გოგრა, ყაბაყი (ორივეზე გიჟდებიან თავისი თესლებით), ბულგარული წიწაკა(მე არ მიჭმევია), ოხრახუში, კამა, ჭარხალი, ატამი, გარგარი, ნესვი, მარწყვი(ჩემებს არ უყვართ), ყვავილოვანი კომბოსტო მოხარშულიც და უმიც (ძალიან უყვართ), ბროკოლი, ჭყინტი სიმინდი (გიჟდებიან), სალათა, პარკის ლობიო. ბაბუაწვერას და მრავალძარღვას ფოთლები, სამყურა, ვარდის ფურცლები,
უცხიმო იოგურტი, ხაჭო, კეფირი, მაწონი, უმარილო ყველი. (ჩემები უცხიმოს არ ჭამენ. მაწონი და კეფირი არ უყვართ, მაგრამ ყველას ერთნაირი გემოვნება ხომ არ აქვს.
).
მოხარშული უცხიმო თევზი და კრევეტები.
ჰერკულესის, წიწიბურას, ბრინჯის, მანის, სიმინდის ფაფები (ძალიან უყვართ). ოღონდ ურძეოდ და უმარილო-უშაქროდ.
მაგრად მოხარშული კვერცხი და ხორცი (ოღონდ განსაკუთრებით ცხელ დღეებში ყურადღება მიაქციეთ, რომ არ გაფუჭდეს, თორემ მოწამლავს ზაზუნას).
ბარდა ხმელიც, მოხარშულიც(უმარილოდ) და პარკითაც.
უშაქრო, უმარილო და უყველაფრო ბატიბუტი(მე ბატიბუტის სიმინდს ვყიდულობ და სახლში ვბრაწავ).
მოხარშული ჭარხალი და სტაფილო, ნიგოზი, თხილი, მზესუმზირა, გოგრის თესლი, მიწის თხილი(მოუხალავი), ნესვის და საზამთროს თესლები, სიმინდი, ხორბალი, ქერი, ჭვავი, შვრია, ქიშმიში, იმ ხილის ჩირი, რომელიც ეჭმება, ასკილის ნაყოფი, ოღონდ შიგნით ბუსუსიანი კურკები აქვს და ის უნდა ამოაცალო.
ტალღოვანი თუთიყუშების მმშრალი საჭმელი (მე არასოდეს მიჭმევია).
ყველა ფოთლოვანი ხის ფოთოლი ნუ, შხამიანი მცენარეების გარდა. საკუთარი გამოცდილებით, თუთის, ცაცხვის და აკაციის ფოთლები მიჭმევია და ძალიან მოსწონთ. თუთის ნაყოფიც მოსწონთ და აკაციის ყვავილს აღმერთებენ!
არ შეიძლება:
შაქარი, მარილი, სანელებლები.
ზეთი, კარაქი (საერთოდ, ზედმეტად ცხიმიან რამეებს მოარიდეთ, კუჭს უშლის და ფაღარათით იღუპებიან).
კომბოსტო (ან ძალიან იშვიათად).
ციტრუსები, ნუში, ნიორი, ხახვი, ბლის, ალუბლის, ქლიავის,გარგარის, ატმის და მსგავსი ხილის კურკები, კარტოფილი(სასუქებს შეიცავს ბევრსო
ამიტომ იშვიათად აჭამეთო. მე ხანდახან მოხარშულს ვაჭმევ და ძალიან მოწონთ.). ხურმა (კარგად დამწიფებული კარალიოკი შეიძლება), ძეხვი და სოსისი, ეგზოტიკური ხილი (კივი, ანანასი, ფეიხოა, მანგო და ა.შ.), მაკარონი, შემწვარ-მოხრაკული საჭმელები, სოკო, მჟაუნა, თაფლი, საზამთრო (ეგეც იმიტომ, რომ ბევრ ნიტრატებს შეიცავსო. მე ვაჭმევ ხოლმე ხანდახან), წიწვოვანი მცენარეები (მათ ფისს ზაზუნას სუსტი ღვიძლი ვერ ინელებს).
* * *
ჰო, პურს თუ მიცემთ, ცოტა მიეცით და ისიც ორცხობილის სახით. ხანდახან პირი რომ ჩაიტკბარუნონ.
escapeარ მიყიდია. ჩემმა ზაზუნამ გააჩინა, რომლის დედა ვაჟაზე ვიყიდე 1 წლის წინ 8 ლარად, ხოლო მამა მარჯანიშვილზე ვიყიდე 3 წლის წინ 7 ლარად.
მე ზამთარში ვიყიდე მაშიკო. რატომ არ უნდა იყოს რეკომენდირებული?
ბაზრობებზე ვერაფერს გეტყვი. არასოდეს ვყოფილვარ იქ.
· 
ზაზუნა III ნაწილი, დისკუსია ამ პატარა, საყვარელი არსებების შესახებ გრძელდება
