სკანდალი - მუჯირის უხეში შეცდომა - ოლიმპის ნაცვლად დასჯილი რუსთავი
საქართველოს ფეხბურთის ფედერაციის გენერალურმა მდივანმა, დავით მუჯირმა, რამდენიმე დღის წინ, საგანგებო ბრიფინგი გამართა და მარტვილის ”მერანი” და რუსთავის ”მეტალურგი” უეფას რეპორტის საფუძველზე, ერთპიროვნული გადაწყვეტილებით, ათი ათას ლარიანი ჯარიმებითა და -6-6 ქულით დასაჯა.
როგორც გაირკვა, გადაწყვეტილება სფფ-ს გენერალურმა მდივანმა ისე გამოაცხადა, რომ ამის შესახებ არც უწყების იურიდიულმა სამსახურმა იცოდა, რომელსაც, წესისამებრ, უეფას რეპორტი უნდა ჩაბარებოდა და სადისციპლინო კომიტეტზე განხილვას უნდა დასწრებოდა და არც კლუბებმა, რომელთაც, სფფ-ს დებულებით, ამ განხილვაში მონაწილეობა უნდა მიეღოთ.
სფფ-ს იურიდიული სამსახურის უფროსი, კესო ჩხიკვაძე, რამდენიმე დღეა დავით მუჯირმა, ასევე პირადი გადაწყვეტილებით, სამსახურიდან გაანთავისუფლა. როგორც goal.ge-მ დაადგინა, მასთან ამ თემაზე კონსულტაციაც არავის გაუვლია. ასე რომ მომხდარიყო, ფედერაცია ამ უგუნურ და უკანონო გადაწყვეტილებას აცდებოდა.
Goal.ge-მ მოიპოვა უეფას რეპორტის ნაწილი, რომელსაც ბეჭედი არ აქვს და მისი ავთენტურობაც კითხვია ნიშნებს ბადებს, მაგრამ ამ რეპორტში საუბარია არა რუსთავის ”რუსთავზე”, არამედ რუსთავის ”ოლიმპზე”, რომელიც დღეს საერთოდ აღარ არსებობს, ”ოლიმპი” ”მეტალურგად” გადაკეთდა და გასულ წელს ბანკროტად გამოცხადდა. რუსთავის ”რუსთავი” აბსოლუტურად სხვა გუნდია და იმ კლუბის სამართალმემკვიდრეს არ წარმოადგენს.
Goal.ge ”რუსთავის” დირექტორს, ბადრი მაჭავარიანს დაუკავშირდა და აღნიშნულ თემაზე განმარტებების გაკეთება სთხოვა. მაჭავარიანი აცხადებს, რომ რცხვენია იმ ფედერაციის წევრობა, სადაც მას მტრად მიიჩნევენ.
- უეფას რეპორტი რუსთავის ”ოლიმპს” ეხებოდა, ადასტურებთ ამას?
- რეპორტში რამდენიმე თამაშია მოყვანილი, მაგრამ, კერძოდ ჩვენს რეპორტში ყურადღება გამახვილებული იყო 2015 წლის 8 მაისის შეხვედრაზე, ”მერანსა” და ”რუსთავს” შორის.
- რუსთავის ”ოლიმპი” ხომ ადრე იყო, შემდეგ ”მეტალურგი” დაერქვა...
- დიახ, ის ტრანსფორმირდა ”მეტალურგად”. ჯერ იყო ”ოლიმპი”, შეეცვალა სახელი და დარჩა რუსთავის ”მეტალურგად”. ეს ცვლილება უეფაში რომ არ განხორციელდა, არაფერია. ის სამართალმემკვიდრე იყო იმ გუნდის, მისი სპორტული მიღწევები გაგრძელდა და ა.შ. რა თქმა უნდა, მაგრამ ჩვენ ვართ აბსოლუტურად სხვა გუნდი. რეესტრის თანახმად, 2015 წლის 3 ივლისს დავფუძნდით.
- ანუ რეპორტში საერთოდ სხვა გუნდზეა საუბარი და თქვენ არაფერ შუაში ხართ?
