FC Bayern Geo Fans
ლევერკუზენის ბაიერის ლეგენდა და კლუბის ყოფილი მენეჯერი რაინერ კალმუნდი იუპ ჰაინკესის ძველი მეგობარია. ორივე შესანიშნავად უგებს ერთმანეთს. მაგრამ დღეს საღამოს ისინი მეტოქეები არიან. TZ-მ რაინერ კალმუნდს ჟურნალისტის როლი მოარგო და იუპ ჰაინკესთან ინტერვიუს ჩაწერა სთხოვა.
კალმუნდი: „ჩემპიონობას უკვე ვერავინ ჩამოგართმევთ, გულშემატკივარი და მედია უკვე მეორე და მესამე ტიტულზე საუბრობენ. ასეთი დიდი მოლოდინის გამო ფეხბურთელები წნეხის ქვეშ ხომ არ ექცევიან?“
ჰაინკესი: „არანორმალური მოლოდინია, განსაკუთრებით მიუნხენში და შეიძლება ამან მართლა დააეჭვოს რომელიმე ფეხბურთელი თავის შესაძლებლობებში. ამიტომაც ყველა ღონე უნდა ვიხმაროთ, რომ გუნდში ეს ეიფორია როგორმე შევაჩეროთ. მიუხედავად ყველაფრისა, ბუნდესლიგაზე სუვერენულად უნდა გამოვიდეთ, ჯერ ხომ მოგებული არაფერია.“
კალმუნდი: „შენს მეგობარ ული ჰიონესს დიდი წვლილი მიუძღვის ბუნდესლიგაში მწვრთნელის რანგში რომ დაგვიბრუნდი. გერმანიის ჩემპიონობა ჰიონესისთვის მისი კარიერის მანძილზე 50-ე ტიტული იქნება. ეს ხომ შესანიშნავი მადლობის გადახდაა მეგობრისათვის.“
ჰაინკესი: „რა თქმა უნდა, ულისთვის საჩემპიონო სინის გადაცემა ძალიან გამახარებს. 50-ე დიდი ტიტული! წლების წინ ულიმ დამაბრუნა ბუნდესლიგაში. მოვლენები ცოტა კურიოზულად განვითარდა: 2009 წლის აპრილში ოჯახებით მეგობართან ვიყავით. ეს შეხვედრა დიდი ხნით ადრე იყო დაგეგმილი და არავინ იცოდა წინასწარ, რა კრიზისში იქნებოდა ამ პერიოდისათვის ბაიერნი. ზუსტად იმ კვირის ბოლოს შალკესთან წააგეს 1:0. კვირას კი რუმენიგემ დამირეკა. შემდეგ ყველაფერის სწრაფად განვითარდა. რუმენიგესთან, ჰოფნერთან, ნერლინგერთან და ულისთან ხანმოკლე საუბრის შემდეგ გადაწყდა, რომ დარჩენილი 5 თამაშის მანძილზე ვუხელმძღვანელებდი გუნდს. არცერთი შეხვედრა არ წაგვიგია, ვიცე ჩემპიონები გავხდით და ჩემპიონთა ლიგაზეც კვალიფიკაციის გარეშე გავედით.“
კალმუნდი: „რუმენიგეს სურდა ბაიერნში რაიმე თანამდებობაზე დარჩენილიყავი, რატომ უარყავი ეს შემოთავაზება?“
ჰაინკესი: „რუმენიგესთან ძალიან კარგი ურთიერთობა მაქვს. მე მას შემოთავაზებაზე მაშინვე უარი ვუთხარი, რადგან ვერ წარმომიდგენია ჩემი თავი კლუბის მმართველობაში.“
კალმუნდი: „ხომ არ დაგიგეგმავს მომავალი?“
ჰაინკესი: „ჩემო ძვირფასო მეგობარო, მიუხედავად იმისა, რომ შემიძლია გენდო და ბევრ თემაზე გესაუბრო, ჩემს გადაწყვეტილებას ჯერ მაინც ვერ გავაჟღერებ.“
კალმუნდი: „დღეს ყოფილი კლუბის წინააღმდეგ თამაშობ. როგორია შანსები და შენი პროგნოზი?“
ჰაინკესი: „ბაიერ 04-ი ძალიან მომწონს, მიმზიდველ ფეხბურთს თამაშობენ და აუცილებლად მოახერხებენ ჩემპიონთა ლიგის ზონაში გასვლას. ვთვლი, რომ დორტმუნდთან შეხვედრაში არ გაუმართლათ. ჩვენთვის რთული ამოცანა იქნება, ამიტომ მე პირადად ფრითაც კმაყოფილი ვიქნები.“
TZ.
Katerina Bayern.
This post has been edited by TBILISELIFCB on 16 Mar 2013, 20:33 
· 
მიუნხენის ბაიერნი, რეკორდმაისტერის ფანკლუბი
