საფრანგეთის ნაკრების ახლადგამომცხვარმა მწვრთნელმა, დიდიე დეშამმა აღიარა, რომ მას რთული სამუშაო აქვს შესასრულებელი და აღიარა, ასევე, ისიც, რომ წარუმატებლობას ვერ აიტანს.
ახალი მწვრთნელის ყველანაირი აზრი მიმართულია 2014 წლის მსოფლიო ჩემპიონატის საკვალიფიკაციო ეტაპისკენ, რომელიც ბრაზილიაში ჩატარდება. უკვე თავის პირველ პრეს-კონფერენციაზე დეშამმა განაცხადა, რომ მსოფლიო ჩემპიონატის ფინალურ სტადიაზე არ მოხვედრის შემთხვევაში საკუთარ პოსტს დატოვებს.
"მე წინ რთული სამუშაო მაქვს, რადგანაც ესპანეთის ნაკრებთან ერთ ჯგუფში მოვხვდით. ეს გუნდი ნათელი ფავორიტი იქნება, რადგანაც მსოლფიოს მოქმედი ჩემპიონია, მაგრამ საფრანგეთის ნაკრები გააკეთებს ყველაფერს, რისი გაკეთებაც შეუძლია. თუკი მსოფლიო ჩემპიონატის ფინალურ სტადიაში გუნდს ვერ გავიყვან, საკუთარ პოსტს დავტოვებ."
ფრანგი სპეციალისტი თავისი დანიშვნით ძალიან გახარებულია, რადგანაც ამ პოსტზე დიდი ხანი ოცნებობდა. "მე ძალიან მიჯაჭვული ვარ ნაციონალური გუნდის ფეხბურთთან. ეს საუკეთესო რამაა, რაც ჩემს კარიერაში მომხდარა. საფრანგეთის ნაკრების მწვრთნელობაზე ყოველთვის ვოცნებობდი."- დაამატა "მამლების" მთავარმა მწვრთნელმა.
დეშამმა ფრანგ ფეხბურთელებთან დაკავშირებულ სკანდალს გვერდი ვერ აურა. ახალი მწვრთნელი თავისი ფეხბურთელების ნებისმიერი გამოსვლის მკაცრად ჩახშობას აპირებს.
"ჩემი საქმეა ავიყვან გუნდში, თუ არა დამნაშავე ფეხბურთელს. მე გუნდში ყველასგან გარკვეულ ქმედებებს მოვითხოვ. ფეხბურთელებს აღარ აქვთ სერიოზული შეცდომების დაშვების უფლება."
"ნიჭისა და შესაძლებლობების მიუხედავად, მე ყველაფერს გარკვეული ფარგლებიდან გამომდინარე გადავწყვეტ, ფარგლებიდან, რომლებიც დაფუძნებულია გუნდის ინტერესებსა და მის მორალურ მდგომარეობაზე"- დიდიერ დეშამის სიტყვებს იტყობინება Goal.com.
მიმაგრებული სურათი
· 
საფრანგეთის ნაკრების ფანკლუბი, Allez Les Bleus ! VOL.4
