მარტვილის მერანი, ფეხბურთი

დამაჯერებელი გამარჯვება ამხანაგურ მატჩში
„ზუგდიდი“ 1-3 „მერანი“
სანაკრებო პაუზით ისარგებლა მარტვილის „მერანმა“ და ამხანაგური შეხვედრა გამართა. ჩვენი გუნდი სტუმრად ზუგდიდში ადგილობრივ „ზუგდიდს“ დაუპირისპირდა და 3-1 დაამარცხა მეტოქე.
მეგრული კლუბების პაექრობა „ზედაეწერში“ უხვგოლიანი გამოდგა და მარტვილელების კარნახით წარიმართა. ანგარიში შეხვედრის დებიუტში რევაზ ბარაბაძემ ეფექტური დარტყმით გახსნა. „მერანელთა“ ფორვარდმა ირაკლი რუხაძის კარგი გადაცემის შემდეგ, მკერდით გაისწორა ბურთი და ყუმბარისებური გასროლით 1-0 გახადა ანგარიში სტუმართა სასარგებლოდ.
სამ წუთში, პირველი გოლის ასისტმა თავად გაიტანა, ვანო კურდღელაშვილის იდეალური პასი კარგად გამოიყენა რუხაძემ.
21-ე წუთზე კი ბენჟამინ ტეიდმა შორეული, ზუსტი გადაცემით მეკარესთან პირისპირ გაიყვანა ირაკლი რუხაძე, რომელმაც ზუგდიდელთა კიპერს თავზე გადაუგდო ბურთი და დუბლი გაიფორმა.
მასპინძლებმა 31-ე წუთზე პრესტიჟის გოლი გაიტანეს. აღნიშნულ ეპიზოდში ფხაკაძე აღმოჩნდა კარგ პოზიციაზე. ზუგდიდელმა შემტევმა მეკარეს ტექნიკურად აუარა გვერდი და შეხვედრის საბოლოო შედეგი დააფიქსირა.
მეორე ტაიმში ანგარიში არ შეცვლილა და მატჩი მარტვილელების გამარჯვებით 3-1 დასრულდა.
1 სექტემბერი. 17:00. „ზედაეწერი“. ამხანაგური მატჩი.
„ზუგდიდი“ (ზუგდიდი) – „მერანი“ (მარტვილი) 1-3 (1-3)
გოლები: 0-1 რევაზ ბარაბაძე (7’), 0-2, 0-3 ირაკლი რუხაძე (10, 21’), 1-3 გიორგი ფხაკაძე (31’).
„ზუგდიდი“: ჯომიდავა, შაკიროვი, აკობია, კირსანოვი, რუხაია, იგნატენკო, ქირია, ლაშხია, სამუშია, კუკავა, ფხაკაძე.
სათადარიგო: გელაშვილი, ხარბედია, წოწონავა, ნ. ქირია, თ. აკობია, ჟვანია, მახარაძე, წყაროზია, გადელია.
მთავარი მწვრთნელი: დავით მახარაძე.
„მერანი“: კულუა, ორბელაძე, ლომაშვილი, გეგია, მელიავა, ტეიდი, ჩალაძე, კურდღელაშვილი, რუხაძე, ტრეტიაკი, ბარაბაძე.
სათადარიგო: ჟიშკარიანი, მაისაშვილი, ჩუკურა,ლუკავა, ც. ფაცაცია, ვ. ფაცაცია.
მთავარი მწვრთნელი: მიხეილ მახვილაძე.
მთავარი მსაჯი: იაგო მალიშავა ....... ----- ....... ედემი ელერჯია
* * *
ზუგდიდი 1 - 3 მერანი მარტვილი https://www.facebook.com/fcmerani/?fref=ts
* * *
[img]JJiLqipbiKIo[/img მიხეილ მახვილაძე: ჩვენი მიზანი "მერანის" უმაღლეს ლიგაში დაბრუნებაა
* * *
ეროვნული ლიგა 2-ის ლიდერი მარტვილის "მერანი" ახლახან 39 წლის მიხეილ მახვილაძემ ჩაიბარა. მან ამ პოსტზე გიორგი მიქაძე შეცვალა. ზოგადად, "მერანი" თავისი გაქანებითა და სტანდარტებით ისეთი კლუბია, მასზე უმაღლეს ლიგაში ასპარეზობა ალალია და სადღეისოდ ამ საგზურის მოპოვების მთავარი პრეტენდენტიცაა.

