ჯოკერი ◼️ Joker™ 2019, ტოდ ფილიპსის ჯოკერი, მთავარ როლში ხოაკინ ფენიქსი.

Hermyon

გუშინ ვიხილე ჯოკერის მეორე სერია, ისეთი ნეგატიური შეფასებები ჰქონდა რომ რაღაც აბსოლუტურ აბსურდს ველოდებოდი, ცხადია უნაკლო არაა, ნაკლიც მხოლოდ გემოვნების საკითხია, რომ ამდენი მუსიკა გადამღლელია. ვიცი რეჟისორს რაც ჰქონდა ჩაფიქრებული, მაყურებელი მოეყვანა კოგნიტიურ დისონანსში, შეპირისპირებოდა სიმშვიდის მომგვრელი მუსიკა განგაშს, მაგრამ უნდა ვაღიარო რომ ეს ილეთი სადღაც მომბეზრდა. მაგ მომენტში ტელეფონში ვიხედებოდი სანამ მუსიკალური ნომერი არ დასრულდა, რომელიც ნარატივს უკვე აღარაფერს მატებდა. ტოდ ფილიპსი უფრო მეტად ენდო მაყურებლის ინტელექტს რომელიც სამწუხაროდ ისეთი გაუხშოებულია რომ ასეთი ოპტიმიზმის უფლება არ ჰქონდა.
ფილმი უდავოდ ძალიან ძლიერია, უახლოეს მომავალში კიდევ ვიხილავ და არ გამოვრიცხავ განხილვა ჩავწერო. ხოაკინ ფენიქსი მეორე სერიაში ბევრად უფრო რთულ სამსახიობო ამოცანებს ასრულებს, მე ვერც წარმომიდგენია უკეთესი მსახიობობა რა არის. მაგრამ ეს გენიალური შრომა წყალში ჩაუვარდათ, იმიტომ რომ ფანსერვისი არ შეასრულეს, ამ ფილმში არ იგრძნობა რომ ეს სწორედ ის ჯოკერია რომელიც გოთემს ჯოჯოხეთს მოუწყობს, მეტისმეტად ადამიანური და საყვარელია. ფილმი კი შიზოფრენიული ბოდვების კალეიდოსკოპია, ყველა მუსიკალური ნომერი ხომ მისი ჰალუცინაციაა, შეიძლება ვიფიქროთ რომ სასამართლოც ჰალუცინაციაა, მაგრამ გამომდინარე ფაქტიდან რომ პროკურორი იყო თავად ჰარვი დენტი რომელიც ართურს ვერაფრით ეცოდინებოდა ვინ იყო, სასამართლო მართლაც შედგა, შედგა გაქცევაც, მაგრამ მიიღო უარი გამოგონილი სატრფოსგან რომელმაც უთხრა რომ მან რწმენას უღალატა როცა თქვა რომ ჯოკერი არ არის. ამის შემდეგ მას ისევ ელანდება რომ არკჰამის საგიჟეშია და კლავენ, როგორც ეს მანამდე ზმანებაში იხილა. ეს ფილმი ბევრად უფრო რთულ ამოცანას გვაწვდის ვიდრე ეს ვიხილეთ ქრისტოფერ ნოლანის "დასაწყისში". ეს ფილმი არის ტრაგედია, როგორც წარმოდგენილი ისტორიით ასევე შედეგით, იმიტომ რომ ის გენიალურია, მაგრამ დაუფასებელი!

This post has been edited by mepar on 24 Nov 2024, 21:44

პირველ ნაწილში სასწაული იყო ფენიქსი, მაგრამ მეორეში კიდევ უფრო მაღალი დონე დადო. არ ველოდი. როგორც ასეთი ფილმი ძალიან მძიმე საყურებელია, აბსოლიტურად ნიჰილისტური განწყობა, ყოველგვარი იმედისგან დაცლილი ფილმია. თუ პირველში, ყველამ გადაურა ჯოკერს, მეორე ნაწილში კიდევ უფრო მიწასთან გაასწორეს. რაც არ უნდა მოსაწყენი იყოს ფილმი, შესრულების ხარჯზე ეკუთვნის იმაზე მაღალი შეფასება ვიდრე ახლა აქვს, აშკარა უსამართლობას აქვს ადგილი.

რამდენიმე სცენაში აქაც ჩანდა, რამხელა პოტენციალი ქონდა ფენიქსს ძალიან მაღალი დონის ბოროტმოქმედი დაედო, უკვე შემდგარი. მაგრამ ტოდმა სხვაგვარად წარმართა სცენარი და სხვა ფილმი შექმნა. არაუშავს, სალაროებში ჩავარდა, მაგრამ ცუდი არც ეს ფილმი იყო. უბრალოდ ხალხი რომ სხვა რამეს ელოდა, ამიტომაც აქვს ასეთი დაბალი რეიტინგი. იმის მაგივრად მეორე ნაწილში ჯოკერის ახალი განსხვავებული სახე გვეხილა, კიდევ უფრო მიწასთან გაასწორა.


This post has been edited by Paulleger7 on 24 Nov 2024, 22:56

უბრალოდ ვეღარ ამჩნევენ კარგ ფილმებს ჩემი აზრით
შეიცვალა გემოვნება და სტანდარტები
ან უნდა აუწყო ფეხი მაგ აუდიტორიას ან ვერ გექნება წარმატება

ერთადერთი ფილმია პირველი ნაწილი რომელზეც ჩამეძინა კინოში. უსუსტესი და ბოლო დროის ერთ-ერთი ყველაზე overrated ფილმია ალბათ.

1.50 სიჩქარით ვუყურე და მიუზიკლებს ვახვევდი