ჩემი ნაკვეთი, ნაწილი IV

Master_Nick

ამას წინათ გაბუნიებს ჰქონდათ 1 მეტრიანი ნერგი 200 ლარად, ახალ წლამდე თუ შემორჩათ უნდა ავიღო ერთი მაინც, გადარგვას რამდენად მოვახერხებ არ ვიცი, შეიძლება ქოთანში გამოვაზამთრო


dega
Master_Nick

ტიტა უნდა დაირგოს შემოდგომაზე, სანამ ყინვები დაიწყება (ახლაც შეიძლება 2-3 დღე ჯერ კიდევ პლიუსში იქნება ტემპერატურა)


თუ შემოდგომაზე ვერანაირად ვერ ახერხებთ დარგვას, ბოლქვები უნდა შეინახოთ გაზაფხულამდე მაცივარში, ბოსტნეულის განყოფილებაში (მიახლოებით +10 გრადუსზე) და გაზაფხულზე დარგოთ

მეც ჩამოვიტანე შარშან ამსტერდამიდან, მაცივარში ვინახავდი გაზაფხულზე ვაპირებდი დარგვას, მაგრამ ერთერთ ოჯახის წევრს იაღლიში მოუვიდა და ხახვის მაგივრად გამოიყენა საჭმელში

PAINKILLER
მაცივარში არა,მაგრამ სარდაფში მქონდა სადაც 10/12 ია მუდამ...
ახლაც არაა გვიან ესეიგი...ცოტა სიცივე კია მარა შვიდს არ ცდება ღამით......

რაც შეიძლება მშრალ მიწაში უნდა დარგოთ

მაგრამ მგონი მთელს საქართველოში წვიმს კვირის ბოლომდე... მერე კი ყინვები იწყება აღმოსავლეთში, დასავლეთში ჯერ არ მოყინავს და კიდევ გექნებათ დარგვის დრო

This post has been edited by PAINKILLER on 25 Nov 2024, 22:49

ეს ჩემი ტიტები, რაც ნელნელა ვაგროვეთ ოჯახში და წელს გადაღებული სურათები, ერთიანად დავაფიქსირე ყველა. ყველამ კარგად გაიხარა და ბაღში მარტო ტიტები კიდევ ოცი სახეობა დავამატე ამ შემოდგომაზე.

PAINKILLER

ლამაზი მცენარეა. მე პატარა ვიყიდე შარშან გორგიაში - მტირალა ფორმისაა.
მიქაელ - ბარაქა შენს ბიო ხილს. კარგი ვაშლებია.
ეგ ტიტები კი, მგონი, ერთწლიანებია. ან, ჩვენს კლიმატში ვერ იზრდება მომდევნო წელს. მეც დომინო-გორგია-შროშანში ვყიდულობედი, ან - ისანში, მაგრამ მეორე წელს არ ამოდიოდა. არც ჩემს დასთან და არც - მეზობელთან, რომელსაც ვჩუქნიდი მაგ ბოლქვებს. მიეიდანაც დროულად ვიღებდით, სიგრილეშიც ვინახავდით, მაგრამ მაინც არა... ისე კი ლამაზებია და თან ნაირნაირი ფორმების.
პ.ს. და ეს მეორე პოსტში რაც დადე - ტიტების ყვავილები, ეგენი განმეორებით დარგული ბოლქვებია, თუ პირველივე წლის ყვავილობაა?

dega

ჯერ კიდევ შეიძლება. ნუ უყურებ წვიმას და მიწის გაშრობას - მაქეთ მთელი კვირა წვიმას მიჩვენებს და სანამ ყინვებს დაარტყამს, მანამ დარგე. ისე კი მაგის დარგვის დრო ოქტომბერ-ნოემბერია. გაზაფხულზე დარგული ამოვა, მაგრამ არ იყვავილებს, თუ მაცივარში არაა გამოტარებულ-შენახული.
Master_Nick

ფტორიც უყვარს და გაზაფხულზე, ვეგეტაციისას ნაკელიც უნდა - აზოტს ითხოვს. ოღონდ კოკრებს რომ ამოიღებს, მერე აღარ უნდა. ასევე, გვალვაში უნდა მორწყო.
PAINKILLER

+10000. ზუსტად ამ დილით ამომიგდო ზურა შევარდნაძის ვიდეო და ამას ამბობდა ისი მაცივარში შენახვაზე.
ოღონდ იმან ისიც ტქვა, ბოლქვი არ უნდა იყოს შებრტყელებული, მრგვალი უნდა იყოსო - მაგას რა მნიშვნელობა აქვს, ვერ გეტყვით.

