგრამ, სავარაუდოდ, "მეტალურგში" იჯარით ითამაშებს გიორგი თექთურმანიძე, რომელსაც "დინამოდან" კარგად ვიცნობ. მასთან კონტრაქტს, ალბათ, სეზონის ბოლომდე გავაფორმებთ", - გვითხრა ტყავაძემ.

"მეტალურგის" ახალწვეულს კომენტარი კონტრაქტის გაფორმებისთანავე ვთხოვეთ:

- "დინამოდან" წამოსვლა შენი სურვილი იყო?
- ეს ორმხრივი სურვილი იყო, რადგან "დინამოში" ხშირად ვერ ვთამაშობდი და წასვლა იქ ვამჯობინე, სადაც მიწვევდნენ და, როგორც ვგრძნობ, მენდობიან.

- როდის გიმთავრდება "დინამოსთან" კონტრაქტი?
- ამაზე ლაპარაკი ჯერ ადრეა, კონტრაქტი 2015 წელს მიმთავრდება.

- ზოგადად, თბილისურ კლუბში როგორ გრძნობდი თავს?
- ვერ ვიტყვი, რომ გუნდს ვერ შევეწყვე, რადგან ფეხბურთელის კარიერაში ჩავარდნაც არის და აღმასვლაც. როდესაც "დინამოში" ამიყვანეს, მაშინ უფრო ხშირად გავდიოდი მოედანზე, ურიგოდ არც ევროპის ლიგაზე გამოვსულვარ, სადაც ალექს გარსიას დანიშვნის შემდეგაც მათამაშეს, მაგრამ პრაქტიკა აშკარად მაკლდა, ჩემს ასაკში კი ეს ძალიან მნიშვნელოვანია. თუ გაზრდა და წინსვლა გინდა, სკამზე ყოფნა არ გარგებს. ეს "დინამოშიც" კარგად ესმოდათ და ამიტომ დათანხმდნენ ჩემს იჯარას.

თუმცა ამაზე ლაპარაკი აღარ ღირს. ახლა "მეტალურგის" ფეხბურთელი ვარ და იმ ხალხთან ვიმუშავებ, ვინც მენდობა...

ცნობილია, რომ ტრანსფერზეა დაყენებული "მეტალურგის" 27 წლის ცენტრალური მცველი ლექსო კვახაძე, რომელიც ძირითადი შემადგენლობიდან დათხოვნის შემდეგ დუბლებში ვარჯიშობს.

"ჯერ კონკრეტული წინადადება არ მაქვს, ველოდები მოლაპარაკებების დასრულებას, ასე რომ, ახალს ვერაფერს გეტყვით", - გვითხრა კვახაძემ.

ცენტრალური მცველის პრობლემის მოგვარებას "მეტალურგი" ქუთაისის "ტორპედოდან" წამოსული სევასტი თოდუას დახმარებით აპირებს.

"თოდუასთანაც კონტრაქტს სეზონის დასრულებამდე გავაფორმებთ, ზაფხულიდან კი თავიდან დავილაპარაკებთ", - ამბობს ტყავაძე.

25 იანვრიდან რუსთაველები ანთალიაში გადაინაცვლებენ, იქ 6 თებერვლამდე დარჩებიან და ოთხ საკონტროლო შეხვედრას გამართავენ: 27 იანვარს - ტირასპოლის "შერიფთან", 30-ში - ყაზახურ "ასტანასთან", 2 თებერვალს - რუმინულ "სპორტულთან". მეოთხე მეტოქე ჯერ კიდევ ზუსტდება. ტყავაძის თქმით, ისიც, ალბათ, რუმინეთის უმაღლესი ლიგიდან იქნება.

კობა ჟორჟიკაშვილის შეგირდები სპარინგ-მატჩებს თურქეთამდეც ჩაატარებენ: 17 იანვარს ბოლნისის "სიონს" უმასპინძლებენ, 20-ში კი "ამერზე" გორის "დილას" შეხვდებიან.

ყოველდღიური სპორტული გაზეთი "ლელო"

ავტორი: მერაბ მამულაშვილი

This post has been edited by achi-anchabeli on 14 Jan 2012, 15:40

R1517GEO

მე როგორც ვიცი ფოთის კოლხეთში გადავიდა..

კვახაძე "ტორპედოში" გადავიდა, ორბელაძე კი "სპარტაკში" ისინჯება.

ესეც უცხოეთში არ მიდიოდა?

ჰა-ჰა შუა აზია გაექაჩა მაგრამ...

გიო81
არა უბრალოდ ტრანსფერზე დაყენების მიზეზი უცხოეთში წასვლის სურვილი არისო ფეხბურთელის მაშინ ითქვა

beqa331

მიზეზი ხო უნდა იყოს რაღაც

გიო81
ეგ რა თქმა უნდა მაგრამ მე მაინტერესებს დასახელებული მიზეზი რამდენად შეესაბამება სიმართლეს

კვახაძემ თვითონ მოითხოვა ტრანსფერზე დაყენება. როგორც ჩანს, ჰქონდა შემოთავაზება გეგუჩაძისგან. უცხოეთი არა ისა თქვენი თქმის არ იყოს შუა აზია, ჰა-ჰა უკრაინის რომელიმე ჩიმჩაირა გუნდი, სხვაგან სად უნდა წასულიყო.

წელი “მეტალურგმაც” მოგებით დაიწყო
http://www.worldsport.ge/Read.aspx?news=30085&lang=1

ამხანაგური თამაში

მეტალურგი-დილა 1-1

მეტალურგი: ბედიაშვილი(ბათიაშვილი46).დობროვოლსკი.გ.კვარაცხელია(ს.თოდუა46).მახვილაძე(გავაშელიშვილი46).ლ.ჯაფარიძე.ლ.რაზმაძე.ქავთარაძე(ხოხონიშვილი46).სეთურიძე(ჭედია46).თექთურმანიძე(ექვთიმიშვილი46).გეწაძე(ოთარიშვილი46).ტატანაშვილი(სიხარულიძე46)

გოლები:1-0.გ.კვარაცხელია(30). 1-1.დ.ჩაგელიშვილი(55)

კაი ბიჭია, ჩვენთან უკეთ იციან ფეხბურთელის გაზრდა ვიდრე იმ ფლაგმანეეეე-ში, იმედია გაქაჩავს

არ კმარა. კიდევ არის ძლიერი ფეხბურთელები საჭირო.

http://www.facebook.com/GeorgianFootball

ფოტოალბომი- რუსთავის საფეხბურთო გუნდები

http://www.facebook.com/media/set/?set=a.3...54176259&type=1


ვიდეოგალარეა - http://chkherimela.fanebi.com/?page_id=1052