ველომოგზაურობა, მოგზაურობა ველოსიპედით

გამოცდილების გაზიარება
იდეები
რჩევები
სამოტივაციო ვიდეოები
და ველომოგზაურობასთან დაკავშირებული ყველაფერი, რაც გაგიხარდებათ



* * *




This post has been edited by akkai on 13 Mar 2026, 16:19

ჩემი ოცნებაა :love:
ჯერ მეწყვილე ვერ ვნახე, მარტო მოვიწყენ თორემ წავიდოდი.

თინეიჯერობაში ჯუმბერ ლეჟავა გავიცანი და ისეთ ამბებს ჰყვებოდა, მას შემდეგ ველოთი მსოფლიოს გარშემო მოგზაურობა ოცნებად მექცა.

Heart_of_Darkness
მსოფლიოს გარშემო მოგზაურობისთვის მზადმყოფი თანამგზავრის პოვნა მართლა ძალიან რთულია
მითუმეტეს ისეთი თანამგზავრის, რომელთანაც თავს კარგად იგრძნობ
ასეთი ადამიანი ცხოვრების თანამგზავრზე უფრო დიდი და ძვირფასი საჩუქარი მგონია

როგორი საზოგადოებაა
კაცი ხომ კაცი ჰყავთ, ქალი - ქალი და გეი - გეი, დამატებით ველობილიკიც კი ველობილიკი აქვთ
https://www.facebook.com/share/r/1DG6NgX982/

აბა ჩვენთან ვერ გაიგებ, რომელი ბილიკი რომელ გზას უერთდება და რომელ ბორდიურს ახტება

მაგ საქმისთვის რაც უნდა გადაიხადო ველოსიპედში, მაგ ფასად კემპერი მოგივა, მეც მყავს 300 ლარიანი რაღაც ორმაგი დისკებით 26 ზომა, მარა მითხრეს შორ მანძილებზე არ გამოდგებაო და რავიცი, ვფიქრობ და ჯერ ვერაფერი გადამიწყვეტია

მოგზაურობას ნაკლებად უკავშირდება, მაგრამ ჩემი უსაყვარლესი ვიდეოა, არ ვიცი ფინქბაიკიდან როგორ ჩავსვა. სამწუხაროდ, უკეთესი ხარისხით ვერსად ვერ ვნახე

all my friends are sick yeah

არ მგონია ძნელად ასასრულებელი ოცნება. საქართველოში ბევრი ახალგაზრდაა (და არა მარტო) გატაცებული ველოთი, ფბ-ს ჯგუფებში ხშირად უდევთ ხოლმე გასვლების სურათები.
ისედაც, ქალაქგარეთ, თბილისიდან საკმაოდ შორს, სულ მხვდებიან ხოლმე ველომოყვარულები.

დასტურ, თანამედროვე სამყაროში, კარგი (ნორმალური) ველო ძალიან ძვირი სიამოვნება გახდა, ახალში მინიმუმ 1500 ევრო მაინც გინდა.
სულ მაინტერესებდა, რატომ ღირს ველოები ასეთი ძვირი, რომელი ფაქტორები განაპირობებენ ბრენდული ველოების ასეთ მაღალ ფასებს (საუბარია დიდი გაყიდვების მქონე მწარმოებლებზე და არა ეგზოტიკურ/boutique ბრენდებზე).
ერთხანს მეგონა, მასშტაბის ეკონომიის საკითხი იყო. თუმცა რომ დავგუგლე, მსოფლიოში გაცილებით მეტი ველო იწარმოება, ვიდრე მოტო. ანუ მასშტაბის ეკონომიას, თუ მართლა არსებობს, წესით ვერ ექნება ამხელა ეფექტი.
ახლაც ვერ ვხვდები, კარგ ველოებს ძალიან მაღალი ფასები რომ ადევს, რა არის ძირითადი მიზეზი.

ისე, კარგ ველოსთან ერთად, კარგი ფიზიკური მომზადებაც გჭირდება. მთელი სიამოვნება იკარგება, თუ სათანადო ფორმაში არ ხარ.

