საფეხბურთო კლუბმა თბილისის "დინამომ" ანდრო ჟორდანიას სახელობის დიღმის საწვრთნელ ბაზაზე ახალწვეულები წარადგინა.
29 წლის სლოვაკი მეკარე ლიბორ ჰრდლიჩკა "დინამოში" 12 ნომრიანი მაისურით ითამაშებს. თბილისის კლუბში გადასვლამდე ის ზაპოროჟიეს "მეტალურგში" გამოდიოდა.
22 წლის ბრაზილიელი მცველი რენე ფერეირა, რომელიც საქართველოს ეროვნული ჩემპიონატის პირველ წრეში "ზესტაფონში" თამაშობდა, "დინამოში" 25 ნომრიანი მაისურით იასპარეზებს.
27 წლის ესპანელმა თავდამსხმელმა მანუელ ონვუმ, რომლის ბოლო კლუბი "ოსასუნა" იყო, 9 ნომრიანი მაისური მოირგო.
24 წლის მცველი ვაჟა ტაბატაძე "დინამოში" 5 ნომრიანი მაისურით ითამაშებს. პირველ წრეში ტაბატაძე ქუთაისის "ტორპედოს" ღირსებას იცავდა.
21 წლის წლის ნახევარმცველ ვახტანგ ჭანტურიშვილს, რომელიც აქამდე ზესტაფონში გამოდიოდა, 77 ნომრიანი მაისური გადაეცა.
17 წლის თავდამსხმელი ბექა მიქელთაძე, რომლის ყოფილი გუნდი ასევე "ზესტაფონია", ახალ გუნდში 97 ნომრიანი მაისურით ითამაშებს.
24 წლის სერბი ნახევარმცველი სტეფან ბუკორაცი 20 ნომრიანი მაისურით იასპარეზებს. აქამდე იგი სერბეთში "დონი სრემში" გამოდიოდა.
ახალწვეულების წარდგენას ვერ დაესწრო 18 წლის ნახევარმცველი ოთარ კიტეიშვილი, რომელიც პირველ წრეში რუსთავის "მეტალურგში" გამოდიოდა. ის შეუძლოდაა და დიღმის საწვრთნელ ბაზაზე ამიტომ არ იმყოფებოდა.
"დინამოში" გააგრძელებს კარიერას 22 წლის ნახევარმცველი ჯაბა ჯიღაური, რომელიც თბილისელებს საჩხერის "ჩიხურაში" ჰყავდათ განათხოვრებული. გუნდთან ერთად ვარჯიშობს ბრაზილიელი გუგა. ის არ წარუდგენიათ, ვინაიდან ყოფილ კლუბ "ბოტაფოგოსთან" ფორმალობები დარჩა მოსაგვარებელი.
აქვე გეტყვით, რომ გუნდთან ერთად არ უვარჯიშიათ ტრავმირებულ გიორგი ჯანელიძეს და გიორგი პაპუნაშვილს.
http://www.worldsport.ge/ge/page/112589_tb...ulebi-waradginahttp://fcdinamo.ge/ge/news/?n=3389 
· 
☆დინამო☆თბილისი☆1925☆, D I N A M O , VOL85
