რახდება ბოლობოლო თქვენს თავს
ბათუმის "დინამოს" ამბიციური გეგმები: გერმანული შეკრება, ხმაურიანი ტრანსფერები
"ბათუმი", რომელმაც უმაღლესი ლიგის საგზური პლეი აუტის დაძაბული ბატალიების შედეგად მოიპოვა, მომავალი სეზონისთვის სამზადისს უახლოეს დღეებში შეუდგება.
გია გურულის გუნდი ჯერ ბათუმში შეიკრიბება, მალე კი საქართველოს რომელიმე კურორტზე გადაინაცვლებს.
ბათუმელებს ჯერ ხმაურიანი ტრანსფერები არ განუხორციელებიათ, მაგრამ როგორც ამბობენ, აჭარულ კლუბს გაზრდილი ბიუჯეტი ამის საშუალებასაც მისცემს.
პირველ ეტაპზე კი სელექციის პროცესი წარიმართება და "ბათუმის" მთავარი მწვრთნელი და მისი ასისტენტები პოტენციურ ახალგაზრდა ახალწვეულებს დააკვირდებდებიან.
მალე "ბათუმის" სატრანსფერო საქმიანობის შესახებ უფრო დეტალურ ცნობებსაც შევიტყობთ.
გია გურულმა "ლელოსთან" საუბარში არც უცხოურ შეკრებაზე გამგზავრება გამორიცხა. როგორც ბათუმელთა თავკაცმა გვითხრა, განიხილება გერმანიაში გამგზავრების ვარიანტი და ამ ჩანაფიქრის განხორციელება საკმაოდ რეალურად მიაჩნია.
რაც შეეხება დაანონსებულ ინვესტორს უკრაინიდან, მას ბათუმში კვლავ ელოდებიან და შესაძლოა, უახლოეს პერიოდში იქაურ კლუბს მძლავრი სპონსორი გამოუჩნდეს.
· 
"დინამო" ბათუმი, 1923
