მარტვილის მერანი, ფეხბურთი

TORPEDO20 ნიკამ გუშინ მაგრად ითამაშა სამგურალთან როგორც მაგას ჩვევია სამივე გოლის გატანაში დიდი წვლილი მიუძღვის.წართმევაზე არა მგონია ძვირი დაგიჯდებათ.
* * *
"მერანმა" სეზონი გამარჯვებით დაასრულა, პლეი-ოფში კი ვანის "სულორს" შეხვდება
გარდამავალი ჩემპიონატის ბოლო ტურის შეხვედრას ორივე გუნდის მხრიდან განსაკუთრებული მოტივაცია არ ახლდა. "მერანს" პლეი-ოფში თამაში უკვე განაღდებული ჰქონდა, "სამგურალმა" კი ლიგა პრო2-ის საგზური უკვე მოიპოვა.
მიუხედავად ამისა, დღეს "მურთაზ ხურცილავაზე" ჩატარებული მატჩი საკმაოდ საინტერესო გამოვიდა. დისკვალიფიკაციის გამო ვერ ითამაშეს ანდრო გიორგაძემ და ვაჟა ლომაშვილმა. ხაბელაშვილი ინდივიდუალურად ვარჯიშობს, გეწაძე კი, ხობის "კოლხეთთან" საშიანო მატჩში მიღებული ტრავმის შემდეგ, პირველად შეუერთდა თავი გუნდს. "მერანელმა" მოედანზე 8 წუთი დაჰყო.
ანგარიში 33-ე წუთზე გახსნეს მარტვილელებმა, საბანაძემ მეტოქეს ორთაბრძოლა მოუგო და ქანთარიას დაუგორა ბურთი, "მერანის" ფორვარდმა ერთი შეხებით გადაგზავნა ხაინდრავას კარში ბურთი 1-0.
39-ე წუთზე გიორგი გეგიას კარგი გადაცემის შემდეგ, შოთა ჯიქიამ დაარტყა მახვილგონივრულად, თუმცა ამჯერად გადარჩა "სამგურალი".
ჯიქიამ მაინც გაიტანა თავისი გოლ(ებ)ი, 42-ე წუთზე პირველი გოლის ავტორმა ასისტობა ითავა, ზვიად ქანთარიას მოზომილი პასის შემდეგ, შოთა ჯიქიამ ეფექტურად დაარტყა, "სამგურალის" კიპერი უძლური იყო 2-0.
ტაიმის მიწურულს კი იმავე ჯიქიამ საბოლოო ანგარიში დააფიქსირა, შეტევა კიჭი მეილავამ წამოიწყო ფლანგიდან, რომლის პასით ნიკოლოზ საბანაძემ ქანთარიასთან გაითამაშა კედელი და მეკარე ფაქტიურად მოტყუებული ჰყავდა, როცა თამაშის წესების დარღვევით შეაჩერეს მერანელი. დოგრაშვილმა თერთმეტმეტრიანი დანიშნა. პენალტი შოთა ჯიქიამ შეასრულა ზუსტად 3-0.