ხო ბარემ ამ თემაზე გამახსენდა, რამე კონტაკტი ხომ არ იცით ფორუმზე, რო ველოსაპედი ელექტროდ გადაკეთებაში დამეხმაროს, ან ის მაინც დავადგინო ერთი დატენვით რამდენ კილომეტს გადის დაახლოებით მაინც

ეს ორი რაღაც ერთმანეთის ალტერნატივა არ არის
ავტომობილს ირჩევ მაშინ, როცა გარესამყაროსგან იზოლირებულად, ნაჭუჭით გადაადგილება გჭირდება ან ერთი ადგილიდან მეორეში სწრაფად მოხვედრაა პრიორიტეტი.

ველოს ირჩევ მაშინ, როცა პრიორიტეტი გარესამყაროსთან კავშირის შენარჩუნებაა ფეხით სიარულთან შედარებით სწრაფად გადაადგილების პარალელურად.
როცა გინდა რომ, მაგალითად, აკაციის აყვავებულ ხეებთან ჩავლისას ისე სწრაფად არ მიდიოდე, რომ ვერ შეძლო ამ სურნელით გაბრუება, მასთან ზიარება, სიცოცხლის გამძაფრებულად განცდა. ვერ შეძლო ჩიტების ჭიკჭიკი, ვერ შეძლო განიცადო, რას ნიშნავს, როცა მოძრაობისას ნიავი გეხება გახურებულ კანზე ან მზის სხივი გითბობს სხეულს ანდა ზამთრის უცნაურ სუსხს გრძნობს ფილტვები.
როცა გინდა, რომ არ იყო შემოზღუდული კაბინაში შექმნილი ხელოვნური სამყაროთი.
როცა გინდა, რომ გადაადგილებისას შენი სხეული მოძრაობდეს, ძლიერდებოდეს და თან გამოყოფდეს ენდორფინსა და სეროტონინს, რომელიც სამყაროს მკვეთრად აღქმაში გეხმარება.


Nikokavtarartistic

ამბობენ, მოგზაურობისთვის საუკეთესო ველოსიპედი ისაა, რომელიც გყავსო. ასე რომ, არ მგონია, არ გამოდგეს. მთავარია მოირგო.
თუ გინდა, დადე მონაცემები და ვეცდებით დაგეხმაროთ შეფასებაში.
ორმაგკედლიანი დისკები კარგია.

ეს ძირითადად ელემენტის ტევადობაზე, რაოდენობაზე და მდგომარეობაზეა დამოკიდებული და ერთი დატენვა რამდენიმე ათეულიდან რამდენიმე ასულამდე კილომეტრს ჰყოფნის.
ძრავის სიმძლავრეც ახდენს გავლენას, გზის ტიპიც, ტარების სტილიც და ამინდიც.

გადაკეთება მარტივია. თუ სანდო კომპლექტს შეიძენ (რამდენიმე ათასი ლარი დაგიჯდება), თავადაც ააწყობ, თუ გაერკვევი.
მაგრამ კარგი ხარისხის სანდო კომპლექტით ელექტრო ველოს აწყობა იმაზე ძვირი შეიძლება დაგიჯდეს, ვიდრე მზა ელექტრო ველოსიპედის შეძენა.
იააფფასიანის ან კუსტარულის დაყენება სარისკოა, ბომბზე ჯდომის ტოლფასია.



* * *
s-n-r

სინამდვილეში არც ისე ძვირია. Specialized, Giant, Canyon ხშირად დიდი ფასდაკლებებით, საკმაოდ დაბალ ფასად ყიდიან ველოსიპედებს ამერიკის ბაზარზე და ონლაინ საიტებზე. სხვა ნაკლებად პოპულარული ბრენდებიც ანახევრებენ საწყის ფასს. ევროპის ბაზარზეც ხშირია ფასდაკლებები. 400-700 დოლარად ან ევროდ ისეთი მოდელების შეძენა შეიძლება, ჩვენთან 3000+ ლარი რომ ღირს მინიმუმ. ახალ ველოებს ვგულისხმობ.