მარტვილურ კლუბს წლების განმავლობაში თავისი ნიშა უჭირავს ქართულ საკლუბო ფეხბურთში. მის წიაღში არაერთი ისეთი მოთამაშე აღიზარდა, წარმატებით რომ ითამაშა როგორც საქართველოს ახალგაზრდულ, ისე ეროვნულ ნაკრებში. ამ პრესტიჟს შენარჩუნება სჭირდება...

"მერანის" საფეხბურთო ინფრასტრუქტურა ისეთია, თვალს რომ ახარებს. კოხტა სტადიონს უკანასკნელ ხანს ასეთივე დამხმარე ნაგებობები შეემატა, ფეხბურთელები კი "მერანს" მართლაც კარგი ჰყავს...

ბევრი ელოდა, რომ მარტვილურ კლუბს რომელიმე უცხოელი სპეციალისტი ჩაიბარებდა. სწორედ ამას აცხადებდნენ "ლელოსთან" საუბარში კლუბის ხელმძღვანელები, მაგრამ მოხდა სხვა რამ - "მერანის" შეფობამ არჩევანი დამწყებ სპეციალისტ მიხეილ მახვილაძეზე შეაჩერა.

მას ზურგს ხანგრძლივი საფეხბურთო კარიერა უმაგრებს. წლების განმავლობაში იყო ქუთაისის "ტორპედოს" ერთ-ერთი ლიდერი. წარმატებით დაუცავს სხვადასხვა ქართული კლუბის ღირსება. მისთვის "მერანი" პირველი გამოწვევაა დიდ ფეხბურთში.

გუშინ "ლელო" მარტვილელთა ახალ დამრიგებელს დაუკავშირდა...

"დამეთანხმებით, დამწყები მწვრთნელისთვის დიდი პატივი, გამოწვევა და პასუხისმგებლობაა, ხელმძღვანელობდე ისეთ ტრადიციულ და წარმატებულ კლუბს, როგორიცაა მარტვილის "მერანი".

რა თქმა უნდა, ჩვენი მიზანი უმაღლეს ლიგაში დაბრუნებაა. ყოველგვარი გადაჭარბების გარეშე, მიმაჩნია, რომ გუნდს რეალურად შესწევს ამის ძალა. "მერანში" არის ჯანსაღი კონკურენცია, გუნდი ერთ მუშტადაა შეკრული და, ვფიქრობ, ჩვენ შეგვიძლია, მივიდეთ დასახულ მიზნამდე...

მინდა, დიდი მადლობა გადავუხადო გიორგი მიქაძეს და მის სამწვრთნელო შტაბს. მათ გუნდში დიდი მოცულობის სამუშაო ჩაატარეს. სხვა რომ არაფერი ვთქვათ, "მერანს" გასულ სეზონში ერთი ნაბიჯი დააკლდა ევროტურნირებამდე. მოგეხსენებათ, გუნდმა საქართველოს თასის

გათამაშების ფინალში იასპარეზა.

რა თქმა უნდა, მე არ ვაპირებ ახალი ველოსიპედის გამოგონებას, გარკვეული სიახლეები კი აუცილებლად იქნება. თქვენც იცით, რამდენი კაციცაა, იმდენი აზრია ფეხბურთზე. მეც მაქვს ჩემი ხედვა და, ალბათ, ამაში გასაკვირი არაფერია...

ამ ეტაპზე ვერ დავინახე სამწვრთნელო შტაბში ცვლილებების აუცილებლობა. ის ხალხი, ვინც "მერანის" სამწვრთნელო შტაბში მუშაობს, საკუთარ საქმეს ძალიან კარგად აკეთებს. შეიძლება, ჩვენ არ ვიცნობდით ერთმანეთს, მაგრამ მერე რა, რომ ერთმანეთის ძმაკაცები და ახლობლები არ ვართ? მთავარია, ჩვენი შეხედულებები ერთმანეთს ბოლომდე ემთხვევა. დარწმუნებული ვარ, ცხოვრება ერთმანეთთან კიდევ უფრო დაგვაახლოებს. ჩემთვის არაფერს ნიშნავს ის, ვიცნობ და ვმეგობრობ თუ არა ამა თუ იმ ადამიანთან. მთავარია, ის კარგად აკეთებდეს საქმეს...

ალბათ, ვერ დავასახელებთ ადამიანს, რომელსაც არ მოსწონს შემტევი, სანახაობრივი ფეხბურთი. სპორტის ნომერ პირველი სახეობა ხომ იმითაა უნიკალური, რომ ის დიდებულ სანახაობას წარმოადგენს. რა თქმა უნდა, მეც შემტევი ფეხბურთის მოყვარული ვარ, მაგრამ გუნდის თამაშში ბალანსი აუცილებელია.

