ავოკადოს ხე, კურკიდან გავზარდე(თ)

narmonana
ლანჩხუთში გააშენეს ბაღიო და ჩავაკითხავ იქნებ ვიშოვო

marrriam
ოღონდ ხო იცი,დედალ მამალია საჭირო :D აქნ ორი ხე უნდა გქონდეს, დედალი და მამალი, ააან კიდე ერთ ხეზე უნდა დაამყნი დედალი და მამალი ხის კალმები რო ერთმანეთთი დამტვერონ :D


აუუუ, აუუ, არა, ყველაფერი უფრო რთულად ყოფილა :lol:

დავწერ ცოტა ხანში

მარტივად, რომ ვთქვათ, ყველა ავოკადოს აქვს დედალი და მამალი ყვავილები, მაგრამ სქესები განსხვავებულ დროს შლიან ყვავილს, ანუ როცა დედალი ყვავილია გაშლილი, ამ დროს მამალი დახურულია.. ანუ ერთი ავოკადო, საკუთარ თავს ვერ დამტვერის, თქვენ ალბათ იკითხავთ, ორი რო დავრგათ? აი ეგაა გამოსავალი, მააგრამ მანდაც საჭიროა არჩევა, იმიტომ რომ არსებობს ორი კატეგორიის ავოკადო.

პირველ კატეგორიას პირველი დღის დილას ეშლება დედალი ყვავილები და და იმ საღამოს იხურება, შემდეგი დღის საღამოთი კიდევ იშლება მამალი ყვავილები

მეორე კატეგორიის ავოკატოზე, პირველი დღის საღამოს იშლება დედალი ყვავილები, შემდეგ იხურება და მეორე დილას იშლება მამალი ყვავილები, რომლებიც საღამოს იხურება.

ანუუუ ა და ბ ავოკადო უნდა დარგო, თან ამ ყველაფერს იდეალური კლიმატი სჭირდება, ჩვენ კლიმატზე რას იზამს ღმერთმა იცოდეს :lol:

This post has been edited by narmonana on 28 Jul 2022, 15:17

narmonana

სანამ დავრგავ ეს ა და ბ რანაირად გავარჩიო ერთმანეთისგან :D
კაი ავოკადოს ხედ გაზრდას ვცდი ლამაზია და ნაყოფს ვიყიდი ხოლმე
ფასი შესაბამისი ჰქონია
:lol: :lol:
მაგრამ ლანჩხუთში თუ მოვხვდები მაინც ვიკითხავ

ეს ყველაფერი ადრევე წავიკითხე

მაინც დავრგე

იმედი ბოლოს კვდება :D

marrriam

ეგ უკვე რთული მეცნიერებაა, ავოკადოს წიგნი უნდა გქონდეს :D მაგრამ ზოგიერთი სახეობა ა არის, ზოგიერთი ბ.

Universe´
ნუ ,მეც, ორი ავოკადო მაქვს და სამ კურკას ველოდები, სულ არ მინდა ამათი ნაყოფი,მითუმეტეს რო თბილისში მაინც ვერ იზამს, ზამთარში ყვავილობს მგონი :D

narmonana

ბონსაი გააკეთე :jump:


მთავარი ინტერესია და არა ნაყოფი
თუმცა, ნაყოფსაც მოველი, იმ მხრივ რომ სულაც არ ვიტყვი უარს, თუკი გამოისხამს

Universe´
ეჰჰ, რა ბონსაები მქონდა, კანადური ნაძვის,კოწახურის, რცხილის, მარა მოვლა უნდა რა,არ გამოდის მარტივად, და არც ვიცოდი წესიერად მოვლა, აი კერძო სახლში რო გადავალ, დავუბრუნდები დაგროვილი ცოდნით..

narmonana
დრო რომ არ გქონდა, ტყეში გადარგე თუ რა უყავი?

გავაჩუქე,გახმა, მიწაში გადავრგე და მერე ჩემი ძმის ძაღლმა დაკვნიტა...რავი

მთლად ავოკადო არ არის, მანგოა კურკიდან გაზრდილი.