ალბათ მხოლოდ მოთხოვნა.
თუმცა თვითღირებულებაც არ არის ძალიან დაბალი. როგორც ვიცი, ხშირი ფასდაკლებების გამო Specialized და Giant საკმაოდ დაბალ მოგებაზე მუშაობენ, სავარაუდოდ იმ გათვლით, რომ ფასების ასე ხშირი დაგდებით კონკურენტებს ჩაძირავენ და მერე იზრუნებენ მეტ მოგებაზე.

100%



This post has been edited by Genevieve on 18 Oct 2025, 23:12

Genevieve

რა კონტექსტშიც იგულისხმა, იდეაში მაგაში მართალია.
თუ მიზანი მხოლოდ მოგზაურობაა, 4-5 მეგობარი რომ გაერთიანდეს და მომზადებული ავტომობილი იყიდოს, ბევრად დიდი თანხა არ დაჯდება.
თან მანქანაზე ველო სამაგრის დაყენებაც შეგიძლია (უბრალოდ, სჯობს ჭერზე არ იყოს სამაგარი - ოდესმე, სადმე ყურადღებას მოადუნებ, და დააზიანებ მანქანას ან ველოებს).
ასევე, მანქანაში შეგიძლია ბევრად უფრო კომფორტულად დაიძინო, ვიდრე კარავში.

ადრე მეც მეგონა, რომ ველოთი მსოფლიოს შემოვივლიდი. მაგრამ ძნელია სოლო მოგზაურობა, განსაკუთრებით, მთა-გორიან რელიეფზე.

დიახ, დაგეთანხმები, ავტომობილი ორთვლიან ტრანსპორტს ვერ შეედრება.
მოტოციკლით მიხვეულ-მოხვეულ აღმართებში რომ მიქრიხარ, თან სიმაღლზე რომ ადიხარ, გგონია, დაფრინავ :love:

Giant და Canyon შეიძლება, მაგრამ Specialized, ტრადიციულად, ტოპ ბრენდია (მახსოვს, ვიღაც წერდა, Specialized პორშეა, Cube კი ფოლკსვაგენიო).
რომელ ონლაინ მაღაზიებში იდება მასეთი ფასდაკლებები? ცოტა ეჭვი მეპარება. შეგიძლია ბმული დადო?
50% - იანი ფასდაკლება, სავარაუდოდ, ამოსაყიდ პროდუქციას ექნება, დიდად არავის რომ არ ჭირდება - ძალიან პატარა ზომის ჩარჩოს მქონეს ველოებს, ან 2-3 წლის წინანდელ სამოდელო ველოებს, ან რამე წუნის/დეფექტის მქონე ველოებს.
ან ისეთ მაღაზიას, ფულადი ნაკადების კრიზისი რომ აქვს ერთჯერადად და ქეში სასწრაფოდ რომ ჭირდება.

დიახ, ალბათ აქაც არის სიმართლის მარცვალი.
ველო საკმარისად მსუბუქი უნდა იყოს, რათა სიამოვნების მონიჭება შეძლოს. მოტოსთვის და ავტომობილისთვის წონა არ არის ამ დონეზე კრიტიკული.
შეიძლება, სიმსუბუქის მოთხოვნებიდან გამომდინარე, საწარმოო პროცესები დიდ დანარხარჯებს მოითხოვს.



თუ საიდუმლო არ არის, რომელი ველო გყავს?
საგზაო, გრაველი, სამთო ჰარდთეილი თუ სამთო სრული?

ვერ ვიზიარებ ამ მოსაზრებას. საცხოვრებელი ფურგონით მოგზაურობის კულტურა ძალიან საინტერესოა, მაგრამ ველომოგზაურობას ვერ ანაცვლებს.