ანგარიშდან გამომდინარე, მეორე ნახევარში გიორგი მიქაძემ ფეხბურთელებს დასვენების საშუალება მისცა, საბანაძის, ორბელაძის და შულაიას ნაცვლად, ჩუბითიძე, წოწონავა და გეწაძე შემოიყვანა მოედანზე. რომელთაც აქტიურობა არ აკლდათ, განსაკუთრებით საგულისხმოა 81-ე წუთი როდესაც ერთგვარი შტურმი მოაწყვეს "მერანის" ფეხბურთელებმა "სამგურალის" კართან, ახლო მანძილიდან ზედიზედ ორჯერ დაარტყა წოწონავამ, მცველებმა გამოიტანეს ბურთი საჯარიმოდან, მესამედ გეწაძის უძლიერესი დარტყმა მოიგერია ხაინდრავამ თავგანწირვით.
საბოლოოდ მატჩი "მერანის" აბსოლუტური უპირატესობით და შესაბამისად დამაჯერებელი ანგარიშით გამარჯვებით 3-0 დასრულდა. "მერანმა" ჩემპიონატი მეოთხე ადგილზე დაასრულა და დებულების თანახმად ცნობილია პლეი-ოფში ჩვენი გუნდის მეტოქე, რომელიც "წითელ ჯგუფში" მეხუთე ადგილზე გავიდა. ეს გუნდი გახლავთ ვანის "სულორი. მარტვილელები ვანში 28 ნოემბერს ჩავლენ, განმეორებითი მატჩი კი 2 დეკემბერს გაიმართება მარტვილში. ამ წყვილის გამარჯვებული, მეორე პელიოფში "ლიახვი"-ბორჯომის" გამარჯვებულს დაუპირისპირდება, ეს მატჩები 5 და 9 დეკემბერს შედგება და გუნდი რომელიც ამ ბარიერსაც გადალახავს, პრო ლიგა 2-ში ითამაშებს.
25 ნოემბერი. 14:00. მარტვილი. "მურთაზ ხურცილავა"
"მერანი" (მარტვილი) - "სამგურალი (წყალტუბო) 3-0 (3-0)
გოლები: 1-0 ქანთარია (33'), 2-0, 3-0 ჯიქია (42', 45')
"მერანი": მამალაძე, ორბელაძე © (წოწონავა 46'), ციმაკურიძე, მელიავა, გეგია, ტეიდი, ჯიქია, ჩალაძე, შულაია (გეწაძე 82'), საბანაძე (ჩუბითიძე 58'), ქანთარია.
სათადარიგო: კუპატაძე, ჯიჯელავა.
მთავარი მწვრთნელი: გიორგი მიქაძე
"სამგურალი": ხაინდრავა, ჯანაშია, კაკუშაძე, ბიბილაშვილი ©, ენდელაძე, შალამბერიძე, გოგიჩაიშვილი, ყიფიანი, ბანძელაძე (ხვადაგიანი 46'), კანდელაკი (ჩიხლაძე 46'), ღონღაძე (დ. ჩიხლაძე 46').
სათადარიგო: კუჭუხიძე, ლაღაძე, გაგოშიძე, კუხალაშვილი.
მთავარი მწვრთნელი: გია გიგატაძე
მთავარი მსაჯი: გიორგი დოგრაშვილი ........... ---------- ....................ედემი ელერჯია
* * *
„ა“ - 28.11 ლიახვი - ბორჯომი
„ბ“ - 28.11 ჭიათურა - მეშახტე
„გ“ - 28.11 კოლხეთი ხობი - სქური
„დ“ - 28.11 სულორი - მერანი

