FC Bayern Geo Fans
ფილიპ ლამი 29 წლისაა და რიგით მეორე ახალგაზრდა გერმანელი ფეხურთელია, რომელიც დღეს უკვე მე-100-ე სანაკრებო შეხვედრას ჩაატარებს.
ლუკას პოდოლსკის ნაკრების შემადგენლობაში 111 მატჩი აქვს ჩატარებული, როდესაც მან 100-ის ნიშნულს მიაღწია, 27 წლის იყო. მიროსლავ კლოზეს ანგარიშზე 128 შეხვედრაა, ამ მხრივ რეკორდსმენი ლოთარ მათეუსია 150 მატჩით.
TZ-სთან საუბარში ფილიპის დედა, მეგობრები და კოლეგები მასზე საუბრობენ.
კარლ-ჰაინც რუმენიგე: ``ძალიან მიხარია, რომ ასეთ ახალგაზრდა ასაკში უკვე მე-100-ე სანაკრებო შეხვედრას ატარებს. მისი კარიერა გერმანიის ნაკრებში 9 წლის წინ დაიწყო - 100 საოცარი ციფრია! ფეხბურთის ისტორიაში ამ შედეგს ბევრმა ვერ მიაღწია. ფილიპმა ეს დაიმსახურა! ლამი თავის პოზიციაზე მსოფლიოში საუკეთესო ფეხბურთელია, პიროვნულადაც შესანიშნავად განვითარდა და კაპიტნის როლი როგორც ბაიერნში, ასევე ნაკრებში მშვენივრად მოირგო და დაამტკიცა, რომ სწორი არჩევანი გაკეთდა. ბაიერნში მისით ძალიან ბედნიერები ვართ, ვფიქრობ ნაკრებშიც ასევეა.``
იან პიენტა, ლამის აღმომჩენი: ``ლამი პირველად FT Gern-ში ვნახე, მაშინ 11 წლის იყო. მოზრდილივით თამაშობდა, დაუჯერებელი ხედვით და პრაქტიკულად უშეცდომოდ. ვკითხე, ხომ არ სურდა მიუნხენის ბაიერნში გადასვლა, მაგრამ მას თავის მეგობრებთან დარჩენა უფრო უნდოდა. TSV 1860-ზეც უარი თქვა. შემდეგ ვკითხე, ხომ არ ისურვებდა მიუნხენის ოლიმპიურ სტადიონზე ბურთის მომწოდებლად ყოფნას. დამეთანხმა, რომ საცდელ ვარჯიშზე მოვიდოდა. პირველი შეხვედრისას სკამზე დარჩა და სავარჯიშოდ არ გამოვიდა. ძალიან მორიდებული და თავშეკავებული იყო. მოედანზე გასვლისას კი სულ სხვანაირი ხდებოდა. ვულოცავ მას ამ იუბილეს და კიდევ 50 სანაკრებო შეხვედრის ჩატარებას ვუსურვებ. პირველ რიგში კი მას და მის ოჯახს ჯანმრთელობას და ყველაფერ საუკეთესოს ვუსურვებ.``
ანდრეას ოტლი, ყოფილი თანაგუნდელი და დიდი ხნის მეგობარი: ``ერთმანეთი ბაიერნის მოზარდთა განყოფილებაში გავიცანით, 19 წლამდელთა გუნდიდად მოყოლებული კი უფრო დავახლოვდით. როდესაც შტუტგარტში თამაშობდა, ვსტუმრობდი ხოლმე, ახლაც კვირაში ორ-სამჯერ ვესაუბრებით ერთმანეთს, მართალია ფეხბურთის შესახებაც ვლაპარაკობთ, მაგრამ ძირითადად ოჯახზე, განსაკუთრებული სასაუბრო თემაა პატარა იულიანი, როგორ გრძნობს თავს და როგორ იზრდება. ფილიპმა წლების განმავლობაში უზარმაზარი ნახტომი გააკეთა, განვითარდა როგორც პროფესინალურად, ასევე პიროვნულადაც. ის ისე შეეზარდა თავის მოვალეობებს, რაც ყოველთვის მარტივი სულაც არ ყოფილა. როდესაც მის კარიერაზე ვფიქრობ, მართლა ქონდა ბევრი შთამბეჭდავი მომენტი - გავიხსენოთ მაგალითად 2006 წლის მსოფლიო ჩემპიონატის გახსნით შეხვედრაში მისი გოლი, ან ევროპის ჩემპიონატის ნახევარფინალი თურქეთში 2008 წელს. უფრო ადრეულ ასაკშიც ასეთი იყო. იუნიორების ფინალში დუბლებიდან მოვიდა და მაშინვე შეძლო ჩვენი დახმარება. მნიშვნელოვან მომენტებში ყოველთვის ადგილზეა, და ვიმედოვნებ, რომ მისი მე-100-ე სანაკრებო შეხვედრის შემდეგაც ასე დარჩება. ვუსურვებ ჯანმრთელობას, ვნახოთ, კიდევ რამდენი შეხვედრის ჩატარებას მოახერხებს. მთავარია ჯანმრთელად იყოს და უეჭველად დიდხანს, დიდხანს ითამაშებს მაღალ დონეზე.``