ველომოგზაურობა არ ნიშნავს, რომ აუცილებლად კარავში უნდა დაიძინო. შეგიძლია სასტუმროში დაიძინო, თუ იმხელა დაუსახლებელ ტერიტორიას არ კვეთ, გავლას დღეზე მეტი რომ დასჭირდეს.

ოფიციალურ საიტებზე. ძალიან დიდი ფასდაკლებები აქვთ ბრენდებს აგვისტოში, ნოემბერში და იანვარში.
specialized.com-ზე, მაგალითად, ახლაც კი 475 დოლარი ღირს 2025 წლის Rockhopper სხვადასხვა ზომის არჩევანით, მიუხედავად იმისა, რომ black friday ფასდაკლებები ჯერ არ დაწყებულა.
specialized როგორც ვიცი მომავალი წლების წინასწარი მარაგების წყალობით ამ ეტაპზე მხოლოდ 3%-იან მოგებაზე მუშაობს და ამ პოლიტიკით ბევრი მწარმოებელი ჩაძირა.

მთავარი განმაპირობებელი ალბათ ის არის, რომ ველოსიპედის ბრენდები ყველა ნაწილს თავად არ აწარმოებენ. Shimano-ს, SRAM-ის, Microshift-ის და ნაწილების სხვა მწარმოებლების ფასებზე არიან დამოკიდებულები. ელ ველოებისთვის ახლა უკვე Bosch-ზე, Bafang-ზე და ა.შ.

Touring/ATB

აქაც გავაზიარებ ამ ვიდეოს


This post has been edited by Genevieve on 20 Oct 2025, 22:26

საქართველოს გარშემო კი დადიან, მაგრამ მე მსოფლიოს გარშემო მოგზაურობაზე ვოცნებობ. ველოთი სულ სხვა გამოცდილება იქნება. მსგავსი სურვილის მქონე კომპანიონის პოვნა რთულია.
სურვილი შეიძლება ბევრს ჰქონდეს, მაგრამ დრო და შესაძლებლობა არა. ფულის ამბავშიც, მეც გამიჭირდება. მაგრამ სადაც ვჰიჩჰაიკობდი ღამის მოფიქრება შეიძლება...

თან ჩემს სამეგობროში ყველას ოჯახი ჰყავს, არავინ წამოვა, თუნდაც ორკვირიან მოგზაურობაში. მოკლედ ამ ეტაპზე ოცნებაა.
ახლა, ველოც კი აღარ მყავს -_-

Heart_of_Darkness

ველოს გათხოვებთ, მაგრამ კომპანიონის მოძებნა მართლა ძალიან რთულია, იმდენად სერიოზულ ფიზიკურ და კიდევ უფრო მეტ ფსიქიკურ მზაობას მოითხოვს დიდხნიანი მოგზაურობა, მითუმეტეს ველო-
თან ეს ფიზიკური მომზადებაც ასე თუ ისე თანაბარი უნდა იყოს. სხვის ტემპში დიდხანს სიარული ძალიან დამღლელი იქნება
ისეთ ადამიანებთან ერთად მოგზაურობაც დამღლელია, ვისთანაც უფსკრული გაშორებს
თუმცა s-n-r ალბათ იმას გულისხმოდა, რომ პატარა ტურებში მონაწილეობისას შეიძლება შეხვდე სწორ ადამიანებს

* * *
ბარემ ამ გასვლების ლინკსაც გავაზიარებ, თუ ვინმეს მონაწილეობის სურვილი ექნება
https://www.facebook.com/events/824825967123584

ძაან დიდი მუღამი მაქ მეც ველომოგზაურობის.

რამოდენიმე წლის წინ ვიყიდე ველო და აი საღამოობით ცვეტში დღეს არ ვაგდებ რო ველოთი არ გავიდე.

დიდ დისტანაციაზე არამგონია რო ამ ეტაპზე გავუქაჩო, შემომთავაზეს რამოდენიმეჯერ ტური, მაგრამ მეთქი შეგანელებთ და ვერ გავრისკე წასვლა, არადა უეჭველი მინდა თუნდაც მცირე ტურის მოხოდვა ველოთი.

