http://worldsport.ge/Read.aspx?news=29983&lang=1დინამომ” “კაბილი” ალვაროს გოლით გაწყვიტა
15.01.2012 17:51
კატალონიურ ბარსელონაში შეკრებაზე მყოფმა თბილისის “დინამომ” ტესტ-მატჩი გამართა ალჟირის ყველაზე ტიტულოვან კლუბ “კაბილისთან”. ალექს გარსიას გუნდმა 1:0 იმარჯვა – გოლი ესპანელმა ნახევარმცველმა მიკელ ალვარომ გაიტანა, 79-ე წუთზე. ალვარომ დაახლოებით 18 მეტრიდან საჯარიმო დარტყმა მშვენივრად შეასრულა. მოკლედ, თბილისელებმა 2012 წელი მოგებით დაიწყეს.
ტექსტურ რეპორტაჟს “დინამოს” ოფიციალური საიტი აწარმოებდა და მისი ცნობით, დროის უმეტეს ნაწილში თბილისელები უპირატესობას ფლობდნენ.
შეხვედრის დასაწყისში ალჟირელებმა ძელს მოარტყეს ბურთი, ხოლო შემდეგ კარლეს კოტოს პასს ჩისკოს დარტყმა მოჰყვა - ოდნავ უზუსტო...
შესვენებაზე “დინამოს” თავკაცმა ალექს გარსიამ თითქმის მთელი შემადგენლობა შეცვალა. კარგი მომენტი ჰქონდა ალბერტ იაგუეს (ოდნავ ააცილა), ხოლო გოლზე უკვე ვთქვით. ალვარომ გიორგი ჩივაძის წაქცევისთვის დანიშნული ჯარიმა აქცია გოლად.
“კაბილი” ალჟირის 14-გზის ჩემპიონი და 5-გზის თასის მფლობელია, პლუს, ტიტულები არც აფრიკის კონტინენტის მასშტაბით აკლია: სამივე საკლუბო თასი (ჩემპიონთა თასი, აფრიკის თასი, კონფედერაციის თასი) აქვს მოპოვებული. მიმდინარე სეზონში “კაბილი” ჩემპიონატში მე-6 პოზიციაზეა.
დინამო: ლორია (ზარქუა 46) - ოდიკაძე (კახელიშვილი 65), ჰომოლა (კვეკვესკირი 46), თომაშვილი (ჯიღაური 65), ლომიძე (ხმალაძე 46) - კოშკაძე (ალვარო 46), ანდრეუ (პაპავა 46), ძარია (ჩივაძე 69) - კოტო (რობერტინიო 46), ჩისკო (იაგუე 46), მერებაშვილი (გურული 46).
როგორც ხედავთ, გურული გუნდთან ერთადაა და ერთი ტაიმი ითამაშა კიდეც. რაც შეეხება გოგიტა გოგუას, “დინამოს” საიტის ცნობით, ის რამდენიმე დღეში ჩაფრინდება ბარსელონაში. შეხსენებისთვის, თავად ფეხბურთელმა განაცხადა, რომ კლუბთან 1+2 კონტრაქტს მოაწერა ხელი.
გურულის გარდა, “დინამოში” პირველად ითამაშეს ესპანელმა საყრდენმა ნახევარმცველმა ანდრეუ გერაუმ, ახალგაზრდა გიორგი პაპავამ, გიორგი ჩივაძემ (ლეგენდარული ალექსანდრე ჩივაძის ვაჟი) და ასევე, ხელახალი დებიუტი ჰქონდა მშობლიურ კლბში გიორგი მერებაშვილს.
შემადგენლობას რომ შევხედოთ, ერთი რამ გვეუცნაურება. 65-ე წუთიდან მოყოლებული, “დინამო” ზეშემტევი სქემით თამაშობდა. ამპლუის მიხედვით, მხოლოდ ხმალაძე გახლდათ უკანახაზელი და საინტერესო ფაქტია... ისე კი, ნიკა კვეკვესკირს ხშირად უთამაშია მცველად და ერთ დროს არც გიორგი კახელიშვილისთვის იყო ეს ამპლუა უცხო.
“დინამოს” მომდევნო მეტოქეები პრიმერადივიზიონის “ესპანიოლი” და მესამე დივიზიონის კატალონიური რეგიონის ჩემპიონატის მონაწილე “ტერასა” იქნებიან.
ილია ნანობაშვილი
პრინციპში, მე იგივე ვარ მარად და მარად.. ადამიანების შეურაცხყოფაზე ვრეაგირებ..@irusha
პლეხანოველი მოგელა ამას დიდად ვერ ხედავდა,ჩასჩერებოდა ქვაფენილს და iქუდან თავამოყოფილ ბალახს და ფიქრობდა,ნახე როგორ დავიყვირე,ამის დედას ######ო
· 
FC DINAMO TBILISI . VOL 41, Merry Christmas And Happy New Year