როცა ჩვენ ვსაუბრობთ გუნდზე, როგორც ერთიან, მთლიან ორგანიზმზე, უნდა გავითვალისწინოთ, რომ დაცვაცა და შეტევაც არის ფეხბურთის ნაწილი, რომელთა გონივრული გამოყენება განაპირობებს გუნდის წარმატებას. ერთს მეორის გარეშე ფასი ეკარგება და პირიქით...

ორი აზრი არაა, გუნდი ცოცხალი ორგანიზმია და ყველა კლუბი შეიძლება იდეაში გაძლიერდეს. რა თქმა უნდა, არც "მერანია" გამონაკლისი. ამ ეტაპზე კონკრეტული კანდიდატურები არ არიან. თუ გამოჩნდება ამის შანსი, სიამოვნებით. "მერანი" მაღალი მიზნებისთვის იბრძვის, გუნდში არის კონკურენცია, თუმცა კიდევ ერთხელ ვამბობ: გაძლიერება არავის აწყენს", - გვითხრა მიხეილ მახვილაძემ.

* * *
მიხეილ მახვილაძე: ჩვენი მიზანი "მერანის" უმაღლეს ლიგაში დაბრუნებაა
* * *
* * *
https://www.sportall.ge/fekhburthi/fekhburt...dabrunebaa.html

ს.კ მერანი მარტვილი

„მერანმა“ „გურია“ გაანადგურა!
{„გურია“ – „მერანი“ 0-5}
განსხვავებული მიზნებით და სატურნირო მდგომარეობით შეხვდნენ ლანჩხუთში გამართულ შეხვედრას გუნდები. „მერანი“ უმაღლესი ლიგისკენ მიილტვის, „გურია“ კი ადგილის შესანარჩუნებლად იბრძვის. არსებული რეალობიდან გამომდინარე, გურულებს მედგარი წინააღმდეგობა უნდა გაეწიათ ლიდერისთვის, თუმცა მიხეილ მახვილაძის შეგირდებმა მატჩის დებიუტშივე მოუწყვეს შტურმი მასპინძლებს და შედეგად, შეხვედრა სულ რაღაც 10 წუთის დაწყებული იყო, როცა მარტვილელები 3-0 ანადგურებდნენ მეტოქეს...
მოწინააღმდეგე გუნდის რბევას მე-2 წუთზე, რევაზ ბარაბაძემ დაუდო სათავე. შეტევა გიორგი გეგიამ წამოიწყო, მის გადაცემის შემდეგ, სერგეი ტრეტიაკმა თავით რევაზ ბარაბაძეს გადაუმისამართა ბურთი,რომელმაც ეფექტური დარტყმით შანსი არ დაუტოვა კიპერს.
მე-5 წუთზე „მერანის“ „ცხრიანმა“ საჯარიმო დარტყმა შეასრულა ზუსტად და დუბლი გაიფორმა.
მე-11 წუთზე ლაშა ჩალაძის კარგი პასი გამოიყენა ვანო კურდღელაშვილმა, რომელიც ტექნიკური თამაშით გამოირჩევა, „მერანელმა“ ცრუ მოძრაობით ჩამოიშორა მეკარე და კიდევ უფრო სოლიდური გახადა ანგარიში.
58-ე წუთზე ისევ ბარაბაძის ჯერი დადგა. „მერანის“ ფორვარდმა ამჯერადაც საჯარიმო დარტყმა შეასრულა საფირმოდ და მიმდინარე ჩემპიონატში მე-15, დღევანდელ შეხვედრაში კი მე-3 გოლი მიითვალა.
მატჩის საბოლოო ანგარიში მარტვილელთა გუნდის ბომბარდირმა, სერგეი ტრეტიაკმა დააფიქსირა. უკრაინელმა ლაშა ჩალაძის ზუსტი გადაცემის შემდეგ, მარჯვენა დაბალ კუთხეში გაიტანა.
დღევანდელ შეხვედრაში ჩვენი გუნდის რიგებში დებიუტი ჰქონდა, ცოტნე ფაცაციას, რომელიც 17 წლისაა და „მერანის“ 19-წლამდე გუნდში ასპარეზობს. მარტვილელთა ახალწვეული საკმაოდ პერსპექტიული ფეხბურთელია, ფაცაციამ 10 წუთი დაჰყო მოედანზე და კარგი შთაბეჭდილება დატოვა.
ამრიგად ჩვენმა გუნდმა დიდი ანგარიშით დაამარცხა სტუმრად „გურია“.
25 ტურის შემდეგ „მერანი“ 56 ქულით ლიდერობს სატურნირო ცხრილს და 4 ქულით უსწრებს უახლოეს მდევარ „რუსთავს“, თუმცა რუსთაველებს ერთი თამაშით ნაკლები აქვთ ჩატარებული.
8 სექტემბერი. 17:00. ლანჩხუთი. “ევ. შევარდნაძე“.
„გურია“ (ლანჩხუთი) – „მერანი“ (მარტვილი) 0:5 (0:3)
გოლები: 0:1’ 0:2’ რევაზ ბარაბაძე (2’ 5’), 0:3 ვანო კურდღელაშვილი (11’), 0:4 რევაზ ბარაბაძე (59’), 0:5 სერგეი ტრეტიაკი (68’).
„გურია“: პოლტავეცი, იაგრი (არქანია 56’), პაოლო, სილვა, ბერიძე, კიკნაველიძე, ჭანკოტაძე, ტელა, მოსიძე (წერეთელი 85’), შარიქაძე (კ) (ნარიაშვილი 53’), ბაკურაძე.
სათადარიგო: ხვედელიძე, კოტრიკაძე, ლაბაძე, დუდუჩავა.
მთავარი მწვრთნელი: გია გურული.
„მერანი“: კულუა (მამალაძე 46’), ორბელაძე (კ), ლომაშვილი, მელიავა, გეგია, ჩალაძე, ტეიდი, რუხაძე, კურდღელაშვილი (ჯიქია 71’), ტრეტიაკი, ბარაბაძე (ც. ფაცაცია 78’).
სათადარიგო: თოლორდავა, ლუკავა, ვ. ფაცაცია.
მთავარი მწვრთნელი: მიხეილ მახვილაძე.
მთავარი მსაჯი: გიორგი ყრუაშვილი........... ------------ ........ ედემი ელერჯია