- კონკრეტული თამაში, რომელზეც საუბარია, ჩვენსა და ”მარტვილს” შორის შედგა, მაგრამ ამ ამბის წინაისტორია, ბექგრაუნდი, რატომაც გახდა განსაკუთრებული დაკვირვების საგანი, ეს არის იმიტომ, რომ ”ჩვენ” უკვე ვიყავით ადრინდელ რეპორტში, ისტორიაში ხსენებული. ”ჩვენ” ბრჭყალებში. რუსთავის ”რუსთავი” და ჩვენ სხვადასხვა კლუბები ვართ. ეს მატჩი პირველი იყო ჩვენსა და ”მარტვილს” შორის.
- დაარღვია თუ არა სფფ-ს გენმდივანმა უდანაშაულობის პრეზუმფცია?
- ეს არის დანაშაული კი არა, ყველაფერი ერთად აღებული. არაკომპეტენტურობის ზეიმი. რეპორტი მიიღეს, ჩაგვისაფრდნენ, არასდროს, არც ერთ ეტაპზე ღირსადაც არ ჩაგვთვალეს გვესაუბრა. ასე ვიცი, მტერთან ურთიერთობენ. უსაფრდებიან, შეიტყუებენ, მახეს დაუგებენ. საკმაოდ ვწუხვარ იმის გამო, რომ ვარ იმ ფედერაციის წევრი, რომელსაც თავისი წევრები მტრად მიაჩნია.
- საუბარი იყო, რომ ამ ამბის შემდეგ ფონდმა დაფინანსება შეგიწყვიტათ, ახლა კი ისევ აღგიდგინათ, რა იცით ამაზე?
- ამას ვერც დავადასტურებ და ვერც ვ
უარვჰყოფ. ეს ინტერვიუ, სამწუხაროდ, ბატონი მუჯირის, გზაში ვიყავი და არ მომისმენია. რამდენადაც ვიცი, თქვა, რომ ჩვენ ასეთი ტიპის გუნდებს ვერ დავაფინანსებთო, ხელს ვერ შევუწყობთო, როდესაც მათ საიტზე შევედი, იქ არ იყო აღნიშნული ეს.
- ფედერაციის იურიდიულ დეპარტამენტიდან თუ მიიღეთ რამე ინფორმაცია?
- როგორ შეიძლებოდა მათთან მესაუბრა. ვინ არის იურიდიული დეპარტამენტი, კესო ჩხიკვაძე? - ის რომ
მოვიკითხე, უკვე აღარ მუშაობდა ფედერაციაში. ჩემ დასკვნას ვდებ აქ - ეს რომ კესოსთვის ეკითხათ, ასეთი აბსურდული დოკუმენტი არ შედგებოდა.
- იმიჯის შელახვისთვის მიმართავთ სასამართლოს?
- საქმე ის არის, რომ ჯერ-ჯერობით, მხოლოდ სპორტული თემატიკით ვსაუბრობთ. შემდეგ, რა თქმა უნდა, გადავა სხვა სიბრტყეში.
- ჯარიმის გაუქმებასა და 6 ქულის დაბრუნებას ითხოვთ?
- რა თქმა უნდა! აღვნიშნე, რომ ამ თემას ასე ვერ შევურიგდები.
სანამ გუნდები საკუთარი სიმართლის დამტკიცებას ცდილობენ, საქართველოს ფეხბურთის ფედერაციის პრეზიდენტს, ლევან კობიაშვილს ფეხბურთისთვის არ სცხელა. ის საარჩევნო ბატალიებშია ჩაბმული, დავით მუჯირი კი, საკუთარი აბსურდული გადაწყვეტილებებისგან თავს საფრანგეთის დედაქალაქში გაერიდა.
იმედია, სფფ-ში წერა-კითხვის და ორი ”ღერი” ინგლისურის მცოდნე ვინმე ჯერ კიდევ შემორჩათ...
http://goal.ge/mtavari-ambebi/50838-skanda...li-rustavi.htmlრაღაცას ხლართავს goal.ge
მერანი-რუთავი, საერთო თემა