ლომივით ლომაშვილი და მნიშვნელოვანი გამარჯვება ვანში! „სულორი“ 0-1 „მერანი“
პროლიგა 2-ში მოსახვედრად პლეი-ოფის პირველი მატჩი წარმატებულად დაასრულა მარტვილის „მერანმა“. როგორც მოგეხსენებათ, პლეი-ოფის მატჩები ორ-რაუნდიანია და დიდი მნიშვნელობა აქვს სტუმრად გამართული პირველი შეხვედრის შედეგს, რათა განმეორებით დაპირისპირებაში უფრო კომფორტულად იგრძნოს მასპინძელმა გუნდმა თავი.
ვანელებმა ბოლო ტურის ჩათვლით ყველაფერი გააკეთეს იმისთვის, რომ პლეი-ოფში ეთამაშათ და მოედანზე საკმაოდ აქტიური და მოტივირებული გამოვიდნენ მასპინძლები, მაგრამ „მერანმა“ მალევე მოიპოვა სათამაშო უპირატესობა და წესით მატჩის მიწურულამდე უნდა გადაეწყვიტათ შეხვედრის ბედი სტუმრებს, მაგრამ გადამწყვეტ მომენტში აკლდათ სიზუსტე "მერანელებს".
მე-5 და მე-9 წუთზე სახიფათო მომენტი გაცვალეს მეტოქეებმა, ჯერ მელიავას პასის შემდეგ ჩალაძემ ვერ დაარტყა ზუსტად, საპასუხო ეპიზოდი კი ჭრელაშვილს ჰქონდა, რომელმაც სტანდარტული შეასრულა კარგად, ამ დროს მამალაძე იყო დამაჯარებელი.
32-ე წუთზე "სულორი" გაშვებულ გოლს გადაურჩა, ნიკოლოზ საბანაძე, რომელიც გუნდის ბომბარდირობასთან ერთად, ზუსტი საგოლე გადაცემებითაც გამოირჩევა, კარგი პასი გაუკეთა ბენჟამინ ტეიდს, ნიგერიელი ლეგიონერის დარტყმა არაზუსტი გამოდგა.
47-ე წუთზე ხურციძემ აკაკი შულაიას არ გაატანინა ახლო მანძილიდან. ათ წუთში კი იგივე შულაიას კარგი ჩაწოდების შემდეგ, "მერანის" კაპიტანმა სერგი ორბელაძე თავით ზუსტად კი დაარტყა კარში, მაგრამ მეკარეს პოზიცია შერჩეული ჰქონდა და ბურთს ადვილად დაეუფლა.
58-ე წუთზე ანდრო გიორგაძემ სახიფათო სტანდარტული შეასრულა, "მერანის" ტანმაღალმა მცველმა საჯარიმოს მისადგომებიდან უძლიერესად გაისროლა, მეკარემ ბურთი ხელში ვერ შეიმაგრა და უკუაგდო, ახლო მანძილიდან კი ციმაკურიძის დარტყმა არაზუსტი იყო.
62-ე წუთზე საბანაძემ გამჭოლი ზუსტი გადაცემით ჩალაძე გაიყვანა კარგ პოზიციაზე, ჩალაძის დარტყმის შემდეგ "სულორის" კიპერი დაეუფლა ბურთს.
83-ე წუთზე შეცვლაზე შემოსული ზვიად ქანთარია გაიჭრა ფლანგზე, წინ გამოსული მეკარე მარტივად მოატყუა და ცარიელ კარში გადაგზავნა ბურთი, სანტიმეტრებში აცდა ბურთი კარს..
„სულორის“ კარში გოლი მწიფდებოდა და შეხვედრის 89-ე წუთზე დააგვირგვინეს მარტვილელებმა მათი უპირატესობა. კუთხურიდან ბურთი კიჭი მელიავამ მოაწოდა ზუსტად, საჯარიმოში კი ლომაშვილმა დაასწრო ყველას და აუღებელი თავური დარტყმით "სულორის" კარის ბადე შეარხია.
მთავარმა მსაჯმა გიორგი ყრუაშვილმა ძირითად დროს 4 წუთი დაამატა, მსაჯის მიერ კომპენსირებულ დროში არაფერი შეცვლილა და „მერანმა“ პირველ რაუნდში უმნიშვნელოვანესი გამარჯვება მოიპოვა. მეორე, განმეორებით შეხვედრას მერანი“ 2 დეკემბერს „მურთაზ ხურცილავაზე“ გამართავს ვანის „სულორის“ წინააღმდეგ.
28 ნოემბერი. 14:00. ვანი. პლეი-ოფი პირველი მატჩი
„სულორი“ (ვანი) – „მერანი“ (მარტვილი) 0-1 (0-0)
გოლი: ვაჟა ლომაშვილი (89’)
„მერანი“: მამალაძე, ორბელაძე ©, გიორგაძე, მელიავა (გეწაძე 90+1), გეგია, ლომაშვილი, ციმაკურიძე, ტეიდი, ჩალაძე, შულაია (ჯიქია 86’), საბანაძე (ქანთარია 70’).
სათადარიგო: კუპატაძე, ჯიჯელავა, წოწონავა, ჩუბითიძე
მთავარი მწვრთნელი: გიორგი მიქაძე
„სულორი“: ხურციძე, ბრეგვაძე (ფირანაშვილი 90+3), ნიკოლაძე, კილაძე, ჭანკვეტაძე, სამშეიშვილი, ამბროლაძე (ტვილდიანი 65’), ჭრელაშვილი, კვასხვაძე, როხვაძე, ჩხეტიანი ©.
სათადარიგო: ღვინიანიძე, შენგელია, შეწირული, გვეტაძე, თორაძე.
მთავარი მწვრთნელი: გიგა ნიკოლეიშვილი
გაფრთხილება: ამბროლაძე (43'), ჭანკვეტაძე (49’), ნიკოლაძე (55’), მელიავა (60’), ჩალაძე (60’), კვასხვაძე (75’), ტვილდიანი (81’),
მთავარი მსაჯი: გიორგი ყრუაშვილი ............... ---------- ............. ედემი ელერჯია