ანდრო გიორგაძე რატომ არ ჩანს ვორსკლაში?

ვინმემ ხომ არ იცის რამე?

Super Member მალე გამოჩნდება ძირითადში როგორც გავიგე თვითონ დაანონსაა.
* * *
......... გურია 0-5 მერანი მარტვილი

...............გურია 0-5 მერანი მარტვილი

მახვილაძის მახვილი და შეუჩერებელი მარტვილელები!
{„მერანი“ – „სამგურალი“ 4-1}
მარტვილის „მერანი“ მოწინააღმდეგე გუნდების განადგურებას აგრძელებს. მახვილაძის შეგირდებმა ლანჩხუთში 5-0 მოგებული მატჩის შემდეგ, წყალტუბოს „სამგურალს“ უმასპინძლეს და ისევ დიდი ანგარიშით გაიმარჯვეს.
ეროვნულ ლიგა 2-ის გათამაშებაში, „მერანელები“ დამაჯერებლად მიიწევენ წინ და ასე თუ გააგრძელეს, ქართულ საფეხბურთო ელიტაში მათ აღზევებას არაფერი უდგას წინ. სატურნირო ცხრილში ქულათა სხვაობა 6 ქულამდე გაზარდა „მერანმა“ უახლოეს მდევართან. თუმცა „რუსთაველები“ თავიანთ მატჩს ხვალ გამართავენ.
რაც შეეხება დღევანდელ დაპირისპირებას, მიუხედავად ანგარიშისა, პირველ ნახევარში წყალტუბოელები ცუდად ნამდვილად არ გამოიყურებოდნენ და რამდენიმე ხიფათიც შექმნეს ჩვენს კართან, თუმცა მოწოდების სიმაღლეზე იყო ჩვენი გუნდის ახალგაზრდა კიპერი, გოგი კულუა. მატჩის დაწყებიდან 20-25 წუთში „მერანი“ უპირატესობას დაუფლა და მასპინძლების კარნახით მიმდინარეობდა თამაში, რასაც გოლი მოჰყვა.
38-ე წუთზე „მერანის“ მთავარმა სნაიპერმა სერგეი ტრეტიაკმა რაფაელ ჩუკურას გადაცემის შემდეგ, საჯარიმოს მისადგომებიდან ძლიერ დაჰკრა და მარჯვენა დაბალ კუთხეში მოათავსა ბურთი - 1:0.
მეორე ტაიმი 10 წუთის დაწყებულიც არ იყო, როცა ვანო კურდღელაშვილმა შენიშნა, რომ ოდნავ წინ იყო გამოსული სტუმართა კიპერი და თავზე გადაუგდო ბურთი კუჭუხიძეს - 2:0.
78-ე წუთზე პირველი გოლის ასისტმა რაფაელ ჩუკურამ მესამე გოლი შეაგდო „სამგურალის“ კარში, თუმცა მანამდე უნდა ავღნიშნოთ ვაჟა ლომაშვილის ბრწყინვალე თამაში, რომელმაც სამ მეურვეს ტექნიკურად აუარა გვერდი და ჩინებული პასით მეკარესთან პირისპირ გაიყვანა ნიგერიელი.