ეს უფრო მოტო-კატეგორიაში გადის, e-bike, მაგრამ სიამოვნებით დავითრევდი ამას.

Genevieve

მაგაზე არავინ დავობს. სავარაუდოდ, ზოგადად მოგზაურობა იგულისხმა, საკუთარი ტრანსპორტით.

მართალი ყოფილხარ. მართლაც აქვთ კარგი ფასდაკლებები.
თუმცა ჩამოტანისა და განბაჟების ხარჯი კი დაფარავს ალბათ მაგ შეღავათს.

ავტო/მოტო მწარმოებლებიც სხვა მომწოდებლებზე არიან დამოკიდებულნი. მაგალითად, დაკიდების სისტემას (suspension) თვითონ მგონი არავინ არ აწარმოებს.
უმრავლესობა გადაცემათა კოლოფებს (და ზოგჯერ მთლიანად ძრავებსაც) სხვებისგან ყიდულობს. კიდევ ალბათ უამრავი დეტალია, რომელსაც ჩვენ ვერ ვხედავთ.

მთავარი არგუმენტი ვითომ ის აქვთ, რომ აი მსოფლიო დონის პროფესიონალი მრბოლელებიც იგივე კომპლექტაციის ველოებით ასპარეზობენ და ამიტომ ღირს კარგი ველო ძვირი.
თუმცა ფარისევლობა მგონია. მსოფლიო დონის ველოსპორტსმენს ალბათ სულ არ ანაღვლებს, ველოს რა მოუვა, სპონსორები ყოველთვის აჩუქებენ ახალს. შენ კიდევ რამდენიმე წელი უნდა აგროვო ფული.
ვფიქრობ უფრო მარკეტოლოგების ხრიკია. ფუფუნების/სტატუსის განმსაზღვრელ ნივთად აქციეს ველოსიპედი.

მეც მყავს საკმაოდ კარგი ელექტრო ველო. ეგ პანაცეა არ არის.
თავიდან ძალიან ბედნიერი ვიყავი. თუმცა, ბოლო კილომეტრების გავლისას მაინც იღლები, მთელი გზა სულ მაქსიმუმ სიმძლავრეზეც რომ გქონდეს ჩართული, ორგანიზმი მაინც გეღლება.
კი, 40-50 კილომეტრს შეუფერხებლად გაივლი, მაგრამ მალე ხვდები, რომ მანძილის დაფარვის თვალსაზრისით, მოტოსთან და მანქანასთან ახლოსაც ვერ მოვა, თუ კარგი ფიზიკური მომზადება არ გაქვს.
ან მაშინ იმდენად მსუბუქი ელექტრო ველო უნდა იყიდო, რომლითაც სიარული მოტორის დახმარების გარეშეც ადვილია, მაქსიმუმ 14 - 15 კგ.


Heart_of_Darkness

მიზანი ნამდვილად მსოფლიოს გარშემო ველოთი მოგზაურობაა? როგორ ფიქრობ, რას შეგმატებს მსოფლიოს გარშემო მოგზაურობა?
ჯანმრთელობა, ფინანსები და კომპანიონი მართლაც რომ გიწყობდეს ხელს, წახვიდოდი მართლა, ახლავე? სანაცვლოდ დათმობდი, მაგალითად, განათლებას, PhD პროგრამას, კარიერას, სხვა მიზნებს?
როგორც ასეთი, მსოფლიოს გარშემო მოგზაურობა ცოტა მოძველებული და კლიშე თემა მგონია. შეიძლება მეცხრამეტე საუკუნეში ან მეოცე საუკუნის დასაწყისში მართლაც დიდი მიღწევა იყო, თუმცა ახლა ალბათ ბევრი ბლოგერი მოგზაურობს მსოფლიოს გარშემო, ეჭვი მეპარება, რამე უნიკალური აღმოჩენა გაეკეთებინა რომელიმეს.
უფრო სწორად, ჩვენ, უბრალო მოკვდავებს, ვფიქრობ მსოფლიოს გარშემო მოგზაურობა ღირებულს ბევრს ვერაფერს შეგვმატებს, ალბათ ჯერ რაღაც ისტორია უნდა გადაგხდეს თავს, მასეთი გადაწყვეტილება რომ მიიღო და შენი თავი მანდ რომ იპოვო და თქვა - ეს ზუსტად ის იყო, რაც მინდოდა.