შეიძლება ვანიც იმსახურებდეს სხვებზე მეტად პრო ლიგა 2–ში ყოფნას, მაგრამ არჩევანი თუ დადგა, რა თქმა უნდა მერანი ჯობია. უკვე ჩამოყალიბებული და შეთამაშებული გუნდია. აბა თქვენ იცით.

კარგი ფრომ პირველი თამაში მოუგიათ..
მამენტ არც დამიშვია რომ პირველ ლიგაში არ დარჩება მერანი
შემდეგ სეზონში უმაღლესში !

jaro87 beqa331 გაიხარეთ (IMG:http://b.pix.ge/p/11bsr.jpg)

ogafa2
გილოცავთ!
ნამდვილად გგულშემატკივრობთ...

sergo_38_fcz გაიხარე თქვენთვისაც მომელოცოს

ვახ, ვახ 6--0


არ მეგონა ამხელა ანგარიშით თუ მოიგებდით, გილოცავთ

don gajetino გაიხარე .....ნიკოლოზ საბანაძემ 6-0 გახადა ანგარიში
"მერანი" 6-0 "სულორი". (IMG:http://b.pix.ge/o/la2cr.jpg)

გაზაფხულიდან პრო ლიგა 2-იც საკმაოდ წარმომადგენლობითი იქნება და დიდი იმედი მაქვს მერანი უკვე პრო ლიგა 1-ში გადმოსვლისთვის იბრძოლებს, თუმცა უნდა ითქვას რომ ბორჯომის სახით ყველაზე ძლიერი მეტოქე შეგხვდათ. სამწუხაროა რომ თქვენიდან ერთ-ერთი გავარდება. (

ერთ-ერთი გავარდება ....... მერანი 5 ში მიიღებს ბორჯომს
* * *
(IMG:http://a.pix.ge/i/pj8g2.jpg)