სტუმრებმა 89-ე წუთზე პრესტიჟის გოლი გაიტანეს, თავი დემურ ჩიხლაძემ გამოიჩინა. შეხვედრის საბოლოო ანგარიში კი შეცვლაზე შემოსულმა ირაკლი რუხაძემ დააფიქსირა. „მერანელმა“ კიჭი მელიავას გრძელი პასის შემდეგ, მოჭრილი, ზუსტი დარტყმით 4:1 გახადა ანგარიში.
ამრიგად, „მერანი“ აგრძელებს წარმატებულ სვლას. ჩვენი გუნდი მომდევნო ტურის მატჩს 21 სექტემბერს გამართავს ზედაეწერში, მეტოქე ს.კ. "ზუგდიდი“ იქნება.
16 სექტემებრი. 17:00. მარტვილი. „მურთაზ ხურცილავა“.
„მერანი“ (მარტვილი) – „სამგურალი“ (წყალტუბო) 4-1 (1-0)
გოლები: 1:0 სერგეი ტრეტიაკი (38’), 2:0 ვანო კურდღელაშვილი (53’), 3:0 რაფაელ ჩუკურა (78’), 3:1 დემურ ჩიხლაძე (89’), 4:1 ირაკლი რუხაძე (90+2’).
„მერანი“: კულუა, ორბელაძე (კ), მაისაშვილი, გეგია, მელიავა, ჩალაძე, ტეიდი, რაფაელი, კურდღელაშვილი (თოლორდავა 84’), ტრეტიაკი (რუხაძე 63’), ბარაბაძე (ლომაშვილი 72’).
სათადარიგო: მამალაძე, ლომაშვილი, ჯიქია, რუხაძე, თოლორდავა, ლუკავა, ც. ფაცაცია.
მთავარი მწვრთნელი: მიხეილ მახვილაძე.
„სამგურალი“: კუჭუხიძე, კაკუშაძე, ენდელაძე, ბიბილაშვილი (კ), გოგიჩაიშვილი, შალამბერიძე, ბანძელაძე, გოგუაძე, კილაძე, ჩავჩიძე (ლაღაძე 55’- ჩიხლაძე 72’), ციცხვაია (ბრეგვაძე 77’).
სათადარიგო: ნუცუბიძე, ბრეგვაძე, ნერგაძე, ჩიხლაძე, ა. ფანცხავა, ზ.ფანცხავა, ლაღაძე.
მთავარი მწვრთნელი: გია გიგატაძე.
გაფრთხილება: შალამბერიძე (15’), ბარაბაძე (43’), ჩუკურა (50’), ბრეგვაძე (85’).
მთავარი მსაჯი: ბორის გლუშჩუკი. ......... ----- ......... ედემი ელერჯია

მერანი 4-1სამგურალი https://www.facebook.com/fcmerani/photos/pc...?type=3&theater

ogafa2

ეს სერგი ორბელაძეაო არ მითხრა

imereti
http://www.fcmerani.ge/?menuid=4&lang=1 ეგ არის

JorgeFonseca
მერე ეგერ არ იყო ნორჩი დინამოელი?

imereti

82-ში ყოფილა დაბადებული ჯერ ადრეა მაგისთვის ნორჩი დინამოელი

This post has been edited by JorgeFonseca on 18 Sep 2017, 21:55

JorgeFonseca

82-ის პოსლე ავგუსტა დაბადებულები არ მიიღებიან მანდ

imereti რატო გაგიკვირდა ხუთი წელია აქ თამაშობს
* * *
https://www.facebook.com/pg/fcmerani/videos...f=page_internal

ogafa2

მე ის გამიკვირდა, კიდე რომ თამაშობს...