#61424348 · 25 Jul 2024, 02:52 · · პროფილი · პირადი მიმოწერა · ჩატი
ხეხილს, მარადწვანეებს, წიწვოვანებს, გაზონის გამწვანების მცენარეებს, ვარდებს და ამგვარებს ყველას ერთად თუ ჩავთვლით, ყოველწლიურად რამდენიმე ათეულ ძირს ვრგავ, ოღონდ - სოფელში, გურიაში, ჩემს ეზოში. ეხლაც მაქვს კონტეინერით რამდენიმე მცენარე შემოდგომაზე დასარგავად გამზადებული - ვინაიდან მორწყვის საშუალება არ მაქვს, ამიტომ მცენარეებს ღია გრუნტში ვრგავ ნოემბრის ბოლოდან თებერვლის ბოლომდე. მოგვიანებით დარგულებს, თუნდაც - კონტეინერიანებს, ივლის-აგვისტოს გვალვა უჭირთ. ამიტომ თებერვლის მერე ნაყიდებს ვაჩერებ თავისივე კონტეინერებით, ზაფხულში მიდგას ნახევრად ჩრდილში, რომ შუადღის თაკარა მზე პირდაპირ არ ხვდებოდეს, პერიოდულად ვრწყავ და ნოემბრიდან გადამაქვს მიწაში. გადარგვის მოლოდინშია სამბუკუსი, რამდენიმე ვარდი და კიდევ რაღაცები. თბილისში მაქვს ასევე კონტეინერით ლარიქსი (ლისტვინიცა) და თეთრი ჯუჯა ბუდლეა. ლარიქსს რა განსხვავებული და ლამაზი წიწვები ჰქონია. წლეულსაც ბევრი რამე შევმატე ეზოს: ჯუჯა ვაშლი, რომელმაც წლეულსვე გამოიღო 2 საყვავილე კვირტი, რომელთაგანაც 1 მე შევაცალე, მეორე კი მაისის სიცივეებმა ჩამოყარა და დამტოვა ნიშანის გარეშე; გარგარი რამდენიმე სახეობა და ჭერამი; ვაშლები, მსხლები და ქლიავები; კომში, ჯუჯა კაკალი, ვაშლატამა, ატმები; შავფოთოლა ირმის რქა, ასეთივე კოწახური და ნეკერჩხალი; ჭრელი ჩინური სტრიქტა და ჭრელი ჯუჯა ვეიგელა; თრიმლი; ცისფერი ნაძვი ჰუპსი, კედარ-ტუია-სმარაგდები რამდენიმე სახეობა; ჯუჯა ფიჭვი; ცისფერი ევკალიპტი ცინარეა; 2 სახეობის პალმა; ფიზოკარპუსი, პოტენტილა და კიდევ ბევრი რამე... თითქმის 100% პროცენტით გაიხარა ყველაფერმა (უფრო შიშველფესვიანები იყო საეჭვო, თორემ კონტეინერებში რა უჭირდათ). ცოტა კაკლებს გაუჭირდათ, მაგრამ საბოლოოდ იმათაც წამოიღეს კვირტები, 1-2 ვარდს ფესვის სტიმულატორიც მივაშველე და გადავარჩინე. ასევე გადავარჩინე შარშანწინ დარგული პირამიდული ტუია, რომელსაც ისედაც უჭირდა და თან შარშან მივაცელე კიდეც. ეს მოცელვა ჩემთვის ფრიად მტკივნეული პროცესია, იმდენ რაღაცას მივაცელავ ხოლმე. წლეულს გაზაფხულზე დარგული იაპონური კომში მივაცელე (იმედია, ამოიყრის). სულ ბოლოს - ივლისში ყურძნის ნერგები ჩავრგე, ლანჩხუთიდან ამოვიტანე. ძირითადად ძველი გურული, ლამის მივიწყებული ჯიშები იყო. ყველამ გაიხარა, მაგრამ 3 ძირი რაღაცამ ჩამომიტეხა - დიდი ალბათობით, ტურას ლეკვებმა მაზარალეს. ბოსტანში დავრგე, სადაც მიწა მოსუფთავებულ-მოფხვიერებულია და ბოსტნეულიც იყო გადათელილი. ღამე ხშირად კივიან ეზოში და ეტყობა, ითამაშეს იმ ფხვიერ მიწაზე. თან, დაღრღნეს კბილებით ეს ნარგავები. Mr AngryQUOTE | კაკლის ხეზე მსმენია ფოთლები შხამს გამოყოფსო, რამდენად მართალია არ ვიცი. და ამ შხამის გამო მის ჩრდილში უჭირს სხვა მცენარესო. რამდენად მართალია? |
მართალია. იოდს შეიცავს (ალბათ, სხვა რამეებსაც), ტოქსიკურია და სხვა ხეებს უჭირთ მაგის ქვეშ გახარება. lordilidan
QUOTE | გაგონილი დონეზე მეც მითხრეს, მეც მაინტერესებს, კახეთში თუთა შევცვალე კაკლით და ხო არ დავწამლავ ბავშვებს, |
არანაირად, მასეთი შხამიც არაა. რო გაღეჭოთ მაგის ფოთოლი (ან რატო უნდა გაღეჭო, იმდენად მწარეა), მაინც არ გიზამთ არაფერს. იმერეთში თურმე მჭადსაც კი აცხობენ მაგის ფოთლებში, თუმცა მე ვერ წარმომიდგენია, როგორ არ ამწარებს იმ მჭადს. GEORGEXIII
QUOTE | შემოდგომაზე ვაპირებ ნერგების დარგვას და კაი გარგლის ნერგებს სად მირჩევთ? |
შეიძლება, გვერდზე ტემაში დაგიწერე ეს კიდეც, და ნერგებს მე ვყიდულობ ლოტინზე, გაბინიების სანერგეში (GABOGARDEN- მაგათი გვერდია ფბ-ზე), ან - ქარელიდან, ზემო ხვედურეთიდან ვაგზავნინებ. ორივესი ძალიან კმაყოფილი ვარ. არ ვამბობ, რომ სხვა სანერგეები არ ვარგა - არანაირად; უბრალოდ, მე ვისთანაც მქონია შეხება და კმაყოფილი ვარ, იმათზე ვწერ. ფბ-ზე ასევე აქებენ მირიან გელაშვილსაც, თუმცა ისგან არაფერი არ მიყიდია და ვერაფერს გეტყვი.
--------------------
"მე ვიცხოვრე ჩემი ხალხისთვის და არა უკვდავებისთვის" - თურქეთის ქართველთა ილია ჭავჭავაძედ წოდებული ახმედ მელაშვილი. "ფერეიდანის მიწაზე საქართველოს სული ვარ" - ფერეიდნელი ქართველი არსენ ონიკაშვილი. "ცხოვრებას კვლავ აღმა მივყვები ჯიუტად კალმახის ჟინითა".
|