მერანმა” ”სულორი” არ დაინდო!
”მერანი” 6-0 ”სულორი”
პლეი-ოფის პირველი, ორ-რაუნდიანი ეტაპი ზედმეტი პრობლემების გარეშე მარტივად გადალახა მარტვილის ”მერანმა”, ამ წყვილში თავიდანვე გარკვეული იყო ფავორიტი გუნდი და ორი მატჩის ჯამში შვიდი უპასუხო გოლი გაუტანეს ”მერანელებმა” ”სულორს”.
დღევანდელი მატჩი კი 15 წუთით გვიან დაიწყო, სტუმრებს მარტვილში ჩამოსვლა შეაგვიანდათ და შეხვედრის მთავარმა მსაჯმა დავით ხარიტონაშვილმა ფეხბურთის ფედერაციასთან შეთანხმებით 13:15 წუთზე მისცა მატჩის დაწყების სასტვენის ნიშანი.
პირველი ნახევარი მაღალი ტემპით არ გამოირჩეოდა, მაგრამ ბურთს ძირითადად მასპინძლები ფლობდნენ და შესაბამისად სახიფათო მომენტებსაც მარტვილელები ქმნიდნენ.
37-ე წუთზე ”მერანის” კარგი პრესინგის შედეგად, მისავე საჯარიმოთან აკაკი შულაიამ აართვა ბურთი მეტოქეს და კარგი შეტევა წამოიწყო, საბოლოოდ გიორგი ციმაკურიძის დარტყმა კუთხურზე მოიგერიეს სტუმრებმა, ერთ წუთში მაინც გაიტანა ”ციმამ” თავისი გოლი, ”სულორის” საჯარიმოში არსებული არეულობით ისარგელა ”მერანელმა” და ანგარიში გახსნა 1-0.
თუ პირველ ტაიმში მეტ-ნაკლებად ”დაინდეს” მასპინძლებმა მოწინააღმდეგე, მეორე ნახევარში ”მერანმა” გაილაღა.
55-ე წუთზე შეცვლაზე შემოსულმა ზვიად ქანთარიამ ასისტობა ითავა და მისი პასით აკაკი შულაიამ ახლო მანძილიდან ორამდე გაზარდა ანგარიში 2-0.
72-ე წუთზე, კიდევ ერთი შეცვლაზე შემოსული ფეხბურთელის დროც დადგა. შოთა ჯიქიამ ხუთ წუთში ორჯერ დაამწუხრა ხურციძე. 72-ე წუთზე ისევ ქანთარია გამოდგა ასისტი, ჯიქიამ მოჭრილი დარტყმით დაბალ კუთხეში შეაგდო. 76-ე წუთზე კი იგივე ჯიქიამ დუბლი გაიფორმა.
77-ე წუთზე საგოლე გადაცემების ავტორმა ზვიად ქანთარიამ თავადაც გახსნა პირადი ანგარიში აღნიშნულ მატჩში 5-0.
საბოლოო შედეგი კი ნიკოლოზ საბანაძემ დააფიქსირა, გიორგი ციმაკურიძის ზუსტი გადაცემის შემდეგ, თავური დარტყმით დალაშქრა სტუმართა კარი ”მერანის” ბომბარდირმა 6-0.
ამ გამარჯვებით ”მერანმა” პროლიგა 2-ში მოსახვედრად პლეი-ოფის პირველი ეტაპი გაიარა, მეორე ეტაპზე ჩვენი გუნდი ”ბორჯომს” დაუპირისპირდება. ეს პლეი-ოფიც ორ-რაუნდიანი იქნება და ამ წყვილში გამარჯვებული გუნდი ითამაშებს პროლიგა 2-ში. ”მერანი” ”ბორჯომის” წინააღმდეგ 5 დეკემბერს ითამაშებს მარტვილში, განმეორებითი შეხვედრა კი 9 დეკემბერს ბორჯომში გაიმართება.
2 დეკემბერი. 13:15 მარტვილი. პლეი-ოფი
”მერანი” (მარტვილი) - ”სულორი” (ვანი) 6-0 (1-0)
გოლები: 1-0 გიორგი ციმაკურიძე (38’), 2-0 აკაკი შულაია (55’), 3-0, 4-0 შოთა ჯიქია (72’, 76’), 5-0 ზვიად ქანთარია (77’), 6-0 ნიკოლოზ საბანაძე (87’)
