"წინწყარო" ვერნერ ჰერცოგის "ნოსფერატუში", ფრაგმენტი, სადაც ჟღერს საგლობელი

ჰერცოგზე ვეძებე თემა, მგონი არ არის. გუშინ ვნახე Heart of Glass. კაი ფილმებს იღებს, მაგრა უმრავლესობას ვერ ვხვდები და თუ მერე თავად რეჟისორს არ მოუსმინე გაუგებარია რა და რისთვის.
თურმე მთელი ფილმი გადაღებულია დაჰიპნოზებული მსახიობებით. მეც არ გამიგვირდა რა გაშეშებულები დადიან მეთქი? თავდაპირველი გეგმა ჰქონდა რომ ფილმის დასაწყისში გამოვიდოდა თავად რეჟისორი და მაყურებელსაც დააჰიპნოზებდა რათა მთელი ფილმი "სხვა დონეზე" აღექვა მაყურებელს. მაგრამ მერე გადაუფიქრებია ეს, როგორც საშიში ჯანმრთელობისათვის.
სხვებზე უფრო სუსტი ფილმია, იმჰო.

თვითონ წინწყაროს შემოქმედების შინაარს ხო ვერ დაწერთ ვინც იცით??

აზრი რაშია, მუღამი ვერ დაუჭირე ხო უნდა ჰქონდეს შეცნობითი მხარე ამ სიმღერას რას გვიწოდებს ავტორი რას უნდა მივხდეთ რა ფილოსოფია დევს ტექსტში და სიმღერის სულში ?

This post has been edited by FRIEDRICH_NIETZSCHE on 29 Mar 2016, 15:38

მურნაუს უხმო "ნოსფერატუ" ვიცი, უჩვეულო მუსიკალური გაფორმებით. ეს არ ვიცოდი, 79 წლის. საინტერესოა!

FRIEDRICH_NIETZSCHE
თუ მუსიკას "მუღამი ვერ დაუჭირე", ვინმემ რომ დაწეროს, ამ მუსიკით იგულისხმება ესა და ეს, ნუთუ შეცვლის შენს სუბიექტურ ემოციურ აღმქმელობას?

იქ, სადაც ტექსტი ამბობს, რომ ჩამოიარა სოფელში და შეხვდა ლამაზმანს, კოკით მხარზე, ვინმე წარმოიდგენს ქალს, რომლის ხელი დაჭიმული მშვილდის რკალივით ეხება კოკას თავის მხარზე და ამაყად აწეული თავით, წელში გაშლილი, საკუთარივე სვლის მომხიბვლელობის შეგრძნებით მოაბიჯებს. კაცმა ვერ შეძლო მშვიდად აევლო ამ სურათისთვის და მოუნდა წამის შეჩერება გამოლაპარაკებით. გოგომ აისხლიტა ფლირტი, მაგრამ არა იმიტომ, რომ ცივია ლამაზი... უბრალოდ, დაჭიმული მშვილდის პოზა თავდაპირველად სხვა რეაქციის "უფლებას" არ აძლევს. ამ უკანასკნელ ასოციაციას, თითქოს, მელოდია გკარნახობს.
თამაშში განრისხებული ქალის წარბების მოძრაობა და მიმიკა კიდევ უფრო სანდომიანი ხდება და კაცს უფრო მეტად ეხვევა თავბრუ. (მიუხედავად იმისა, რომ ტექსტი ამაზე აღარაფერს ამბობს: )).
ეს ეპიზოდი ვითარდება იქ, სადაც ბუნებაა, თავისი შთამაგონებელი ფერებით, გამჭვირვალე ჰაერით. წყარო ხომ ასეთ ადგილებშია...
სიმღერა მთავრდება, როცა შენ ინსტინქტურად ამბის განვითარებას ელი და თითქოს გიტოვებს ასოციაციების გაგრძელების სურვილს შენს წარმოსახვაში.
რამდენიმეწამიანი მომენტის მთელ ამ მისტიკას ქმნის ტექსტი და მელოდია + ის ხმები, რომლებიც ასრულებენ.


შენთან ამ სიმღერაზე შეიძლება მოვიდეს სხვა კადრები, ან, არაფრისმთქმელად მოგეჩვენოს, როგორც აღნიშნე. აღქმა/მიმღებლობა სრულიად ადამიანის თავისუფალი ნებიდან და ფანტაზიიდან ხდება.

This post has been edited by sangria808 on 2 Apr 2016, 11:59