სევდიანი ისტორია გამახსენდა: მე და თანამშრომელი რამდენიმე წელი ვცდილობდით ერთობლივ ველო გასეირნებას.
თავიდან ამინდმა არ შეგვიწყო ხელი, შემდეგ მე ჩამეძინა ხოლმე, შემდეგ მანქანა იყიდა და დიდად აღარ აინტერესებდა, შემდეგ ბინა იყიდა. საბოლოოდ კი ველოც გაყიდა.
ვეხვეწე, არ გაყიდო მეთქი. მაგრამ სესხი ჰქონდა, რა ექნა, მაინც ვერ ვუვლიო და გაყიდა :user:


Cele

:up:

კარგი გასართობია სოფელში ან აგარაკზე, მაგრამ დიდ მანძილებზე მხოლოდ თავისი სვლით სამოგზაუროდ არ გამოგადგება.
პიკაპი ან ვენი თუ გყავს ცალკე მაგისთვის, მაშინ კი ბატონო.
მეც ვფიქრობდი ერთხანს სოფლისთვის ელექტროს ყიდვას, იმ მოტივით, რომ ზეთის ცვლა და სერვისი ხშირად არ დაჭირდებოდა, თუმცა ბოლოს მაინც ჩვეულებრივის ყიდვა გადავწყვიტე.
სტარკ ვარგზე ნაკლები ელექტრო მოტოს ყიდვა ალბათ არ ღირს, მაგ ფასად კი სრულფასოვანი ადვენჩერ/ტურინგ მოტო მოგივა.

s-n-r

ეს იმის პასუხად დავწერე, რომ თქვი თანამედროვე სამყაროში ველო ძალიან ძვირი სიამოვნება გახდაო.
იქ, სადაც 400-500 დოლარს 2 დღეში გამოიმუშავებს დაბალი შემოსავლის მქონე ადამიანიც კი, ახალი ველოსთვის, რომელსაც თან გარანტია და რამდენიმეწლიანი სერვისიც მოჰყვება, 2 დღის შემოსავლის გაღება ვერ ჩაითვლება ძვირად. მეორადი ველოების დიდი ბაზარიც აქვთ და 10-20-50-100 დოლარადაც მშვენიერი ველოების შეძენა შეუძლიათ საკუთარ უბნებშივე.
ევროპაშიც იგივეა. ხელფასიც საკმარისი აქვთ, ფასდაკლებებიც დიდი და დამატებით აქვთ წამახალისებელი პროგრამები, რომლებითაც დამსაქმებლები ინაწილებენ ველოს შეძენის ხარჯს. თუ ვინმეს კიდევ უფრო იაფად უნდა, მეორად ბაზარზე იქაც ძალიან იაფად და ადვილად შეიძლება ნორმ ველოს შეძენა.
იაპონიაშიც ასეა, ინდოეთშიც, აღარ მაქვს ლაპარაკი ჩინეთზე, ტაივანზე და ა.შ.

