გიორგი ჯოხაძე: ,,გორის ,,დილა“ უეფასგან პასუხს ელოდება“
OPEN MIC: დასრულდა თუ არა გუნდის დაკომპლექტება?
გიორგი ჯოხაძე: გუნდის ძირითადი შემადგენლობა დაკომპლექტებულია, თუმცა ამ ეტაპზე კიდევ ვაკვირდებით რამდენიმე ფეხბურთელს. შესაძლებელია, რომ არსებულ შემადგენლობას სამი ლეგიონერი დაემატოს, მაგრამ მათი ვინაობის დასახელებისგან თავს შევიკავებ. გუნდი იმყოფება შეკრებაზე თურქეთში და ბუნებრივია, მწვრთნელი ახდენს დაკვირვებას და ცვლილებები სწორედ საჭიროებიდან გამომდინარე იქნება განხორციელებული.
OPEN MIC: მენეჯმენტის ფორმირების პროცესი მოვიდა სისრულეში?
გიორგი ჯოხაძე: სალიცენზიო კადრების ძირითადი ნაწილი შერჩეულია. დიდ ცვლილებებს აღარ ველოდებით, თუმცა მარკეტინგის კუთხით შესაძლოა მოხდეს კვალიფიციური კადრის დამატება. მიუხედავად იმისა, რომ სამწვრთნელო შტაბი ჩამოყალიბებულია, ვარჩევთ ადამიანს ასისტენტ- მწვრთნელის პოზიციაზე, რომელიც სრულყოფილად ფლობს ინგლისურ ენას.
OPEN MIC: როგორია გორის დილას მიზნები ახალ სეზონში?
გიორგი ჯოხაძე: მენჯმენტის მხრიდან მთავარი მწვრთნელისთვის დასახულია პრო ლიგა 1-ის სამეულში დასრულება და თასის ფინალში მოხვედრა. ვეცდებით, ორივე მიმართულებას დავუთმოთ სათანადო ყურადღება, მაგრამ პირორიტეტს ვანიჭებთ ევროტურნირებზე მოხვედრას.
OPEN MIC: პრიორიტეტია ევრიტურნირები, თუმცა გორის ,,დილა“ ამჟამად არის სხვა იურიდიული სუბიექტი, არ აქვს უფლება მონაწილეობა მიიღოს უეფას ეგიდით ჩატარებულ ტურნირებში. რა მექანიზმი არსებობს ამ რეალობის შესაცვლელად?
გიორგი ჯოხაძე: ეს პრობლემა ნამდვილად დგას კლუბის წინაშე. პირველ რიგში, უნდა მოვხვდეთ სამეულში და სპორტული შედეგით მოვიპოვოთ ევროტურნირებზე მონაწილეობის უფლება. რაც შეეხება მეორე მხარეს, როგორც მე მაქვს ინფორმაცია, გამონაკლისის დაშვება შესაძლებელია, ამისთვის კი ჩვენ ყველაფერს ვაკეთებთ ფედერაციასთან შეთანხმებით. ყველა საბუთი, რაც მოთხოვნილი იყო უეფასგან, ნოტარიულად ნათარგმნი და გადაგზავნილია, ახლა ველოდებით უაფასგან პასუხს. ამაზე მეტის თქმა ამ საკითხზე არ შემიძლია.
OPEN MIC: ეს პრობლემა ჰქონდა თუ არა გათვალისწინებული ინვესტორს, როდესაც იძენდა გორის ,,დილას“?
გიორგი ჯოხაძე: მე გუნდის საქმიანობაში ახალი წლიდან ჩავერთე და შესაბამისად, ამ საკითხზე საუბარი არ მქონია, მაგრამ იქედან გამომდინარე, რომ ინვესტორებს საფეხბურთო კუთხით მუშაობის გამოცდილება აქვთ, აღნიშნული პრობლემის შესახებ ინფორმირებულნი იქნებოდნენ.
OPEN MIC: როგორ გამოიყურება ინვესტორების გრძელვადიანი გეგმა?
გიორგი ჯოხაძე: გრძელვადიან პერიოდში იგეგმება ბრძოლისუნარიანი გუნდის შექმნა, რომელშიც აქცენტი ახალგაზრდა ფეხბურთელებზე გაკეთდება. პირველ ეტაპზე, შესაძლებელია, გადაიწიოს აკადემიის მშენებლობამ სავაჯიშო მოედნების მოწყობის აუცილებლობის გამო. მოგეხსენებათ, გორის ცენტრალური სტადიონი ჩვენ არ გვეკუთვნის და მასზე მუდმივი სამწვრთნელი პროსესის გამო საფარი დაზიანდება, რომელიც დამატებით პრობლემებს შექმნის. მიზნად ვისახავთ ბუნებრივსაფარიანი სტანდარტული მოედნის გაკეთებას, სადაც ივარჯიშებენ ჩვენი ასაკობრივი გუნდები. ამის შემდგომი ეტაპი იქნება ბაზის და აკადემიის მშენებლობა.
OPEN MIC: რატომ ვერ მოხერხდა კლუბის ახალ მფლობელებსა და გუნდის მთავარ მწვრთნელ უჩა სოსიაშვილს შორის შეთანხმება?
გიორგი ჯოხაძე: გულწვფელად გეტყვით, რომ ინვესტორებს ძალიან დადებითი განწყობა აქვთ უჩა სოსიაშვილის მისამართით. მენეჯმენტი მადლობელია ყოფილი მთავარი მწვრთნელის მიერ გაწეული სამუშაოსთვის და მიღწვებისთვის, თუმცა ვინაიდან გუნდის განვითარება უცხოელი ფეხბურთელების ჩამოყვანას უკავშირდებოდა, მასთან შეთანხმებით იქნა მიღებული გადაწყვეტილება, რომ ამ ეტაპზე უცხოელი მთავარი მწვრთნელის მოყვანა გუნდისთვის უკეთესი იქნებოდა.
http://jako.fm/ka/giorgi-jokhadze-goris-di...pasukhs-elodeba
პატარა გორი დიდია! ჩემპიონობის ღირსია! VOL.5, გორის "დილა" 2014-15 სეზონის ჩემპიონია