"მერანი": მამალაძე, ორბელაძე © (ქანთარია 46’), გიორგაძე, მელიავა (ჯიქია 61’), გეგია, ლომაშვილი, ციმაკურიძე, ტეიდი, შულაია (გეწაძე 70’), საბანაძე, ჩალაძე.
სათადარიგო: კუპატაძე, ჯიჯელავა, ჩუბითიძე, წოწონავა.
მთავარი მწვრთნელი: გიორგი მიქაძე
”სულორი” ხურციძე, ბრეგვაძე, კილაძე, შენგელია (ახვლედიანი 59’), ჩახუნაშვილი, ჭრელაშვილი, ჩხეტიანი, როხვაძე (მაღლაკელიძე 80’), ტვილდიანი (მამასახლისი, 81’) ძაგნიძე, ფირანაშვილი.
სათადარიგო ღვინიანიძე, ტრაპაიძე.
მთავარი მწვრთნელი: გიგა ნიკოლეიშვილი
გაფრთხილება: კილაძე (26’), ციმაკურიძე (33’), ჩხეტიანი (37’).
მთავარი მსაჯი: დავით ხარიტონაშვილი ...............---------......... ედემი ელერჯია
* * *
(IMG:http://a.pix.ge/e/hqmty.jpg)
* * *
"მერანი" პროლიგა2-ს მიუახლოვდა
პლეი-აუტის ფინალური, პირველი ეტაპის მატჩში, დამაჯერებელი ანგარიშით 2-0 დაამარცხა მარტვილის "მერანმა" "ბორჯომი" და დიდი ნაბიჯი გადადგა პროლიგა2-ში გადასასვლელად.
შეხვედრა მარტვილელების სრული უპირატესობით მიმდინარეობდა და დაცვაში ჩამჯდარ მეტოქეს პირველ ნახევარში დიდად არ შეუწუხებია დავით კუპატაძე.
21-ე წუთზე ლაშა ჩალაძის ზუსტი პასის შემდეგ, "მერანის ფორვარდმა ნიკა საბანაძემ დააწინაურა თავისი გუნდი 1-0.
მეორე ნახევარში რამდენიმე რეალური მომენტი შექმნეს მარტვილელებმა, მაგრამ მეორე გოლი შეხვედრის მიწურულს გავიდა. 85-ე წუთზე შეცვლაზე შემოსულმა შოთა ჯიქიამ, კიჭი მელიავას კარგი გადაცემის შემდეგ უშანსოდ დატოვა "ბორჯომის" კიპერი 2-0.
საბოლოოდ მატჩი "მერანის" გამარჯვებით 2-0 დასრულდა და განმეორებითი შეხვედრის წინ, რომელიც 9 დეკემბერს ბორჯომში გაიმართება, კარგი უპირატესობა მოიპოვა ჩვენმა გუნდმა.
როგორც მოგეხსენებათ პლეი-აუტის ამ ეტაპიდან გასული გუნდი მომავალი წლიდან ლიგაპრო2-ში ითამაშებს და უმაღლეს ლიგაში გადასვლისთვის იბრძოლებს. ასე, რომ გიორგი მიქაძის გუნდი ძალიან ახლოსაა დასახული მიზნის მიღწევასთან და სეზონის წარმატებულად დასრულებასთან.
5 დეკემბერი. 13:00. მარტვილი. პლეი-აუტი ფინალი (I მატჩი)
"მერანი" (მარტვილი) - "ბორჯომი" (ბორჯომი) 2-0 (1-0)
გოლები: 1-0 ნიკა საბანაძე (21'), 2-0 შოთა ჯიქია (85')
"მერანი": კუპატაძე, ორბელაძე ©, ციმაკურიძე, მელიავა, გიორგაძე, გეგია, ლომაშვილი, ტეიდი, ჩალაძე, შულაია, საბანაძე.
შეცვლაზე შევიდნენ: ჯიქია, ქანთარია, გეწაძე
სათადარიგო: მამალაძე, წოწონავა, ჩუბითიძე, ჯიჯელავა
მთავარი მსაჯი: ლაშა სილაგავა ............. ---------- .......... ედემი ელერჯია