საქართველოში სამწუხაროდ სხვა რეალობაა. ხელფასებია იმდენად დაბალი, 2 დღის შემოსავლით კი არა, რიგითმა ადამიანმა შეიძლება 2 წლის დანაზოგით ვერ შეძლოს ახალი ველოსთვის საკმარისი თანხის შეგროვება. რომელ დანაზოგზეა ლაპარაკი, როცა უმეტესობის ხელფასი საბაზისო (მაგალითად სამედიცინო, დასვენების ადა ა.შ.) ხარჯებსაც კი არ ფარავს. ამას ემატება ისიც, რომ ჩვენთან ველოსიპედებიც უფრო ძვირია ვიდრე სხვა ზემოთჩამოთვლილ ქვეყნებში.
სახელმწიფოს პოლიტიკაც გასაგები მიზეზის გამო არ არის ეკოტრანსპორტის განვითარებაზე ორიენტირებული. დამოუკიდებლობას განიჭებს ველოტრანსპორტი, არ ხან საწვავზე, სერვისზე, საზ ტრანსპორტზე და იმ სხვა ბიზნესებზე დამოკიდებული, რითაც მაღალჩინოსნები და მათთან დაახლოებული პირები მდიდრდებიან.
ამიტომ საგადასახადო კოდექსის 173-ე მუხლით წახალისებულია და დღგ-ს გადასახადისგან გათავისუფლებული სეს ესნ-ის 8703 კოდით გათვალისწინებული მსუბუქი ავტომობილის და 8711 კოდით გათვალისწინებული მოტოციკლის იმპორტი, მაგრამ ველოსიპედის არა. ველოს შემოტანა დღგ-ს სრული განაკვეთით იბეგრება.
ვფიქრობ, ამ საკითხზე სამუშაო აქვს ველოსაზოგადოებას. უნდა შეატანინონ ცვლილება, რომ ველოსიპედები და მათი ნაწილებიც აღარ იყოს გამოტოვებული გათავისუფლებისგან.

მანამდე, ვისაც აქ უნდა specialized -ის შეძენა, საქართველოში მათ ოფიციალურ დილერს, bikes.ge-ს შეუძლია მიმართოს. ამერიკის ფასები აქვთ დაახლოებით. როგორც ვიცი იმ მოდელების ჩამოტანაც შეუძლიათ, რომლებიც ამჟამად არ აქვთ მარაგში.

დღეში? ნორმალურ რელიეფზე? დღეში 40 კილომეტრს ფეხითაც გაივლის ფიზიკურად სათანადოდ მომზადებული ადამიანი.
ველოსთვის, მითუმეტეს ელექტრო ველოსთვის და მითუმეტეს ბარგის გარეშე 40 კმ არაფერი არ არის, მაქსიმუმ 1-1,5 საათის ამბავია.
თუ 1-2 საათზე მეტხანს ვერ ატარებს ადამიანი, გამოდის, რომ ან დამწყებია და კუნთოვანი მასა არ აქვს განვითარებული, ან ველოს სჭირს რამე, ან მას აქვს ჯანმრთელობის პრობლემა, ან რამე ნივთიერების დეფიციტი აქვს ორგანიზმში.
ფიზიკური მომზადების ასეთ დონეზე დიდ ველომოგზაურობაზე ფიქრიც კი ნაადრევია, მაგრამ პატარა და სისტემატური გასვლები კარგია კუნთის განვითარებისთვის.

მითუმეტეს, თვითმფრინავთან.

მსუბუქი ველო ნიშნავს მყიფე ჩარჩოს და ნაკლებად გამძლე ნაწილებს, რაც დიდ მანძილზე სამოგზაუროდ განკუთვნილი ველოსთვის არარეკომენდებულია.
სამოგზაურო ველო როგორც წესი შედარებით დიდდიამეტრიანი ქრომოლის ფოლადია ხოლმე, გამძლე და ადვილად შეკეთებადი მაგრამ შედარებით მძიმე ნაწილებით, გამძლე და მძიმე საბურავებითა და დისკებით. ძრავის გარეშეა ასეთი ველოები მინიმუმ 12-14 კილო, ისიც კარგ შემთხვევაში. ამას ემატება ბარგი საშუალოდ 15-25 კილო.
ასე რომ...
უბრალოდ ფიზიკურად უნდა მოემზადოს ადამიანი.


რეზის ეპიზოდი ვნახე ამასწინათ. თავისი ველომოგზაურობების შესახებ ყვება. ბევრ საინტერესო კითხვას სცემს პასუხს