დანიელა ლამი, ფილიპის დედა: ``ჩემი შვილის იუბილე ძალიან მახარებს. შესანიშნავი შედეგია მიუხედავად იმისა, რომ ჩემთვის მაინც ყოველთვის პატარა ბიჭად დარჩება. ალბათ ყველა დედა ასეა შვილთან მიმართებაში. თანაც ხასიათით საერთოდ არ შეცვლილა. ყოველთვის რეალისტი იყო და მიწაზე მყარად იდგა, ძლიერი ხასიათისაა, ძალიან პატიოსანი და ოჯახი ყოველთვის პირველ ადგილზე უყენია, მისი საკუთარი ოჯახი იულიასა და პატარა იულიანთან ერთად. ძალიან ვუყვარვართ ჩვენც, განსაკუთრებით კი მისი და. ჩვენი დიდი ოჯახი ხშირად იკრიბება. მაშინ კი ნათელია: ფეხბურთი ნამდვილად არ არის სასაუბრო თემა. ნამდვილი ბედნიერებაა, რომ მიუნხენის ბაიერნში თამაშობს, ასე ხშირად ვხედავთ. როდესაც მის კარიერას ვიხსენებ, მახსენდება მისი პირველი გოლი კოსტა რიკასთან. მართლა შესანიშნავი კარიერა აქვს! მხოლოდ მსოფლიო ჩემპიონის ტიტული აკლია. ეს ნამდვილი გვირგვინი იქნებოდა. მაგრამ ამაზე უფრო მნიშვნელოვანია, რომ ჩვენთან და ოჯახთან ერთად ბედნიერი იყოს. ასევე თავის საფეხბურთო ცხოვრებაში.``
ანდრეას ბალკი, ყოფილი თანაგუნდელი მიუნხენის ბაიერნის ახალგაზრულიდან: ``თითქმის არ შეცვლილა. იგი ბ-გუნდში გავიცანი, ყველაზე პატარა იყო ჩვენს შორის. მნიშვნელობა არ ქონდა რამხელა ``კარადები`` ვიყავით ჩვენ, ფილიპი თავის პატარა ფეხებით ყოველთვის გვჯობნიდა. მაშინვე შევნიშნე, რომ მისგან დიდი ფეხბურთელი დადგებოდა - ფაქტიურად შეცდომას არ უშვებდა, ყოველთვის ფხიზლად იყო. მხოლოდ ერთხელ არ მოხდა ასე. ბერლინში გავემგზავრეთ ფინალურ შეხვედრაში სათამაშოდ, დავმარცხდით, შემდეგ კი როკ კაფეში იმედგაცრუებილი წვეულება. . . შემდეგ ტაქტით მგზავრობა ფილიპთან ერთად - დღემდე მახსოვს ეს მომენტი! ფილიპ, ყველაფერ საუკეთესოს გისურვებ, იყავი ბედნიერი შენს საყვარელ ადამიანებთან და შენს პატარა ვაჟიშვილთან ერთად.``
ჰერმან გერლანდი, მისი ყველაზე დიდი მხარდამჭერი მიუნხენის ბაიერნში: ``ფილიპისთვის არაფრის სწავლება არ შემეძლო. მას ისედაც ყველაფერი გამოსდიოდა. 17 წლის ასაკში უკვე დახვეწილი იყო. ერთხელ ვთქვი, რომ ეს ბიჭი დედის მუცელშივე თამაშობდა ფეხბურთს, მხოლოდ ეს იყო ერთადერთი ახსნა. ამიტომაც: მე მისი მხარდამჭერი არ ვარ. უბრალოდ, სხვები ვერ ხედავდნენ ამას. მაშინ ``ამჟავებული ლუდივით`` ვთავაზობდი მას ყველას. ერთმა ბუნდელიგელმა მენეჯერმა მგზავრობის თანხის ანაზღაურებაც კი მომთხოვა, როდესაც ლამი შევთავაზე, ტყუილად მომიყვანე ამხელა გზაზეო. სამი წლის შემდეგ ისევ შევხვდი ამ ადამიანს, მაშინ ჩემი საფულე ამოვიღე და ვუთხარი: ``აბა, რამდენი მაქვს შენთვის გადასახდელი?!`` წარსულს რომ გადავხედო: ლამი საუკეთესოა იმ ფეხბურთელთა შორის, ვისთანაც მიმუშავია. მე კი ძალიან ბევრი ფეხბურთელი მყავდა.``
-------------------
TZ
Katerina Bayern.
https://www.facebook.com/photo.php?fbid=630...&type=1&theater 
· 
გერმანული ფეხბურთის ფანკლუბი, Deutschland wird Weltmeister