(IMG:http://a.pix.ge/n/i1e51.jpg) ...........................
* * *
(IMG:http://b.pix.ge/d/xpobm.jpg)
* * *
(IMG:http://b.pix.ge/c/4b1kx.jpg) .......................................

„მერანმა“ პროლიგა 2 „მცხეთა პარკზე“ გაინაღდა
პლეი-აუტის დასკვნითი ეტაპის, განმეორებითი მატჩი „ბორჯომს“ საკუთარ კედლებში უნდა ეთამაშა, მაგრამ უამინდობის გამო ეს შეხვედრა მცხეთაში გაიმართა. ვერ ვიტყვით, რომ ცუდად ემოქმედა აღნიშნულ ფაქტს ნომინალური მასპინძლებისთვის, რადგან 29-ე წუთზე თედიაშვილის დუბლით ბორჯომელები 2-0 ამარცხებდნენ სეზონის ერთ-ერთ საუკეთესო გუნდს და დავით ყიფიანის სახელობის თასის ფინალისტს.
ამ გუდებს შორის გამართული პირველი მატჩი მარტვილში „მერანის“ გამარჯვებით 2-0 დასრულდა და დღევანდელ შეხვედრაში ზედმეტად თავდაჯერებული გამოვიდა „მერანი“, ზოგადად თამაშის ტემპიც დაბალი იყო საწყის წუთებში. სტუმრებისთვის პირველი საფრთხე 24-ე წუთზე შეიქმნა, მატვილელებმა საკუთარ საჯარიმოში ითამაშეს არადამაჯერებლად და თედიაშვილმა ამით ისარგებლა, ახლო მანძილიდან გახსნა ანგარიში 1-0.
გაშვებული გოლიდან ხუთ წუთში, კუთხურიდან ნოდარ კიკნაველიძემ მოაწოდა ბურთი, „მერანის“ საჯარიმოში "ექს-მერანელმა" დავით ციცხვაიამ თედიაშვილს გაუკეთა პასი და თედიაშვილმაც დუბლი გაიფორმა 2-0. პირველ ტაიმში "მერანმა" მეტ-ნაკლებად სახიფათო მომენტები შექმნა, მაგრამ გამოსვლებზე კიკნაძე დამაჯერებელი იყო.
მეორე ნახევარში გიორგი მიქაძის გუნდი უფრო მოტივირებული გამოვიდა. იმისთვის, რომ მარტვილელებს საფრთხე განემუხტათ, საჭირო იყო ერთი გოლის გატანა, 52-წუთზე განაპირა მცველმა გიორგი გეგიამ, რომელიც რამდენიმე მატჩია საუკეთესო თამაშით გამოირჩევა, მოწინააღმდეგე გუნდის შეტევა ჩაშალა და კარგი შეტევა წამოიწყო, იერიში ჩალაძემ გააგრძელა, რომლის იდეალური პასითაც მეკარესთან პირისპირ აკაკი შულაია გავიდა, მაგრამ მისი დარტყმის მერე მცირე მანძილით აცდა ბურთი კარს, არადა გოლის გატანა მართებდა „მერანელს".
მეორე ნახევარში მარტვილელებმა მეტოქეს პოზიციები მთლიანად დაათმობინეს და მეორე ტაიმში მხოლოდ ერთი გუნდი უტევდა გამუდმებით. „ბორჯომმა“ კი დროის გაყვანზე დაიწყო ფიქრი, მიუხედავად იმისა, რომ შეხვედრის ასეთი შედეგით დასრულების შემთხვევაში დამატებითი დრო დაინიშნებოდა.
62-ე წუთზე აკაკი შულაიას გადაცემის შემდეგ, ჩვენი გუნდის ნიგერიელმა ლეგიონერმა ბენჟამინ ტეიდმა ამ სეზონში ყველაზე მნიშვნელოვანი გოლი გაიტანა „მერანისთვის“. ტეიდმა დაბალ კუთხეში ზუსტად დაურტყა კიკნაძეს და დიდი სიხარული მოუტანა მარტვილელებს.
დარჩენილ დროში „ბორჯომი“ შეეცადა შეტევაზე გადასვლას, მაგრამ ბორჯომელებს ამისთვის არც ძალა ჰქონდათ შემორჩენილი და ისიც იცოდნენ, რომ ერთი გოლით თამაშს ვერ გადაარჩენდნენ.
საბოლოოდ „მერანმა“ მოიპოვა გამარჯვება საერთო ჯამში (3-2) და პროლიგა 2- ში მომავალი სეზონიდან სწორედ ჩვენი გუნდი ითამაშებს.
9 დეკემბერი. 13:00. პლეი-აუტი. ფინალი (II მატჩი) „მცხეთა პარკი“
„ბორჯომი“ (ბორჯომი) - „მერანი“ (მარტვილი) 2-1 (2-3)
გოლები: თედიაშვილი (24’, 29’) ტეიდი (62’)
"მერანი": კუპატაძე, ორბელაძე, გიორგაძე, მელიავა, ციმაკურიძე (ჯიქია 77'), გეგია, ლომაშვილი, ტეიდი, ჩალაძე (გეწაძე 84') შულაია, საბანაძე (ქანთარია 77')
სათადარიგო: მამალაძე, წოწონავა, ხაბელაშვილი, ჯიჯელავა.
მთავარი მწვრთნელი: გიორგი მიქაძე
„ბორჯომი“: კიკნაძე, ქარდავა, კილაძე, ხუმარაშვილი, კიკნაველიძე, ჯოჯუა, თედიაშვილი, ბურძენაძე, პავლიაშვილი, ტორონჯაძე, ციცხვაია.
სათადარიგო: შეყრილაძე, შენგელია, საიკოუ, კობესაშვილი, შაყულაშვილი, მასზი.
მთავარი მწვრთნელი: კობა თედიაშვილი
მთავარი მსაჯი: ბაკურ ნინუა ........... --------- ........... ედემი ელერჯია

* * *
(IMG:http://b.pix.ge/e/u3rf1.jpg) .....................................................
* * *
(IMG:http://b.pix.ge/y/sonrz.jpg) .....................................
* * *
................................... ........................................... ......................................................

კი გაგჭირვებიათ ბოლო თამაშში.

გილოცავთ და წარმატებებს გისურვებთ პრო 2ში.