მადრიდის “რეალის” ლეგენდამ და საპატიო პრეზიდენტმა, ალფრედო დი სტეფანომ, ბოლო “კლასიკოს” შემდეგ, ბევრისთვის მოულოდნელად, კატალონიელთა მისამართით საქებარი სიტყვები არ დაიშურა, ხოლო მასპინძლებს პირიქით, სათამაშო სტილი დაუწუნა.
“ბარსელონამ” “ბერნაბეუზე” ბრწყინვალე ფეხბურთი აჩვენა. კატალონიელთა უპირატესობა ნებისმიერი ადამიანისთვის შესამჩნევი იყო. იმ დროს, როდესაც “ბარსელონა” ფეხბურთს თამაშობდა და მოედანზე ცეკვავდა, “რეალის” ფეხბურთელები მხოლოდ ბურთს დასდევდნენ” – წერს დი სტეფანო Marca-ს ფურცლებზე, საკუთარ სვეტში.
ლეგენდარული ფეხბურთელის განცხადებით, “კლასიკოს” დროს, მადრიდელები შეშინებულები მოქმედებდნენ. დი სტეფანო ეთანხმება იმ ექსპერტებს, რომლებიც იმედგაცრუებულნი დარჩნენ მოურინიოს მიერ არჩეული დაცვითი ტაქტიკით: “რეალის” ფეხბურთელებს ეშინოდათ მეტოქის, რომელიც მოედნის ცენტრში დომინირებდა. მადრიდელებმა მეტოქეს ვერაფერი დაუპირისპირეს და მოურინიომ გუნდის დაცვაში ჩაყენება გადაწყვიტა. საბოლოოდ გამოჩნდა, რომ “ბარსელონა” “რეალზე” უკეთესი გუნდია. მადრიდელები თამაშის კონტრშეტევებზე აგებას ცდილობდნენ და გვარდიოლას გუნდის ამით გაკვირვება შეუძლებელია. კარგადა გამოჩნდა, რომ კონტრშეტევებზე თამაშით “ბარსელონასთან” ბევრს ვერაფერს გახდები”.
დი სტეფანომ ასევე ისაუბრა თავის თანამემამულეზე, ლიონელ მესიზე, რომელიც მსოფლიოს საუკეთესო ფეხბურთელად მოიხსენია: “მესი მსოფლიოში საუკეთესოა. იგი სანახაობრივ ფეხბურთს თამაშობს. გარდა ამისა, მესი სამაგალითო პროფესიონალია. მას ბადალი არ ჰყავს”.
ეს ჩემისა ჯერ იძახდა მაუ უნდა დავიცვათო ეხლა აჯვ.ავს......დააყენოს მაუმ კიდე შემტევი შემადგენლობა ტვინი რო აღარ მოიდღნას....რო წავაგებთ მერე რა ჩემ ღლეს იტყვიან
* * *
chioreli
· 
Real Madrid C.F, Una y otra vez que no tenemos competencia
