კი, ჩემი გამოთვლებით კი ჯობდა სახლი, მაგრამ გარკვეული დაშვებების შემთხვევაში.
შუქის ფულს ყველა რენტაზე არ იხდი, მე ბოლოში არ ვიხდიდი, მანამდე კიდევ 100 დოლარიც არ გამომდიოდა. სახლში კი უტილიტებში 500 დოლარზე მეტს ვიხდი, კიდევ 500 დოლარს ქონების გადასახადს. ანუ, სახლის ყოველთვიური ხარჯები მხოლოდ 500 დოლარით ნაკლებია 1,500 დოლარიან ქირაზე და თუ მორტგიჯის პროცენტი ამაზე მეტია, შეიძლება საკმაო წაგებაშიც გადახვიდე.
ფაილი ვერ ვიპოვნე, მაგრამ არ დამეზარა რიცხვების თავიდან შეყრა
მაგალითად, 700 ათას დოლარიან, 30 წლიან მორტგიჯს თუ გამოიტან 4%-ად, თვეში 3,300 დოლარამდე უნდა გადაიხადო, საიდანაც საშუალოდ 1,400 დოლარი მორტგიჯის პროცენტზე მოდის. ანუ, ამ შემთხვევაში ქირასთან შედარებით ხარჯები თვეში 900 დოლარით მეტი გაქვს, რაც 30 წლის განმავლობაში 300 ათასზე მეტია. ჰოდა, მართალია 30 წლის მერე სახლი შენია, მაგრამ ეს სამასი ათასი კიდევ 54 წელი დაგიფინანსებდა ქირასა და სახლს შორის ხარჯების სხვაობას.
სხვაც უამრავი ფაქტორია. სახლში შეიძლება ბეისმენტი გააქირავო, რაც დაახლოებით 1,000 დოლარ შემოსავალს და უამრავ დავიდარებას და სახლაფორთოს მოგიტანს. სამაგიეროდ ძალიან ბევრი ერთჯერადი ხარჯი გამოგიხტება, მაგალითად ჩვენ ენოტი ჩაგვისახლდა სხვენში და გამოგდება 350 დოლარი დაგვიჯდა. სახურავის გამოცვლა უკვე ვახსენე, კიდევ შეიძლება ბეისმენტი დაგეტბოროს, სარემონტოც უამრავი იქნება, მითუმეტეს, რაც უფრო ძველდება სახლი.
კიდევ, 30 წლის განმავლობაში სახლის ღირებულება და პროცენტი შეიძლება მკვეთრად შეიცვალოს ორივე მიმართულებით. ღირებულების ცვლილება ყოველთვიურ გასავალზე არ მოქმედებს, მაგრამ გაყიდვა თუ დაგჭირდა, შეიძლება დიდ წაგებაში გადავარდე (ან დიდი მოგება ნახო, თუ ღირებულება გაიზარდა). სამაგიეროდ, პროცენტის ცვლილება ეგრევე შენს ყოველთვიურ ხარჯებს ურტყამს (განახლების მერე). მაგალითად, 4-ის ნაცვლად 5 პროცენტი რომ გახდეს, მორტგიჯის პროცენტები 1,400-იდან 1,800 დოლარამდე ხტება. ქირა მეტნაკლებად სტაბილურია, სახლმა კი შეიძლება აგაშენოს და შეიძლება დაგაქციოს.
ანუ, ისე მარტივად არაა საქმე, რომ ქირაში 1,500-ს ყრი და სახლში მთელი ფული ქონებაში იბანდება.
· 
კანადა - Canada, # 4