(IMG:https://img.forum.ge/JfijjiLLiKeMS.jpg)

მე ვერ გავახარე კურკიდან. 2 ცალს დავშტერებოდი. ერთმა იწვალა და ცოტა ამოყო თავი,
ახლა ჩავრგე და ვნახავ თუ ივარგებს რამედ.

მოკლედ იზრდება და მიხარია, ციტა კიდევ წამოიჩიტოს და დავდებ ფოტოს.

ყოველ წელს გაზაფხულის პირზე ყველა ძველ ფოთოლს ვაჭრი და ახლები მოაქვს, ცადეთ, გალამაზდება თქვენიც

(IMG:https://img.forum.ge/J_pijjiLLiK5EP.jpg)

42 პარალელზე ავოკადოს გაშენება ცოტა უცნაურათ მომეჩვენა თავიდანვე, არადა ერთ ერთი ყველაზე პოპულარული თემაა ამ განყში.
ნუ აწვალებთ მცენარეს და საკურთარ თავს, ცივი ზამთარი გვაქვს! შანსი თითქმის არ არის, ყინვაგამძლე ჰიბრიდი ჯიში სანამ არ გამოიგონეს.


გურიაში, ავოკადოს ერთადერთი ბაღის 50% უამინდობამ გაანადგურა - Geonuts Company-ი
ბიზნესი
2023-03-21 13:21:56
საქართველოში ავოკადოს ერთადერთმა ბაღმა პირველივე ზამთარს ვერ გაუძლო.

Geonuts Company-ს დირექტორი, ფერმერი რეზო ჩიტაძე Business Insider Georgia-თან ამბობს, რომ მეურნეობას ექსპერიმენტის სახე აქვს, რომელმაც სამწუხაროდ, ჯერჯერობით ვერ გაამართლა.

„პირველივე ზამთარი რთული აღმოჩნდა ავოკადოსთვის, ძალიან ცუდ მდგომარეობაში აღმოვჩნდით. 2022 წელს უამინდობის გამო ავოკადოს ნარგავების 50% გახმა. გავრისკეთ და საკმაოდ ვიზარალეთ. გვეგონა, ჩვენს პირობებში მოვლას შევძლებდით, ცდა არ დაგვიკლია. ყინვის საწინააღმდეგო ყველა ზომა გავატარეთ, რაც საჭირო იყო, მაქსიმალურად დავიცავით რეკომენდაციები. წელს რა სიტუაცია დაგვხვდება, არ ვიცით, ნერგები შეფუთულია, ერთ კვირაში უნდა გაიხსნას და ვნახავთ. აშკარაა, რომ ავოკადოს საქართველოს კლიმატურ პირობებში გაუჭირდა, " - ამბობს მეწარმე.

რეზო ჩიტაძის თქმით, მიმდინარე წელსაც თუ დაფიქსირდება ნერგების გახმობის პრეცედენტი იძულებული გახდებიან, ალტერნატივაზე იფიქრონ და ავოკადო სხვა მცენარით ჩაანაცვლონ.

ცნობისთვის, ლანჩხუთის მუნიციპალიტეტში ეგზოტიკური ხილის, ავოკადოს პირველი, საცდელი მეურნეობა 2021 წელს შეიქმნა. ინვესტიცია ქართულმა კომპანიამ Geonuts Company განახორციელა, რისთვისაც 6 ჰექტარზე 3 500 ნერგი დაირგო. ბაღის შენარჩუნების შემთხვევაში, პირველ მოსავალს კომპანია 4 წელიწადში მიიღებს, ხოლო ავოკადოს სრულ მსხმოიარობას 6 წელი დასჭირდება.

რაც შეეხება ფასს, ავოკადოს 1 ნერგი ევროპაში საშუალოდ 13-15 ევრო ღირს. ხოლო ნაყოფის ღირებულება 3-დან 5 ევრომდე მერყეობს. თბილისის სუპერმარკეტების ქსელებში 1 კგ. ავოკადოს ფასი 22-25 ლარის ფარგლებში მერყეობს.

https://www.businessinsider.ge/ka/product/1650

ჩხრამბურთლაძე
ხოდა ასე საწვალებელი რომაა, მიტომაც აქ ფასი..