მე ერთხელ მეზობელს მივეცი. იმან დადო მაგიდაზე და რაღაცისთვის გავიდა გარეთ. მის შემოსვლამდე მისი შვილი შემოსულა სახლში და ეს 1 ცალი ნიორი აქ ვინ დადოო და შეუგდია ბუხარში. არადა, არც ხახვს ჰგავს და არც - ნიორს.
dega

მაცივარი სხვაა, სარდაფი მაგას ვერ შეცვლის ვერანაირად. მაცივარში დადება ყველანაირ სათესურს უხდება - არა მხოლოდ ყვავილებს ან ბოსტნეულს, ხეხილის თესლსაც. მგონი, სტრატიფიცირებას ეძახიან მაგ მეთოდს.

This post has been edited by tavadze on 25 Nov 2024, 23:44

tavadze

ფურცლებიანი ბოლქვია და ხახვს ჰგავს რაღაცით, თუმცა როგორ უნდა აგერიოს არ ვიცი, ერთი ცალი ხახვის გარჩევას მირჩევნია 5 კილო კარტოფილი გავთალო, ვერ ვიტან თვალებს რომ მწვავს

კი მასეა, იგივეა რაც მიწაში გამოიზამთროს, დაახლოებით იგივე კონდიციაში იქნება, ნახევრად მშრალად და გრილად მაცივარში ქაღალდში უნდა იყოს გახვეული აუცილებლად

სარდაფში გააჩნია როგორი პირობებია, ნესტიან გარემოში შეიძლება გაფუჭდეს...

tavadze

ზოგი განმეორებით, ზოგიც პირველი წლის ყვავილობა იყო წელს.

***


ეზოში ყვავილობის სეზონი დაასრულეს ქრიზანთემებმა. ჩამორეცხა ყვავილები უამინდობამ.

PAINKILLER
1 მეტრიანი ნერგი 200 ლარად ნორმალური ფასია? ამ ბოლო დროს არ დავინტერესებულვარ ფასებით და ხეების/ნერგების ფასები მომატებულია?

This post has been edited by Master_Nick on 26 Nov 2024, 20:43

ჩემი მანდარინის ხე, რომელიც იმ დღეს რატომღაც არ დაიდო. მეორე აეზონია, რაც ინტენსიურად ისხამს და თან მხოლოდ ამას ასხია. სხვებზე ადრეც შემოდის და სიტკბოსაც უფრო იღებს. რაღაც სხვა ჯიშია, ოქტომბრის დასაწყისში უკვე აქა-იქ შეირჩეოდა.

tavadze
მაგრად ასხია, რაღაც ტანად პატარა მეჩვენება და ეგეთი ჯიშია?

tavadze
ეგეც რაღაც სხვა ჯიშია მგონი,,მანდარინის გემოს გავს,,კინკანიაო მითხრეს როცა ვიყიდე...
3 წლის წინ რაც იყო ისევ იმხელაა

გემრიელი კია ისე,,,

ეს კიდევ რვა მეტრომდეა მარა მეწლეურია,,,
შარშან ნახევარ ტონამდე ესხა,,წელს ათი კილო არ იქნება..

არაა დიდად შეცვლილი ფასები ნერგებზე

თუ ციტრუსები გინდათ, ხობში სოფ: ახალსოფელი (მანდ აჭარლებია ჩასახლებული უკვე დიდი ხანია და მაგ საქმეს მიყვებიან)

საკმაოდ დაბალი ფასები აქვთ

კინკანი
მანდარინი (მეგრელიშვილის ჯიშის, დაბალი) და მაღალი ჩვეულებრივი
ლიმონი
ვაშინგტონი
ფორთოხალი

https://www.facebook.com/groups/36481253152...74989565882054/

აბა გამოიცანით სად არის ეს ლიმონები მდებარეობას ვგულისხმობ

მიმაგრებული სურათი

M-A-S-E-R-A-T-I

თეთრი წყარო?
Master_Nick

პატარა არაა - უკვე ჩემზე მაღალია ანუ სადღაც 2 მეტრამდეა. შარშან რო შევფუთე, პოლიეთილენის 2 დიდ ტომარაში ძლივს ჩავატიე. წლეულს არც შევფუთავ ალბათ.
მანდ ნაყოფის სიმძიმითაა დახრილი დაბლა და იმიტომ ჩანს პატარა. არადა, 2-ჯერაა თოკით აკრული, მაგრამ მაინც გადმოიხარა, იმდენი ესხა. შარშანაც ასე დახუნძლული ესხა, მაგრამ რა ჯიშია, არ ვიცი. მთელ ეზოში მხოლოდ ამას ესხა შარშანაც და - წლეულსაც.
dega

მე როგორც ვიცი, კინკანის ნაყოფი პატარაა, მაგხელა არ იზრდება.
გადავუღებ ჩემს კინკანს და ჩავაგდებ ფოტოს.

ლიმონია?